للنقاش .. هل أنتَ مع أو ضد ؟؟!!..

انا مع التعديل لانو ضروري في ظل المرحلة الجديدة و في ظل احزاب متعددة
اي الحزب الاقوى على الساحة هو الذي يقود ... و الشاطر يورجينا قوتو

انا ضد تعديل او الغاء المادة 8 من الدستور والسبب
في ظل حكم البعث اتحدا واحد كان ينسأل عن طائفتو
كان ينسأل عن حزبو
والبعث برأي كان هوي السبب بتوحيد جميع الطوائف صفا الى صف

وهاد من فكر القائد الخالد الي بعمرو ما حدا رح يقدر يساوي الي ساواه
اما هلأ اذا رح تطلع احزاب جديدة رح تبين التبعية الطائفية الها
وهي لبنان جارتنا .. تيار المستقبل - حزب الله - جبهة النضال - والاورانجي التغير والاصلاح
وغيرون كتير

بستغرب من اللي بياخدو لبنان كمقياس ......كلنا منعرف انو اللي بلبنان مو سياسة و انما أكل .... هوا

و التجربة اللبنانية مع الأحزاب لا يمكن و لا بأي شكل تمثل شيء يُحتذى فيه

انا مع التعديل ... خلينا نشوف حياة سياسية حقيقية ... خليني لمرة أعرف مين عم انتخب لمجلس الشعب بدل ما يجيني تاجر كبير أو شخص متنفّذ (أمّي بكتير من الأحيان) و يمثل مدينة (الحسكة مثلا) دون النظر إلى مؤهلاتو أو برنامجو أو خططو للناخبين

انا واثق انو حزب البعث رح يبقى لاعب اساسي على الساحة السياسية السورية حتى بعد هيك تعديل لأنو بالفعل في قاعدة كبيرة بيمثلّها طموحاتها و أهدافها
بعدين متل ما قال السيد الرئيس انو جايين على سوريا جديدة ... برأيي هيك تعديل رح يكون حجز الزاورية لسوريا الجديدة اللي و عدنا فيها السيد الرئيس

انا مع تعديل المادة الثامنة اذا بتنحل الأزمة بتعديلا

بس أنا بعثي وبفتخر بهالشي لأنو حزب البعث هوي اللي خلا سوريا تتطور من قيادة القائد الخالد حافظ الأسد وحتى قيادة الرئيس بشار الأسد

بس كمان خلونا نشوف سوريا جديدة متل ما قال السيد الرئيس

أنا مع التعديل ضد الإلغاء
حزب البعث الو تاريخ ببناء البلد وطبعا لازم حزب البعث يجدد حالو وفقاللظروف الحالية مشان يضل بالطليعة ونكون بعثيين بامتياز
هاد في حال ماطرح السيد الرئيس حزب جديد

اكيد مع حذف هذة المادة
لأنها تمثل انعكاااس تام لعدم الديموقراطية والحرية السياسية وتعددها

kareem el-cheikh كتب:بستغرب من اللي بياخدو لبنان كمقياس ......كلنا منعرف انو اللي بلبنان مو سياسة و انما أكل .... هوا

و التجربة اللبنانية مع الأحزاب لا يمكن و لا بأي شكل تمثل شيء يُحتذى فيه

الايام جاي ورح تنشكف الاوراق اذا مؤتمر المعارضة الي صار باسطنبول ( مع انو لا بقدم ولا بأخر ) طلع واحد منافق اسمو الغليون وقال علنا

الطابع الديني كان غالب على المؤتمر

طبعا اللي اجتمعوا باسطنبول كانوا بدن شي يجمعن و هالشي كان نوع من المحاصصة الفئوية

و متل ما قلت يا دامن -لا بيقدم و لا بيأخر-

بعدين و يحكي الغليون اللي بدو اياه و يجتمعوا على الأساس اللي بدن اياه .. ديني عشائري قبلي مناطقي عأساس لون الشعر أو نمرة الصباط المهم نحنا شو عايشين و شو عم نشوف

يعني معقول ما عنا ثقة بحالنا انو نحنا أقوى من هيك شي؟

أنا مع عدم الإلغاء أو التعديل
حزب البعث وصل إلى الحكم بجهود العمال والفلاحين الذين هم أصل كل مجتمع
أفكار الحزب رائعة وراقيه وهو يمثل الشريحة الكبرى

انا ضد الالغاء وضد التعديل لان ما قدمه حزب البعث في السنوات الماضية لن يستطيع اي حزب اخر القيام به منذ نشأته وحتى يومنا هذا
أيها الاصدقاء أن تعدد الاحزاب سيؤدي إلى انقسامات كبيرة وقد يكون هذا الانقسام داخل البيت الواحد وسيكون لهذا الأثر السلبي وليس الأيجابي في حياة مجتمعنا ولا تصدقوا ان من يريد قانون الأحزاب يريد الديمقراطية وانما يريد مصلحته الشخصية من حيث الانتخابات والمناصب
ان شرح هذا الموضوع طويل جداً ولكن سأقول كلمة انظروا إلى اهداف وبرامج الأحزاب الجديدة أين هي من أهداف حزب البعث
ارجو من الأصدقاء وخاصة منهم الغير منتسبين إلى أي حزب أن لاينجروا وراء هذه الأحزاب التي ستصدر قريباً لان عملهم يقوم من الأن على المعارضة حتى انهم لايعرفون لماذا يعارضون ألا أنهم قائمون على اثبات اسمهم أولاً ومن ثم إلى مصالحم ومصالحهم فقط
حزب البعث هو الحزب القائد وسيبقى أن شاء الله هكذا حتى ولو أصبح هناك العشرات من الأحزاب عاشت سوريا وقائد سوريا وجيش سوريا وشعب سوريا وحب البعث في سوريا
سوريا الله حاميها

