بعد الموت

كثيرا ما طرحت هذا السؤال على نفسي
ماذا بعد الموت
هل الموت نهاية
ام حياتنا مجرد مرحلة عابرة بين مراحل كثيرة
ام انها جسر انتقال للابدية و الخلود
الأديان كلها أجابت عن هذا السؤال، التوراة والأنجيل والقرآن وبوذا ولكن الإجابات إختلفت إختلافاً تاماً عن بعضها كما تختلف الأديان في الأصل ، فالأنجيل يتحدث عن أن الإنسان يموت وتنتظر روحه عودة المسيح في يوم القيامة، حيث يأخذ معه المؤمنون الأبرار إلى السماء حيث الرب والملائكة والاشرار يذهبون إلى الجحيم المعد لإبليس وملائكته ، والإسلام يتحدث عن الجنة والنار وعذاب القبر والبوذية تتحدث عن تناسخ الأرواح.

و لكن كل الاديان مع اختلاف رواياتها تتفق على وجود حياة بعد الموت

انا بتمنى من الكل يشاركوا بالموضوع بافكارون و هواجسون مع احترامي لكل المعتقدات و لكل الاديان و لكل الاجوبة لوردت بالاديان لهي الاسئلة
لكن انا بظن انو حتى اجوبة الاديان تركت حيز واسع لافكارنا و تخيلاتنا

صراحة انا فكرت بالموت وخاصة بعد مامات احد قرايبيني
انا خفت ولهيك ماكتير كنت فضل اني فكر فيه
وكل شي بياوانو كويس
والبقاءلله

شكرا على ردك محمد
على فكرة انتا فعلا حكيت كلمة مهمة انك بتفكر بالموضوع و بتنساه بحسب الظرف
لكن الموضوع بيسطر عليك كليا لما بيموت حدا قريب
و قتا حتى الايمان الراسخ ممكن يتزعزع و يسال الانسان ليش

طبعا فيه حياه بعد الموت اصلا الحياه الدنيا هيي مرحله فقط من الحياه والواحد باعتقادي ما بفكر الموت الا اذا عمل شي سيئ او مات شخص على الاغلب بصير يفكر شو بدو يصير فيه بس انا شخصيا ما بفكر بالموت ابدا لان الحمد الله ماني عم اعمل شي غلط او يغضب الرب وانشا الله منعيش كلنا بسعاده ورضا وتوفيق ومشكوووووره على الموضوع

يا اخي ليش لتفكر شو بعد الموت فكر شو في قبل الموت
فكر انا كيف بدو يكون مصيري اذا تصرفت هيك
وكيف رح يكون اذا تصرفت بالعكس
ما في داعي تفكر بالمجهول اذا الشي المعلوم بين ايديك
فاذا كنت بتفكر بالموت مرة ففكر بحياتك مليون مرة
لانو حياتك عبارة عن طريق لنهايتك
والموت عبارة عن مفترق طرق بتحدد على اساس حياتك
فخلي الاخرة للاخرة واشتغل بالدنيا لانو هيي بتقرر شكل الاخرة
بتمنى اني كون ساهمت بالموضوع على قدر فهمي وثقافتي المتواضعة
........................................

أنا بشوف الموت أكيد نهاية .... نهاية الحياة أقلو بشكل مادي, جسد انطفت فيه كل كهربا الحياة

أما توقع حياة بعد الموت فالموضوع هون صار روحاني ما فينا نخضعو لأي مقياس مادي

نحنا يا ساريما ما النا أي مرجع يكون حكم أو فيصل لنقاشنا سوى بعض المسلمات التي ارتضيناها

( أو على الأقل ما ارتضاه لنا الغير من هذه المسلمات ) وهذا الغير المفروض يكون الو مصداقية متل الانبياء والأولياء

طيب .. ما بتشوفي معي انو نظرية الحياة بعد الموت نظرية كانت ولا زالت فكرة غاية في الضرورة

بغض النظر عن السناريوهات اللي بيؤمن فيها كل دين حول شكل هالحياة..

ليش غاية في الضرورة ؟ لأنو فكرة الحياة بعد الموت هي اللي بتشكل الرادع القوي لأي مؤمن فيها

إنو هو رايح نحو العذاب اللا متناهي في حال ارتكاب الموبقات أو المعاصي

وطبعا هاي الفكرة هي بمثابة (الشرطي) الأقوى على تصرفاتنا وسلوكنا كبشر

مشكورة صديقتي ع الموضوع _________ التميز دائماً

كل شي الو بداية منطقياً رح يكون إلو نهاية

إذا اعتبرنا الولادة هي البداية لازم تكون الوفاة هي النهاية!!!!!!

