نوعية العلاقات في كلية الاقتصاد بطرطوس

زملائي الاعزاء
هاد الموضوع ولا احد المقصود فيه من بدايتها
بس شو رأيكم بالعلاقات يلي عم تصير بهل كليه
وهل هي علاقات صادقه
وهل كل تنين مرتبطين هني على قدر المسؤوليه بهل علاقه
هل فكر كل شب وكل بنت الناس شو بتحكي عليه من وراء هل علاقه
سؤالي موجه للمرتبط وغير المرتبط

شكرا الك اخ حسن على الموضوع
وبصراحة موضوع فعلابشغل التفكير
انا ابصراحة مو مرتبط
بس مو ممكن اي تنين مرتبطين يكونوا جادين بالعلاقة
ممكن يكون واحد منهم عم بتسلا لكن بصراحة تامة
اكيد الشخصين المرتبطين مبسوطبن و هاللاشي بكفي

الف شكر الك اخ حسن

برأيي يا حسون كل واحد عليه بحالو و الناس بدها تحكي هيك هيك


أنا علي زغيبي

والله ياحسن في منهم جادين بالعلاقة بس النسبة الكبيرة مو جادين يعني اكتر جملة بسمعها بالكلية هيي انو كل شب بيطلعلو كذا بنت

والله يا زميل حسن الله والشخص نفسو بيعرف اذا هل العلاقة جادة ولا لاء بس أغلب الاحيان والشائع خلال الحياة الجامعية انو لازم الشاب عل الاقليلي يكون مصاحب وا مزبط شي بنت هيدي العادي خلال الحياة الجامعية بس الا ما تلاقي شي علاقة جادة من بين هل العلاقات بس اغلبون تسلاية مو اكتر والاسف

والله يا حسن العلم عند الله ...
بس في هيك وهيك في شباب مصاحبة تسلاية مو اكتر ... وفي شباب مشكلة علاقة جدية وممكن تستمر
انا بالنسبة الي لسى ماني مرتبط والأهم عندي اني كسبت كم صديق ...

أما العلاقة بين اثنين فلا أجد
: أبلغ مما أوصى فيه جبران خليل جبران حين قال
ليعط كل منكم قلبه لرفيقه ولكن حذار أن يكون هذا العطاء لأجل الحفظ لأن يد الحياة وحدها تستطيع أن تحتفظ بقلوبكم

love is all ...

يا خيي حسن
كما قال جبران
طهرت شفتي بالنار المقدسة لأتكلم عن الحب ولما بدأت بالكلام وجدتني أخرس
ببقى يا حسن إذا في حب بين التنين أكيد العلاقة رح تكون جدية ومستمرة
وبتوقع لي بدو يتسلى بيكون معروف منيح

بيقول جبران
الحب شعاع سحري ينبثق من اعماق الذات الحساسة و ينير جنباتها فترى العالم موكبا سائرا في مروج خضراء و الحياة حلما جميلا منتصبا بين اليقظة و اليقظة.

وانا براييي انو ياعيب الشوم لكل شب او بنت بيضحك ع التاني بالحب
بصراحة انا بقرف من كل شب بعرف انو عم يضحك ع بنت او بالعكس .

انا برأيي انو مختلط الحابل بالنابل هالايام
مو معروف اللي بيحب من اللي بيتسلى
اذا كان حب الاتنين رابحين واذا كان تسلاية فهو بيكون ارضاء للنفس من قبل الطرفين الشب والبنت
الشب انو في بنت بتحبو والشب انو ليك يابا انا مرتبط يعني في مصلحة للطرفين بالنص حتى لو الاتنين بيعرفو انو مارح يقدروا يكملوا حياتون سوا

عفوا تصحيح بسيط(البنت انو في شب بيحبها)
يعني ماتواخذونا الساعة وحدة ونص بالليل بكتب انا ونايم

من راقب الناس ...مات هما"

حسن مشكور كتير لأن هيك موضوع أو هيك سؤال كان لازم ينطرح من زمان بس برأيك ماكان لازم ينطرح هيك سؤال على الشخص نفسة إن كان شاب أو كانت فتاة لأن هني إلي قادرين يحددو مدا العلاقة إلي بتجمعن وبتصرفاتن وبحركاتن وقعداتن قادرين يسبتوا للناس كلها مدا العلاقة إلي بيناتن أو بالأصح قادرين يفرضوا أحترام الناس والمجتمع إلن ولعلاقتن أو العكس تماماً

والأهم من هيك خليني ضم صوتي لصوت codename47 لأنو مريح راسوا وبتمنى من الجميع يريحو راسن لأن
من راقب الناس ...................................مات هماً\مشكور كتيييييييييييير

الحب بيضل حب ما حدا فيه يغير من معناه
والكذبة واللعب بتضل كذبة ماحدا بيغير من معناها
ما حدا فيه يضحك على حدا ويقلو انا بحبك
اذا عن جد الطرفين بيحبو بعض اكيد رح يحسو ببعض
واذا كانت القصة تسلاية والله مع الاسف التنين بيكونو عم يضحكو على بعض
الحب الصادق يا خيي حسن ما بيخبي حالو
صحيح ولا انا غلطان

صحيح حسون نسيت قلك انو انا رفيقك محمد

متل مابتعرف يا حسن الحب أسمى شي بالدنيا وأنابعتقد مافي حدا يقلك لأنك انت من الاشخاص يلي عايشو بس المشكلة بتصير وقت اللي بيتجرد هدا الحب من معاني وبيصير تسلاية أو تمضاية وقت وفي كتير عالم ما خلو للحب طعمة وفهمك كفاية....
مشكور........

انا بحترم كل اثنين حابين بعض
طبعا الناس بدها تحكي بكل الاحوال شي اكيد
بس حكي عن حكي بيفرق
وب النسبه للعلاقات ب الكليه شي بيضحك لان الاغلبيه بيعرفو انو مارح يستمرو بس بيبقو مع بعض
طبعا مارح ننسى الهدف الاساسي وهو اللحمسسسسسسسسسسسسسسسسسسه والحوش طبعا
هيدا شي عم يصير قدامنا وما تقول يا زميل اني عم اعمل مشاكل
او عم كذب لاني معي صور...................................

من راقب النـــــــــــــــــــــــــــــــــــــــاس مــــــــــــــــــــــــــــات هــــــــــــــــــــــــــــما
ok
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اذا أردت شيئا بشدّة فأطلق صراحه
فإن عاد اليك فهو ملك لك للأبد
وان لم يعد فهو لم يكن لك من البداية

والله يا جماعة مبين انو مشكلجي عن جد
من فوتو عالمشاكل
عيب والله لازم نكون كبرنا على هالتصرفات الصبيانية
مشكلجي يا مشكلجي
ماحدا يفكر حالو احسن من العالم بكتير
ومتل ما قال زيزو شو بدك بالناس
ياللي بيرضاها لحالو ما دخلنا فيه علينا بحالنا ولا انا غلطان
بنتمنى انك ترد عالتعليق مو تضل ساكت
بس اكيد رح ترد كونك مشكلجي
عم امزح معك (خدا بروح رياضية هاه)

كل واحد عليه بحالو