قولكن ليش الصبايا هيك

حدا فيه يجاوبني ليش ..................... ؟
ليش الصبايا بالجامعة بشكل عام متكبرين وشايفين حالين ؟
ليش بشوفو حالين على رفقاتين بالكلية ؟
ليش ويا سبحان الله مشي يصيروا بالرابعة كلون بينخطبوا ؟
ليش بيرضو بالشوفيرية والمعترين وصحابين البسطات وبيتكبروا على رفقاتين ؟
ليش بيحكوا بالمثاليات مع رفقاتين وبينسوها مشي شوفير بدبلون عيونو ؟

أرجو الاجابة من قبل الصبايا والشباب
لأنو فعلاً هاد الواقع مو مزايدة

والله الصراحة انا لقيت بنات الكلية مانن متكبرات
بل بالعكس كتير متواضعات
بس الظاهر اجا حظك مع شي وحدي هيك
طول بالك بتلاقي غيرها

البنات بشكل عام بيحبو الشوفيرية منشان السيارات عرفت ليش ؟؟
بعدين بنت الجامعة شايفة حالها مثقفة وفهمانة كتيير ههههه
مابتحس الواقع الحقيقي الا بعد ما توصل ع الرابعة ويجي هم التعيين بحلب او المناطق الشرقية
ويا حذرك شو الحل
الحل بالزواج

يا أخي ماكل أصابعك مثل بعضها
البنات بشكل عام شايفيين حالن عليك وعلى غيرك

مشكورين على مروركون
بس الأخ allii مبين عنو خبير و واقعي وفعلاً حط أيدو عالجرح
أما الأخ fzarof بتوقع عم تحكي عن نسبة من البنات ما بتجاوز 0.00001%
وبالنسبة للأختLION LADY أكيد في هيك وفي هيك بس النسبة لكبيرة هيك
وألف شكر ألكون مرة تانية

ليش الصبايا بالجامعة بشكل عام متكبرين وشايفين حالين ؟
ليش بشوفو حالين على رفقاتين بالكلية ؟

طبعا مو الكل واذا انت اتلقيت شي فعل رد تكبر من شي وحدة فلازم تعرف انو مو الكل هيك....

ليش ويا سبحان الله مشي يصيروا بالرابعة كلون بينخطبوا ؟
والله كل شي بالدنيا نصيب وماحدا مقدر نصيبوليش بيرضو بالشوفيرية والمعترين وصحابين البسطات وبيتكبروا على رفقاتين ؟
اولا هي مو قاعدة وبعدين الشوفير اوصاحب البسطة او اي حدا بيشتغل وبيتعب هو انسان متلك متلو والعلم مو كل شي

ليش بيحكوا بالمثاليات مع رفقاتين وبينسوها مشي شوفير بدبلون عيونو ؟
؟؟؟؟؟؟؟؟؟؟؟؟؟؟؟ شو هالنظرة هي بيظهر انت شايف شي كم وحدة فحاكم على الكل يا صديقي
بكل الاحوال الي مابترضى فيك مو مضطر تعطيها اهمية ودور ع بنت تحبك
لأنو فعلاً هاد الواقع مو مزايدة
واقع لكن بشكل نسبي..........!!!!مو معمم
موفق

مشكورة زهر الجلنار على ردك المفصل
بس حابب وضحلك شي أنا ماني عم نقص من قيمة الشوفير أو صاحب البسطة بالعكس بحترمين كتير
كمان عم تقولي العلم مو كل شي مظبوط بس واحد من الأشياء لكتير مهمة لي لازم تتاخد بعين الأعتبار من قبل البنت الجامعية (برأيي الشخصي) بس للأسف معظمهن لايبالين بس بعدين ببلش رقص الحنجلة
وبرجع أكدلك صحيح مو الكل هيك بس الأغلبية هيك

أبو الليث كتب: حدا فيه يجاوبني ليش ..................... ؟
ليش الصبايا بالجامعة بشكل عام متكبرين وشايفين حالين ؟
بشكل عام مابعرف ..بس مو كل البنات متكبرين ولوووو
ليش بشوفو حالين على رفقاتين بالكلية ؟
اللي بتشوف حالا ع رفقاتا بالناقص منها و لاتقرب عليا ..ازبلها
ليش ويا سبحان الله مشي يصيروا بالرابعة كلون بينخطبوا ؟
مابعرف ..ليش ..!
ليش بيرضو بالشوفيرية والمعترين وصحابين البسطات وبيتكبروا على رفقاتين ؟
هههههه طيب كيف صارت انو متكبرين و بيرضو بهيدول الناس
مابظن ظابطة
انو شو جاب لجاب
و كل طالب جامعة من كليتنا بيسوى كل شوفيرية الباصات ..مع الاحترام للجميع
ليش بيحكوا بالمثاليات مع رفقاتين وبينسوها مشي شوفير بدبلون عيونو ؟
بيحكو بالمثاليات .!!
ماحدا بيطلعلو يحكي فيها لان مافي انسان كامل .

أرجو الاجابة من قبل الصبايا والشباب
بصراحة حبيت موضوعك ..
وان شاء الله ماتكون ادايقت من اجاباتي .
و عقبال ما يتحسن هالواقع الي شايفو ...
لأنو فعلاً هاد الواقع مو مزايدة

..................

بس حابب وضحلك شي أنا ماني عم نقص من قيمة الشوفير أو صاحب البسطة بالعكس بحترمين كتير
color=brown]عفوا منك انا ابدا ماقصدت انك عم توجه اهانة لحدا بس انا حكيت وجهة نظري بشكل عام...
كمان عم تقولي العلم مو كل شي مظبوط بس واحد من الأشياء لكتير مهمة لي لازم تتاخد بعين الأعتبار من قبل البنت الجامعية (برأيي الشخصي)
[
هدا شي مو رايك الشخصي بس بل راينا كلنا انا بشكل عام من احد الاشياء الاولية بالشخص الي بفكر فيه هو العلم اكيد لاني ماوصلت لهي المرحلة من العلم لحتى ارتبط بحدا جاهل...!!!!
بس بشكل عام القصد هون انو في كتير ناس متعلمين مع احترامي للجميع ممكن مايكونوا كتير نفسيتن حلوة او مابعرف متل ماعم نشوف بهالايام
بشكل عام كان قصدي من الرد عموضوعك انو انت مو ضروري تفكر ببنت نفسيتها هيك ومو مهتماية فيك
موفق......
تقبل مروري[/color]