زواج الخطيفة انتصار للحب أم فشل للمجتمع؟

في كتير ناس صايرة معهم .... لما الناس ما بيتقبلوا فكرة الحب بين اتنين وهالناس بيكونو الأهل أو المعارف فعندها يلجأ الحبيبان الى زواج الخطيفة بس السؤال ياترى انتو مع أو ضد هيدي الفكرة؟ حابة اسمع رأيكم ويا ترى هالنوع من الزواج هل هو انتصار للحب أم فشل للمجتمع؟

فشل

انا شخصيا بقول اني ضد هالفكرة لانو بشوف انو بعد الهريبة والزواج بدو يقل الحب وتخف الشعلة للي كانت متوهجة وبدا تصير تحسب حركاتا كتير منيح لانو اي خطأ بدو الزوج يحاسبا وهي بع ما هربت مع حبيبا ما عد عندا حضن تلجألو ونادرا نادرا بتنجح هيك علاقات بس اكيد بدا تنصاب بغضب ع الاقل من الوالد وبدا تسود وجه عيلتا

البارون:شكرا كتير على رأيك وانا معك مية بالمية 

ولشو زواج الخطيفة من اساسو لولا انو هالتنين هربانين من المجتمع نفسوا

وبرايي لا يعبر الا عن ضعف الشاب وعدم مسؤوليته تجاه نفسه وتجاه من احب هاد اذا فعلا بيعرف يحب

بعدين اذا حضرتها بدها تروح خطيفة يعني هي متنازلة عن كل قيمها و كل ما تملكه من كرامة فانو حب هاد

برايي حب بلا عقل بيضل ضرب بالهوا وماالو نتيجة غير الهوا
وهاد هوي حال زواج الخطيفة ما منوا غير الهوا و طبعا مو قصدي اكل الهوا الهوا = ملذات و انسياق وراء مشاعر كاذبة

ولا ليكونو هالتنين مفكرين حالون بدون يتخطوا اهلون او يرتاحو من وجع الراس وانو اهلو او اهلا مو موافقين

فبيكونو غلطانين لانو هربوا من الحل وركضوا وراء حل ينتهي بعار او على الاقل بفشل

انا ضد لان الاهل ما راح يعملو شي يضر بمصلحة اولادون وبما انون اكبر منا ف اكيد تجربتون بالحياة راح تكون اعمق مشكورة

مشكورة وانا معك

روحنا الوسوف ما قلتلي ليش بتشوفو فشل؟

MR HACKER ببعض الأحيان الشب بهيك موقف لأنو بيحس بالمسؤولية تجاه الحب فبيتسرع وبينفذ هالخطوة_وهيي خطوة خاطئة أكيد_من دون ما يجرب كل الطرق لاقناع أهلو أو أهلها أو الطرف المعارض وهوي بيكون بفكرو أنو عم ينقذ  حبه بينما هوي بيكون عم ياخد هالحب لطريق مسدود ولنهاية أكيدة وبالنهاية رح يكتشف الطرفان أنو غلطوا باتخاذ هالقرار

مشكووووووووووووووووور

ليش بدون نقاش يا ليون ليدي كنت حابة اسمع رأيك 

هيدا النوع من الزواج بنظري ليس انتصار للحب ولا فشل للمجتمع وإنما شاب وفتاة يريدان أن يقدما هذا النوع من التضحية لبعضهما ولنفسيهما لأنه بالنهاية أنت أو أنتي ستعيشان مع شخص واحد بقية العمر وليس مع هذا الكم الهائل من الناس الذي لا يريد سوى طق الحنك.......أما بالنسبة للأهل فواجب الابن أو الابنة أن تقوم بإقناعهم بوجهة نظرها وعندما لا يجدان حلا آخر وإذا كانا على درجة عالية من الثقة ببعضهما .........بالنهاية هذا خيارهما والزمن يشفي كل الجروح وإن بقيت بعض الندوب هذا أمر طبيعي.......

شكرا ع التعليق catco 
بس انتي برأيك انو هالثقة اللي بيناتهم مارح تخف حتى تزول نهائيا مع الزمن لانو اصلا المشاكل ما انتهت بهالخطوة بل بالعكس هون وبس ينفذو هالخطوة رح تنهمل عليهم كميات هائلة من المشاكل والتي هنن بفكرهم رح يرتاحو منها اذا عملوا هيك
مشكورة تاني مرة

لذلك قلتلك يا ليدي مون لازم يكون في ثقة حتى يعرفو يحلو مشاكلن ويكونو متأكدين ولو 90 بالمية.......