الرئيسية
داخلي نهاري
جامعة دمشق
الكلية اللي بتعجبكن
دكتورين جامعة قاعدين مع بعض عم يشربوا قهوة بالمكتب ..وواحد عم يصلح وراق طلابه.
- على سيرة التصحيح مبارحة وانا عم صحح الوراق صرلك معي فصل خلى وشي متل سند الأمانة المستحق دفعه .
-أوف ليش بقا هات لشوف؟؟؟
-تصور صححت ورقة جاب الطالب 74 من 100!!!
-اووف!! طالب عندك بياخد 74 من 100 اتقي ربك يا شيخ......
-الله وكيلك ما بزل عليك بحرف .
-اي وشو عملت ؟
-ما سكتت عالموضوع بنووب ...رجعت صححت الورقة مرة تانية..وشددت شددت نزلتها لل 64.
اي لاء بقا... اسمحلي ...بعد التشديد و64 حاسس حالي ما بعرفك!!
-عم حاكيييك ........بس على مين؟؟؟ سلختها وش تالت.. وعصرت عصرت ..عصرت عصرت وما نزل تحت 52!
-لك عقلي من برجه رح يطير طالب عندك ياخد بعد العصر والنشر 52!!
-لك اي اي وانا كمان ما اقتنعت ولا دارتلي ..قلت يا ولد افتاح وشوف مين هاد فطحل زمانه؟
-ايي؟؟؟؟
_واذذذ!!!! بيطلع سلم التصحيح!!!
- ههههههههههه كنت رح شك فيك.. اوف اوف.....
-شبك؟
دلقت القهوة عالورقة راح كل شي كاتبه شو بدي حطله هلق؟؟
-ينيشنوك رعبتني قلت صار شي مهم سيدي اشلفها شلف ..
-قولتك كانه رح يأثر وهي 33
-كرييييم.. مو بإيدك.
