انو ليش ( سؤال ما الو جواب؟ )

سؤال محيرني ومعقدني كتير كتير
انو انا ليش بخاف ع حالي ؟؟؟؟؟؟؟
مثلا ليش انا بخاف تضربني شي سيارة ؟؟؟؟؟
او ليش مثلا بشكل عام البني ادم بيحافظ ع حالو؟؟؟؟
وخير انشالله ونموت يعني شو بدو يغير وين المشكلة؟؟؟



PC::: الجواب رجاءا لا يكون الو علاقة بالدين لانو الجواب الالهي واضح بس انا بدي جواب بحسب منطق الفلاسفة !!!!!!!!
لا تعقدو الاجوبة الله يرضى عليكون حاج كلشي معقد؟؟!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

اللي ما عندو جواب يكتفي وبقول ::: سؤال ما الو جواب

لأنو الإنسان ماعندو أغلى من حالو لهيك بخاف على حالو أكتر مايخاف على حدا
وبس اذا مات هوي راحت عليه والمصيبة على الناس الحوالي
مشكور على السؤال

أنا ما بخاف على حالي انا بخاف موت كرمال بنتي وبس

انو هيي رغبة عند كل واحد يضل عايش خصوصا انو في كتير شغلات بيحب الانسان يعملا واسا مقدر يعملا
وبجوز مشان ناس تانين بنحب نضل نعطين

لانو الانسان اناني بحب حالو كتير وهي طبيعة كل البشر بس نسبتها بتختلف عند كل شخص بس اذا فكر مزبوط بيعرف انو اذا مات هوة حيرتاح اما اذا مات حدى من الي بيحبون حيتعذب كتييييييييييير ....... انشا الله ما يكون حكيي سئيل

اي شو ها السؤال وشو ها التفكير
وليش ها التعقيد
الإنسان بيخاف على حالو ببساطة لأنو متمسك بالحياة
كلنا منقول ما بيهمنا الموت
لأنو بعيد
بس يقرب كلنا منغير وجهة النظر ومنصير بدنا نتمتع بالحياة
ليش الإنسان بيخاف على حالو ؟؟؟؟؟
الي بيخاف بيكون مريض نفسيا
لازم الشخص ينتبه على حالو
اذا بيخاف على حالو يقعد بالبيت ولا يعمل شي
انا بأمن بشغلة الي بيخاف من شي بيصيبو
وكمان الرصاصة الي بتقتلك مارح تسمع صوتها
لهيك ما في داعي لهيك تسائلات وخلي كلشي على السبحانية

مشكوريييييييييييييييييييييييييييييييييييييييييين كلكن عالأجوبة

رح جاوب ببيت شعر قرريتو من فترة
اخاف الموت ليس طمعا ً في الحياة
ولكن حرصا ً على دمع أمي

انا يا حمادة ما بخاف من الموت بحد ذاتو بالعكس تماما انا بخاف انو يصير معي شي حادث(بعيد الشر) والله ما ياخد امانتو.....بس اتاذى او يصير معي اعاقة....
وبروكن معا حق نحنا كمان منخاف من الوجع....

شكرا الكن ع الاجوبة الجميلة
اليوم سالت جاري نفس هادي الاسئلة بتعرفو شو جاوب ؟؟؟؟؟ ( مع الاعلم انو ضابط رفيع المستوى)
قلي انا بخاف لحالي من الموت منشان لا ارجع اتعلم من الصف الاول وعيد كل الصفوف............
شو رايكن بهالجواب
اكيد انا فرطط من الضحك


مشكورين عالمرور مرة تانية

بظن عن نفسي لان ماحد خالي ذنوب او اخطاء
او ان منحس ان نحنا هون مبسوطين مامنفكر بحياة بعيدة حتى لو كانت حلوة بعيد عن احبابنا واهلنا ورفقاتنا
وبظن لعدم وجود تصور داخلنا دقيق لما بعد الموت
السوال حلو كتير والو اجوبة كتيرة مو جواب
لان بظن كل انسان بخاف من شي بجوز شخص التاني مايفكر فيه

رح قلك شغلة ورح تعرف جوابها لوحدك
تخيل لا سمح الله يصير فيك مرض بس مرض لفترة معينة مغص او كريب قوي مثلا
وقتا رح تحس بالوجع وتتألم وتعرف شو هيي قيمة حياتك ووجودك
نحنا صح عم نحكي حكي بس الي عم ياكل العصي مو متل الي عم يعدها
وكمان شغلة تانية .. الانسان هو روح وجسد
انت وقت بدك تخاف فكر انك ما تخاف ع جسدك بس لا تفكر تعذب روحك
لانو بالاخير الجسد فاني والروح باقية
ومن هالمنطلق عيش حياتك وفكر انو كلشي عم تساويه بحياتك هو كرمال روحك مو كرمال الجسد والسلام