الرئيسية
استيقظت في صباح متأخر ، متكاسلا" كعادتي أيام الجمعة والعطل ،
شربت قهوتي ،
وأذكر أني لم أكن متوترا" أبدا" ، كنت في تمام الصفاء ،
وقبل مغادرتي المنزل ، ضبطني ابني الصغير بالجرم المشهود :
بابا كيف بتروح بدون ما تاخدني معك ؟؟ ، بتستغل انو نايم مثلا" ؟؟ ، ع الأقل ، قلي صباح الخير واعطيني بوسة ،
ابتسمت من أعماقي ،
وعانقته ،
وقبلته ،
و أشكر الله أني استطعت إقناعه البقاء بالبيت ، مقابل أن اشتري له علبة ألوان ودفتر رسم جديدين ..
خرجت .. وما عدت أذكر - إن استقليت سيارة ، أم ماشيا" على قدميّ - المهم اقتربت من الوصول إلى مكان عملي ( جريدة الثورة ) ،
لأشعر فجأة وكأنني في حلم ..
هل من المعقول أن أكون ما زلت في فراشي ، وأحلم أني غادرته !؟ ،
ربما ...
هل يحدث معي مثل هذا الشيء ،
نعم يحدث ...
رن جرس هاتفي المحمول ،
وعندما هممت بالتقاط الهاتف للرد ..... لم أجد يدي ،
فقد غادرتني لتلتصق على الرصيف المقابل ،
حاولت أن أتحرك قليلا" ..... فلم أجد قدماي أيضا" ،
استطعت بعد عناء تحريك عيني لأجد دماغي متناثرا" على الطريق الإسفلتي المصطبغ بالأحمر ،
وبعدها لم أعد أتذكر ..
اليوم زرت الجامع الأموي الكبير ،
كثيرة هي الوجوه التي صافحتها ،
لا أعرفها كلها بالطبع ،
كنت أبحث عن وجه بعينه ،
لم أراه أبدا" ،
كان موعدنا الأول أن يكون اللقاء مع بداية العام الجديد ،
وهكذا كان ، خرجت من الجامع الأموي بالأحمر والأبيض و الأسود ،
أجمل الأعلام .. علم سوريا ..
يا الله ، من سيتذكر أن يجلب لابني علبة ألوان ودفتر رسم جديدين ؟؟!!..
فقد وعدته ..
-
(لا حول ولا قوة إلا بالله ولا غالب إلا الله)
اللهم ارحمنا برحمتك فلا ننسى أطفال الشهداء ..
-
من مذكرات طفلة :
جابوا جثة على بيتنا ... يعني واحد ميت هو صحيح بيشبهك ولابس نفس تيابك .. بس ... غرقان بالدم .. مو معقول شو بيشبهك يا بابا .. ما بتصدق .. بس أنت أحلى منو بكتييييير .. أصلاً هو مو مبينة ملامح وجهه منيح .. بس أنا متأكدة إنو مو أنت .. مستحيل تكون أنت ...
أنا ... أنا ما بكيت .. ضليت أتطلع فيهون وقلهم إنتو غلطانيين .. إنتو أكيد مخربطين .. إجو الكل قرايبننا والجيران .. كان ...الكل عم يبكي وأنا قلهم وأنا عم اضحك : لك شبكم هادا مو بابا !!!!
صاروا يقرأوا علي المعوذات ويضموني ويبكوا ..
بابا طيب بدي اسألك سؤال وبس لترجع بتجاوبني عليه .. هلأ اللي بيموت معقول يتغير شكله هيك ويصير مو حلو قبل ما يروح لعند الله ويفوت عالجنة ؟؟؟ أكيد لأ ....
ملاحظة : آنستي شافت هي الرسالة كنت لسه ماشقيتها من الدفتر ضمتني وغرقتني بالدموع ...
... بابا بصراحة خايفة كتير تكون أنت ...
بس أنت حباب وبعمرك ما أذيت حدا أو تخانقت مع حدا حتى يأذيك بقى كيف لحتى يقتلك ويعمل فيك هيك ... ما بصدّق ...
والله رح نصير أنا و أخي عاقلين منشان ما تضوج وتعصّب وتزعل منا ... وخلص عنجد وقت تجي تنام بعد الغدا ما حنطالع صوت أبداً ... رح ننام معك ...
بابا عم أستناك ... كلنا عم نستناك ...
هلأ أنت ولا يهمك إذا بدك تأخر شوي بس لازم تجي بالآخر ...
إذا مو منشاني منشان ماما وأخي مشتاقينلك كتير كتير ... وبتعرف شو كمان .... منشان مايقولوا عني كذابة ....
باي بابا ...
بنتك المشتاقة كتير كتير ... لا تطوّل ... بحبك بابا
أعتذر للقسوة .. لكنه الواقع !..
عدل سابقا من قبل lady moon في الإثنين ديسمبر 26, 2011 7:43 pm عدل 2 مرات