الأديان أو (المسلمات ) لم تختلف جذرياً في موضوع الموت ولكن التفسير كان على ضوء ما لا يستطيع العقل على أقل تقدير

أن يرفضه أو يتجاهله

إن النقاش في أي أمر كان للخالق حصة الأسد فيه سيؤدي للوصول إلى نقطة قد لا تقبل النقاش المنطقي

ليس لعدم وجود جواب بل لإن العقل البشري قد لا يقتنع بالإجابة

هل توجد حياة بعد الموت ؟؟؟؟؟

لنفرض العكس ...فما هو الفرق بين الخير والشر ؛ بين العلم والجهل

لا بد من فيصل يحكم بينهم ليظهر الحق وأعوانه والباطل وأزلامه

كل الأنبياء والرسل كانوا يعلمون أن ممن يتبعونهم هناك المنافق والكذاب والمتستر بالدين

ولكنهم أيضاً يعلمون أنه لا بد من مكان وزمان لاظهارهم !!!!

المرحلة الاولى: هي عندما تتكون البيضة الملقحى في حرم الام حيث يتكون الجنين لكي يستطيع العيش في المرحلة الثانية
المرحلة الثانية : هي خروجه الى الحياة الدنيا حيث تكون اعضاءه الجسديةمتكيفة مع الحياة الدنيا
المرحلة الثالثة :مرحلة الموت او تسمى عالم البرزخ حيث يعود الانسان الى ماخلق اي الى التراب
المرحلة الرابعة : وهي مرحلة الآخرة حيث يعود الانسان ويحيا من جديد وذلك بفضل الله سبحانه وتعالى ولكن يعود انسان شاب وليس عجوزا او كبيرا بالسن

عاشق الوسوف.شكرا على ردك و مساهمتك التفكير بالموت ما بيكون بس لما حدا بيغلط بالعكس المؤمن اكتر شخص بيفكر بالموت و بيخاف منو و بيهابو لانو عندو هاجس ارضاء الله و غايتو الجنة
the phenomenon.........شكرا الك و لمساهمتك المتقدة كلامك في كتير شي من الصح فكر بحياتك و اعمالك و كيف ممكن تكون شخص صالح و صادق و حتما الاخرة رح تجي نهاية للطريق لبتمشيه

[b]JAD silver 86
طيب .. ما بتشوفي معي انو نظرية الحياة بعد الموت نظرية كانت ولا زالت فكرة غاية في الضرورة

بغض النظر عن السناريوهات اللي بيؤمن فيها كل دين حول شكل هالحياة..
طبعا جاد كلامك دقيق مية بالمية الفكرة ضرورية مو بس كرادع و للاستمرار كمان فكرة المكافاة او الجزاء بتوهم الانسان بوجود العدل و بتريحو كتير حتى انا بتهون مصيبة الموت و بتقوي الاشخاص ليستمرو بحياتون بعد ما بيفقدو شخص عزيز
و منا رح ينوجد الانسان الطيب المؤمن العاقل و الاخلاقي و الا كانت البشر دبحت بعضا من زمان اكتر من ما عم ديح بعضا هلاء
هيك فكرة بتنظم الحياة و بتحط ضوابط تعامل و استمرار مو ايا انسان قادر يكون صالح بدونا بالرغم من وجود كتير من الناس الاخلاقيين رغم ابتعادون عن هيك ضوابط
[[SA LEH]إن النقاش في أي أمر كان للخالق حصة الأسد فيه سيؤدي للوصول إلى نقطة قد لا تقبل النقاش المنطقي

ليس لعدم وجود جواب بل لإن العقل البشري قد لا يقتنع بالإجابة

العقل البشري لا يقتنع بالاجابة و لكنه يؤمن بها لعدم وجود تفسير اخر او فكرة اخرى منطقية لا اقصد الاستخفاف بها كفكرة و لكنها اكثر منطقية للانسان من النهاية او الزوال ان يكون هناك حياة اخرى يتابع الانسان فيها ما بداه على الارض
اكثر منطقية و اقرب لعواطفه كاي شيء يريد الانسان تصديقه بغض النظر عن رغبته بالتاكد منه


allii

شكرا لردك كلامك عن انو نعيش هاجس الموت صحيح لكن انك تعتبر الموت ليس ذو قيمة بالرغم من انو حدث
بيحمل كتير روحانيات و عواطف و بالرغم من غموضو و المضي نحو المجهول فيه رح تصير متل لعندو الهاجس لكن من غير وجهة نظر

tarek.n
[شكرا لردك و للاغناء بس ممكن اسالك ليش بالابدية بيعيش الانسان شاب و شو الحكمة من الموضوع

حيث عن الرسول عليه الصلاة والسلام :



فقد
روى الإمام أحمد والترمذي وغيرهما عن أبي هريرة ومعاذ بن جبل رضي الله عنهما أن النبي
صلى الله عليه وسلم قال: يدخل أهل
الجنة الجنة جرداً مرداً بيضاً جعاداً مكحلين أبناء ثلاث وثلاثين على خلق آدم طوله ستون ذراعاً في
عرض سبع أذرع. وفي رواية للترمذي: أبناء ثلاثين أو ثلاث وثلاثين....
فهذا
في أهل الجنة الذين
يدخلونها كما هو ظاهر الأحاديث، وأما عند الحساب فلم نقف على تحديد لأعمارهم أو صفاتهم.


