الرئيسية
لما تجيك دعوة لحضور حفل زفاف لأحد الأشخاص
فإن البنات في المنزل يعلنون حالة الطوارئ في اليوم الموعود فتلقاهم صافين طابور عند باب الحمام .. من أجل أخذ دش بارد ليش يا حزرك ؟؟؟؟
لانهم مؤمنات بالقاعدة الفيزيائية التي تقول : ان الاجسام تتقلص بفعل البرودة
وبعدين بركضو على المرايا و مابخلو مراية بحالها .. وبتلاقي تالا عند مراية التسريحة تتمكيج وسمر عند مراية الخزانة تركب عدساتا وشوشو عند مراية المدخل تستشور شعرها وامل محتارة أي فستان تلبس وكلما اختاروا لها فستان .. قالت : لا .. هاد شافوه عليّ
ورغد تترجى اخوها :خدلي فستاني للمغسل وقولن يخلو مستعجل وابتسام رح تجن مالقت الحلق اللي يناسب لون فستانها وشوق تقول لاخوها : مر على جارتنا وخذ من عندها الاكسسوار الاحمر ورولا .. انفرط سحاب فستانها .. وبدا الخياط يصلحه << والله من السمنة الزايدة وكلن بسباق مع الزمن ..
( طبعا ياعيني عالرجال ..بنطلون وقميص وخلصت القصة)
وبعدين بيوصلو على الحفلة وشوف الرقص كيف اللي تحط رجلها من شرق المسرح الى غربه
واذا قال المطرب شي كلمة قال بقلدوا يعني اذا قال يمين بروحوا على اليمين والخ
** واللي تهز وهي واقفة مكانا.. وبس يجي المطرب اذا مو مسجلة ..
والوحدة فيهم بتجن من الفرحة اذا المطرب قال يقبرني الاحمر (طبعا بتجن كل وحدة فستانا احمر )
وطبعا العجايز منصدمات .. ومافي الا دعاوي على هالبنات
(مثلا :بت مين هيي-ويلي شوفي شو لابسة-شوفي هالرقصة مو عيب عليا...)
واذا غنا المطرب اغنية مصرية .. تلقا الاغنية في وادي والرقص في واد آخر الا من رحم الله
واللي تعرف ترقص مصري .. بتلاقي الكل عم يشدوا تقوم وهي بترفض .. طبعا من حقها .. تخاف يضربوا بعين على كيفك
واحلى شي وقت بقول المطرب
رقصة خاصة لاهل العروس ) واذ بتنصدم انو كلن من اهل العروس
وتعال شوف الحكي اللي يدور بين الحضور والجالسين
أنا ما بعرف كيف بيسمعو بعض في وسط الصجة
- زوجي بموووت علي
- انا من قبل كنت ضعيفة بس الحمل والولادة خربوا جسمي
- ما في حدا بيصبر متل صبري
- كل ما رحت لعرس خطبوني
- أي حدا بشوفني بقول صغيره
- محد بصدق انو هي بنتي بفكروا أختي
- من أمس ما نمت إلا ساعة
ويخلص العرس ويجي العرس الثاني بعد اسبوع
والوضع نفسه
