نصيحة مجرب

شو يعني الحب....؟ أو يمكن السؤال ...اليوم في شي اسمو (حب)؟؟؟
أنا بشوف انو هالايام صار الحب شي لتمريق الوقت , بتعرفوا الايام الدراسية بتملل فلازم الواحد يتسلّى بشي .. و أحلى شي ممكن نلاقيه يسلينا هوي الحب ...
يعني صرنا منشوف الحب متل لعبة و نادراً ما تلاقي حدا بيحب بجد و بيكمل مع اللي حبها
شي بيدعو للاشمئزاز فعلاً... يعني الناس صارت بدها تتسلى ببعضها .. و على فكرة البنات مو كلهم بريئين ,في كتيرات كمان بيشوفوا الحب تسلاية ... (يللا ماظبط هاد منشوف غيرو) كأنو ما وراهم شي غير يحبوا..
اللي بيقرا مقالة(rely love)يمكن يفهم شي منها ... بس مين بيطبق , الدني ماشية هيك اليوم ,ما حدا بدو يحب لسو الحب , المعظم بدهم يتسلوا باسم الحب... و بيطلعوا الغلط بالطرف التاني بالآخر .. قال يعني هنن ملايكة و ما فيهم العيب , و بيتركوا لاسباب سخيفة بتثبت مدى سخافتهم , لأ و شو بتكون الشغلة صايرة من شي سنة بيجي و بيعمل منها مشكلة وهيي شي تافه مالو قيمة.
و للا التاني اللي بدو اللي بيحبها تصير متل ما هوي بدو و إلا بيتركها , و هيي من بساطتها بتعمل اللي بدو ياه بس يكون معها .. مو عرفانة انو مرحلة و بتمر و بيمل منها و رح يتركها و يدوّر ع غيرها.. طيب يا بني آدم كيف بتحبها و كيف في شي مية شغلة بدك ياها تغيرها ؟؟؟؟ إذا بتحبها حبها متل ما هيي و ما تدعي انك بتحبه و تلعب باعصابها كرمال ما تتركها ... و انتي يا بنت حوا ليش تردي عليه .. إذا مقتنعة بحالك و مرتاحة ليش تتغيري كرمال واحد ما بتعرفي إذا كان بدو ياكي عن جد أو عم يتسللى....
فيقوا بقى .. يا شباب و يا بنات .. اللي عم تعملوه مضيعة للوقت ... استثمروا حياتكم بشي أحلى ... قروا كتب , روايات ,كتب دين , درسوا و تفوقا بمجالكم اللي اخترتوه , و إذا جيوا تحبوا اختاروا الوقت الصح و الشخص الصح , بلا ما يغيركم و تغيروه , حبوا اللي بيناسبكم و بيشبهكم .
هي كانت نصيحة من اللي سبقتكم و شافت شي كان قاسي...
أنا اتغيرت للاحسن لأن اللي غيرني خلاني صير أحسن , بس أنا ما قدرت كون غير أنا .. أفكاري و طموحاتي و قناعاتي بالحياة , طريقة تفكيري و اسلوب حياتي كلها اشيا بتخصني لوحدي .
صديقي كان متفهم , كان حظي حلو ,فهم اني ما رح غير حالي كرمال حدا فكان البعد أريح النا و خاصة انا من مدينتين مختلفين ,بس انا شفت غيري شو صار فيهم و متل ما انصحتهم حبيت أنصحكم . عطو الحب حقو و ما تشوهوه لتتسلوا و لا تضيعوا وقتكم بللي ما بينفع ...و السلام عليكم و رحمة الله و بركاته...........

شكراً ع ردودكم , فرحت بأجوبتكم و بتمنى الكتيرين يفهموا ..
أنا بعرف انو صار اسمها علاقة بالظروف اللي انوضعت فيها... مشكورييييييين

اّخ عالحب من طرف واحد يا نسيم اّخخخخخخخخخخخخخخخخخخخ

بصراحة هاد احلا موضوع قريتو لهلأ لأنو الكل حكى من قلبو .انا صح ماعندي تجاربكون بالحياة بس تجربة وحدة خلتني اوعى اكتر .مارح ارجع عيد حكيكون بس جد مزبوط 100% . اما الحب من طرف واحد الله لايدوقني ياه لاني هاد اصعب نوع من انواع الحب وما بتمناه لعدو ..صح انا ماجربتو بس بقدر اتخيل شوي العذاب الي فيه .بتمنى مايكون حكيي غليظ ووووو شكرا

و للا التاني اللي بدو اللي بيحبها تصير متل ما هوي بدو و إلا بيتركها , و هيي من بساطتها بتعمل اللي بدو ياه بس يكون معها .. مو عرفانة انو مرحلة و بتمر و بيمل منها و رح يتركها و يدوّر ع غيرها.. طيب يا بني آدم كيف بتحبها و كيف في شي مية شغلة بدك ياها تغيرها ؟؟؟؟ إذا بتحبها حبها متل ما هيي و ما تدعي انك بتحبه و تلعب باعصابها كرمال ما تتركها ... و انتي يا بنت حوا ليش تردي عليه .. إذا مقتنعة بحالك و مرتاحة ليش تتغيري كرمال واحد ما بتعرفي إذا كان بدو ياكي عن جد أو عم يتسللى....


بدووووووووووووووووون تعليق

واللـــــــــــــه الحب من طرف واحد كتير حلو و عذابو اسا أحلا منو

بل ما قول رأيي بالحب من طرف واحد .. بدي اسأل أنوسة و بس (شو قصدك بدون تعليق عالاقتباس اللي آخدتيه من كلامي ؟؟) انتي معي او ضدي بللي عم قولو؟؟؟........
أما عن الحب من طرف واحد أنا معكم هوي قاسي كتير ,خاصة لما يكون الطرف التاني (المحبوب) حاسس و عامل مو عارف هيك ما بعرف شو احكي ............ بس حلو الحب من طرف او من طرفين حلو و عذابو مرررررررر .... و مشكورين ع ردودكم الحلوة...

*نحن البشر نملك زمام الأمور في كل الأشياء الدنيوية حتى الحب .لكن في اللحظة التي نفكر بها في الحب تكون زمام الأمور قد أفلتت من بين أيدينا وخرجت عن دائرة حياتنا وسيطرتنا ..... سواء كان من طرف واحد او من طرفين
هيك ان بشوف الحب باختصار شديد

شكرا ع الموضوع الملفت للانتباه