هل تؤيد إقالة رئيس جامعة تشرين من منصبه ؟؟

هذا التصرف ليس الوحيد
لذلك :
نعم

نعم و ألف نعم
سوريا بعد هذه النفضة الإصلاحية تحتاج لعقول مرنة لا متحجرة و مسؤولين بحق وليس أباطرة
و د. محمد معلا استحق أطول من فترة استبلاطه على عرشه

أنو بس بدي أفهم ليش كل مااستلم حدى منصب بدو يضل فيه لحتى يعفن خلص سنتين ويجي غيروا نحنا بلد كفاءات وأي حدى بدو يشتغل بسنتين بيشتغل

يا شباب أنا قرأت الموضوع وبظن انو الحق مش ع رئيس الجامعة يعني ما لازم نكون فوضويين اذا انتو طلاب يعني بتعرفو شو معنى (مقابلة) فليش ما تم التنسيق والتقدم بطلب خطي ليعرف رئيس الجامعة ينظم وقتو ع أساس هالشي ........يعني االنظام حلو فليش يلي راحو ما قدمو كتاب للمقابلة وخصوصا" انو رئيس الجامعة مو ضروري كل واحد بدو يشوفو لازم يترك كلشي ويقلو تفضل أنا بانتظارك معليش كمان نحنا ما منعرف شو عندو شغل او تنظيم او اي عمل تاني ممكن يكون مهم ومش فاضي للقاء أحد غير بتنظيم معين .........مع العلم اني لا بعرفو ولا بعرف حتى عميد كلية طرطوس...........بس بظن انو هيك لازم تمشي الأمور ........وأكيد مارح صوت لأي اختيار لانو ماعندي الامام كامل بالموضوع ..........وبالنهاية بحب ذكر بمقابلة فور جامعة مع عميد كلية طرطوس كيف تمت ....أكيد بظن تمت باخباره قبل بوقت مشان يكون عندو علم ومتفرغ للمقابلة وشكرا"

حلو الكلام
صدقني الحادثة يلي انت عم تحكي عنها مش أساس هالطرح
الزلمة تراكمت / حسناته !/ بشكل فظيع و يبدو انت مش سامع بفعايلو
لولا هيك كنت صوتت نعم و ألف نعم

صديقي حلو الكلام
إذا متل مانك عم تحگي : ليش رئيس جامعة حلب و دمشق و البعث استقبلو طلابن و نحنا لأ ؟
وأقل شي كان ممكن يعتذر بأدب للطلاب مو يكحشن كأنن شحادين عباب الجامع

برجع بأكد أنا لا بعرف رئيس الجامعة ولا الطلاب يلي راحو وبصراحة مش مقتنع انو من الباب للطاقة رئيس الجامعة يكش الطلاب .......وبرجع وبأكد يا ترى الطلاب قدمو طلب أو لا........لانو يا شباب اذا بدنا نعتمد ع قال وقيل كانت البلد انخربت من زمان .......لازم كلشي يكون مصطحب بوثائق قدمو طلب وما تمت الموافقة أو لا (هون سؤالي أنا)

اتا اكيد نعم لازم اقالتو لان الجامعة عدورو صارت سيئة

مانا مضطرين نقدم طلب لأن بحلب و الشام ما قدمو و قابلو رئيسن
و اطمن إذا مشان القيل و القال .. التكحيشة تمت و بشاهدتي شخصيا

لو قابلن وضحك شوي معن كانو قالو مافي احسن منو؛ الله خلقو و كسر القالب... نحنا انفعاليين زيادة ومنحب نكتر حكي

نحنا مو منشان المقابلة بس لان عنجد مافاد هالكلية بشي

ولازم ينشال

أكيد نعم
لأن المرحلة الحالية مش مرحلة المنصب يعني إمتياز لصاحبه
المنصب حالياً يعني المسؤوليه

صار لازم يتغير
أنا بالتأكيد مع إقالته

تصرف خطأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأ



يجب المساءلة يعني ليش ؟؟؟؟؟؟؟؟؟؟؟؟؟؟؟؟

ولا !!!!!!!!!!!!!

اي يشيلوه خرب الجامعة خرب ويشيلو معو مظفين دائرة الامتحانات بالكلية عنا لأن أفشل موظفين عنا اذا بدك تاخد ورقة بدك اسبوع عأساس عندن شغل وهنن قاعدين ع لت حكي وشوفة حال ع هالطلاب لا مو بس هيك تأخير المواد مانو طبيعي

والله يا شباب نحنا لازم نفكر بالأول كيف بدنا نحل مشاكلنا يعني لمين بدنا نوصل الأسئلة والمقترحات غير رئيس الجلمعة واذا رئيس الجامعة ما قام بواجبو لازم نفكر بشخص اّخر قادر ع المساعدة يعني لازم على الوفد الطلابي يلي راح لعندو يعرض المشكلة يلي صارت معو لهالشخص الاّخر يلي ممكن يساعد بهالموضوع وبطريقة أفضل ووقتا بيصير للمشكلة حل بيرضي الكل

تنويه لبعض الطلاب : نحن نقصد بموضوعنا رئيس جامعة تشرين بمركزه في اللاذقية
ولا نقصد عميد كلية ما

بالبلاد العربية عامة بيفهموا المنصب بالمقلووووب دايماااااا

و هلق بعد ما صار وزيركن رح ترجعوا تعملوا هالإستفتاء