والله أعلم





ولحاول لاقي الاجابة الواضحة عن عمر الانسان .

شكرا روحنا الوسوف عالرد و الاغناء انا بعرف انو الاديان بتتفق بالفكرة العامة
لكن انا حبيت اطرح الموضوع لحتى اعرف رايك و رايي وو راينا نحنا بغض النظر على اجا بالدين طبعا مع احترامي لكل المعتقدات لكن ما بعتقد ما في انسان ما عندو وجهة نظرو الخاصة بالموضوع و ممكن هي الوجهة النظر تكون نوع من التفسير للي اجى بالدين اذا ما بدنا ناخد الكلام الوارد فيه و نفسرو حرفيا
ممكن ناخد منو شي بيخصنا نحنا


فروحة انا بقول نفس الكبلام تماما لهيك بيجوز طرحت الموضوع الموت رحلة للمجهول و ما حدا رجع و خبرنا شو صار معو لهيك الانسان بيرتاح لما بيترك هالامور للروحانيات و للاديان تفسرا لانا اكتر رقة و شفافية و اقرب للعدل الضايع شكرا عالمساهمة

ممكن تقلنا على شو بتختلف بهي النقطة روحنا الوسوف
فعلا ما حدا رجع و خبرنا شو صار معو كيف الموت اذا كان بالم او بدون الم اذا شايفنا نحنا كعالم الاحياء او لاء اذا حاسس بالناس لعرفون بمرحلة الحياة او لاء اذا سمعنا عم نبكي عالقبر و حس بالصلاة على روحه
و اسئلة كتير ما حدا قدر يجاوب عليا و لا ممكن يتجاوب عليا الا باطار الروحانيات و اجوبة الدين و لي احنتكال كبير تكون مفسرة غلط

صراحة هون بكون في شغلات خاصة واكيد كل واحد عندو معتقدو أنا مابحب افتح هيك موضوع

اول شي الديان الها نفس الاصل ونفس الهدف والمبدأ واللي هوو التوحيد وتاني شي الموت حقيقة واقعة وللانسان حياة بعد الموت وهيي حياة التقمص حسب اعمال الانسان في الحياة الدنيا وبعدين مقدر للانسان المرور ب هالمرحلة وبرأيي الاديان ما اختلفت ب هالموضوع اختلاف جوهري لانو بالنهاية الاديان هيي عبارة عن سلسلة للوصول الى الدين الاكمل وهوو الاسلام ومشكورة على الموضوع

انتي طرحتى كذا فكرة بردك مع بعض خلينا نفصلون وحدة وحدة
[b]اول شي التوحيد بين الاديان بفكرة الموت تحديدا مو حرفي و بيحتمل التفسير على وجود بعض الاختلافات
تاني شي التقمص فكرة تانية مختلفة عم موضوعنا بعد الموت
و طبعا هون في جدل كبير لانو التقمص فكرة بترفضا مذاهب كتيرة حتى ضمن الدين الواحد و لسه ما تفسرت بشكل علمي او منطقي
و هون خلاف جوهري انتا فهمت من كلامك باشارتك للتقمص و كانو الانسان بيضل يخلق و كل مرة بيخلق فيا بيتحاسب على اساس الحياة لقبلا او شي بتمنى التوضيح لانو الفكرة مو واضحة
حتى الفكرة الاخيرة بتمنى توضحيا كمان
نحنا سالنا عن شو بعد الموت و انتي حكيتي عن الوصول للاسلام بالنهاية
شكرا على مرورك و تقبلي اسئلتي لانو ردك بحاجة لنهاية و شكرا

موضوع حلو بس حلاوتها انو كل واحد بيفكر على كيفو

بس موضوع متشعب وكبير قوي برضو

farro7a كتب:

اذا انتا قصدك ياروحنا _الوسوف
عن الناس اللي كانو بغيبوبة وفاقو وحكو شو شافو هيدول
ما ماتو انا عم بحكي عن اللي اندفنو تحت التراب ورجعو وحكو عن منكر ونكير مثلا او عن عذاب القبر
أكيد ماحدا مات ورجع عاش
واذا في مجال توضح وجهة نظرك

لا مو عن الناس الي بغيبوبة ومو حابب احكي عن هاد الموضوع بالتحديد لأن بيمثل الي أشياء خاصة بس حسب اعتقادي الجسد يدفن بس الانسان جسد وروح وهون القضية تتعلق بالروح