أنا مع تعديل المادة ........
ولكن بشرط أن لا يزيد عدد الأحزاب عن اثنان أو ثلاث أحزاب....
فعلا الموضوع بدو نقاش كبير

انابدي يضل حزب البعث يضل الحزب الحاكم بس لا باس انو تلتغي الماده الثامنه لكي يثبت الحزب انه صاحب القاعده الجماهيريه العظمه وهو الحزب الوحيد القادر على القياده علما انا ماني بعثي ولا يوجد اي حزب انتمي له ولكن بدي سوريا ترجع متل ما كانت يعني حتى هلق بالنقاش عم نستعمل مفردات طائفيه ولو انو مانا مقتنعين فيها او عم نشتغل فيها وانا متل ما بعرف حزب البعث هو الحزب الشمولي الاقوى ان لم يكن الاوحد في سوريا
الله يحمي سوريا بلد كل السوريين

والله ياجماعة انا ضد الغاء المادة التامنة ...
او حتى تعديلها
ياجماعة الحزب مافيه ولا غلطة الغلط بالتطبيق من الافراد شي مرة بس حدا يقرا منهاج التثقيف الحزبي ومو بس هيك شوفو انجازات حزب البعث لا تفكرو اذا الافراد غلط فالحزب غلط لا ابدا هاد رايي وشكرا ...

أخواني وأخواتي
انا أرى من الضروري جدا إلغاء هذه المادة التعسفيه وخصوصا مع حزب البعث لأننا جميعنا نعلم كيف يدخل المواطن السوري الى هذا الحزب بدا من المدرسة وهو لم يكن يعلم اي شيء عن الاحزاب وعن التعدديه
والكثير يدخلون من اجل علامة او من اجل وظيفة في الدولة
اين العدالة اذا ؟؟؟؟
الديموقراطية؟؟؟؟؟
وعلى الرغم من اني بعثي؟؟؟؟
فأ،ا لاا أرى فيه اي طموح او تحقيق لاي اهداااف
فلاوحدة تحققت بل على العكس نرى اليوم انقسام في الشارع السوري وذلك بسبب ممارسات هذا الحزب وقياداته لمصالحهم الشخصية
اما عن الحرية فالجميع يعرف ماهي الحرية الان في سوريا!!!؟؟؟
لدرجة انا مواقع التواصل الاجتماعي محجوبة والاعلام الذي بات الان من العصور الحجرية في سوريا خصوصا بعد انا انكشف جليا على هذه الاحداث
اما عن الإشتراكية كلنا يعلم انه اصبح هناك تفاوت طبقي في سوريا
امااا غني جدا أو فقير جدا وتأكل الطبقة المتوسطة التي تمثل الاشتراكية
فبدأنا نعرف رجاالات اعمال سوريين من داخل سوريا ليسو من الخارج او مغتربين
ذلك بفضل فساد هذا الحزب وقياداته على الرغم من ان بعضهم أصبح فاعل خير مؤخرا
اما عن مسيرة الإصلاح التي خرج بها الرئيس :
فبعد ان ورث الرئيس السلطة عن ابيه وكانت سوريا في عزلة تامة جميعنا تفائلنا بالرئيس الشاب خيرا
فبدا بمسيرة التحديث والشفافيه ومحاربة الفساد كما أذكر وبالفعل وجدنا القلييييل من التحديث ولكنه توقف بعد 4 او خمس سنوات لنعود كما كناا
أما الان بعد 11 سنة وبعد ان انتفضت جماهير الشعب الثائر الحر فأراد ان يخدر جماهير الشعب بمسيرة الاصلاح !!!!!
وللأسف انعدمت الثقه التاااامه بين الشعب والرئيس بأ‘عتباره قائد الحزب والمجتمع
فلم يعد أحد يصدق هذه الوعود
ولذلك يجب علينا الغاء هذه المادة واصدار قانون احزاب يسااوي بين جميع الاحزاب على ان تكون ليست ذو طابع طائفي
لان الشعب السوري ولله الحمد ليس طائفي كما في لبنان
وهذه ليست من انجازات الحزب لان ليس كل السوريين ينتمون لهذ الحزب
اما هو وعي الشعب السوري وحده
وصولا الى النتخابات رئاسية حرة نزيهة
ليست كسابقاتها من الانتخابات والجميع يعلم شو بصير بالاستفتاء عنا والانتخابات
ذلك لأن سوريا ليست مزرعة لأحد انما سوريا للسورين للشعب السوري العظيم بجميع
أطيافه
عاشت سوريا حرة مستقلة

مع أو ضد ... لعبة جديدة من ألاعيب هذا العصر ... يا حبيبي نحن ما بدنا نسقط النظام ولا نخلي النظام على حاله ... لازم نغير ولكن إذا الطهطاوي من 200 سنة قال :: التغيير يتم بالتدريج ... يعني إذا دخلنا على الانترنيت ... على شو مندور ... ؟؟؟ على الافلام الخلاعية وعلى إيميلات البنات ... شعبنا لسه مو جاهز لهيك أمور ... 90% من شعبنا أمي لا يعرف القراءة والكتابة ... و 90% من الشعب ما بيعرف أنه الدولة عامله دورات لمحو الأمية ( مجانا ) قبل ما تحكي روح اسأل ابنك ...