الفرق بين الثورة والاصلاح

هاوي كلام كتب:أخ احمد علي
لما بلشت الثورة ما بلشت بالتدمير والقتل ، والكل بيعرف هالشي .
نعم الكل بيعرف انو المخطط كان حراك شعبي ومن ثم استغلاله وتجييشه وتذكر حرق المحكمه والبريد ضمن درعا وقطع الطريق الدولي ضمن بانياس
والكل بيعرف كمان اللي بدأ باطلاق النار على المظاهرات السلمية مين ..
اولا ما كانت سلميه كانت تخريبيه بدليل ما سبق ذكره واضف الى ذلك الشعارات التي رفعت من اول يوم ضمن بانياس عالم عا بيروت وعالم عا التابوت وهي هيي السلميه بعينها
بس اللي انقتلو حدا ما رح يسكت وبدو يرد القتل بالقتل على مبدأ ( العين بالعين والسن بالسن والبادي أظلم ) .
يعني قانون الغاب هوي يلي بدكون ياه يكون حكم وهيك مناخد سوريا عا المجهول
- انت برأيك وبرأي الكثيرين أنو الثورة يجب أن تكون ضمن حدود لا تتعدى عليها ولا تتجرأ حتى على طرحها ( الحزب الحاكم - بعض الشخصيات ذات النفوذ )
لا انت هون غلطان عندما تكون ثورة حقيقيه بمقوماتها الحقيقيه فهي يجب ان تطال الكل بس متل ما قلتلك مو بالتخريب والقتل والشعارات الطائفيه
- اختراع كلمة الإصلاح هو للبقاء في المكان .. لماذا لم يبدأ الإصلاح حتى بدأت المظاهرات ؟؟ .. إذا كنا نحتاج إلى إصلاح فعلاً فنحتاج الى تغيير جذري في مفاصل الدولة والمجتمع وطريقة تعامل الدولة مع المواطن .
كلمة الاصلاح لم تخترع نتيجة للي صار ضمن البلد من اول خطاب للسيد الرئيس تحدث عن الاصلاح وتذكر انو كان راتب الموظف لا يتجاوز ال7 الاف ليرة وشوف عدد الزيادات يلي اجت بعدين ولا تنسى الظروف وحجم التأمر على البلد في تلك المرحلة وحتى الان وتغيير جذري باالدوله انا معك وهاد شي لازم يصير بس عبر احزاب وطرق ديمقراطيه وصناديق انتخاب ويلي بياخد الاكتريه يحكم وعلى كيفو ويحط مرشحو حتى على رئاسة الجمهوريه والحكم والقرار للشعب عبر صناديق الاقتراع
- مطالب الشعب المحقة : منذ زمن هي مطالب محقة ولم تُلبى .
متل شو بلا حريه قانون الطوارئ ...... انا بدي افهم شغلة وحدة شو يعني حريه يا اخ هاوي كلام حريتك تنتهي عندما تبدأ حرية الاخرين وقانون الطوارئ اسا لهلق ما فهمت شو فاد تني شيلتو او بقائو
- طبعاً أنا متل ما قلتلك سابقاً لا أؤيد حمل السلاح والقتال .. لكن من يقاتل ضد الدولة الآن فهو مضطر إما لفقدانه قريب أو بحكم منطقته التي يعيش فيها .
احييك انك لا تؤيد حمل السلاح يا اخي ...وشو قصدك مضطر رجعنا عا قانون الغاب واذا بحكم المنطقه يعني جبروه الثوار السلميين وهون كامل الحريه مو
- لن أدخل في تفاصيل أكثر عمقاً قد نختلف بشكل كلي حولها مثل ( من كان يقتل الجيش أولاً - تفاصيل تعديل الدستور - الروايات التي اختلقها التلفزيون السوري حول المندسين .. وما إلى هنالك ) ..
لا اترجاك ان تدخل انا الي اقرباء في الجيش واعلم واقتنع تمكاما وبعيد عن الروايات الرسميه وغيرها ان العصابات المسلحة هي من قتلت عناصر الجيش والامن والمدنيين لخلق الفتنه ودفع عناصر الجيش للأنشقاق وخود ما حدث في بانياس ودرعا والجسر مثال في بانياس قافلة مبيت للجيش تم الاعتداء عليها من قبل السلميين الذين يحملون بيدهم الورود
وتفاصيل الدستور كلها موضوعه للنقاش والتغيير مع الاحزاب الموجودة والمعارضه الوطنيه
اما المندسين فابربك انت مقتنع انو ما في مندسين طيب انا عندي سؤال ماعم اقدر لاقيلو جواب قذائف الهاون والرشاشات الاسرائيليه والسلاح الامريكي هدون كلون من وين كمان اختلاق من الدوله

- أخيراً أشكر لك الجرأة في الطرح وربما يكون هذا ردي الأخير هنا نظراً لظروفي وسأحاول أن أدخل كلما سنحت لي الفرصة ..
لا شكر ابدا بس اسمحلي قلك انو مو هيك اتفقنا ابدا اما متابعة النقاش او انا مضطر انو استنا لمدة اسبوع وبعدها اطلب من ادارة المنتدى اغلاق الموضوع لحين عودتك والطالبه بمتابعة النقاش لا تعمل متل مجلس اسطنبول تدعو للحوار والنفقاش ويوم بلش الحوار رفضوه

kareem el-cheikh كتب:سلامات شباب

اخي طرطوسي و أخي ابن حوران (اللي اشتقنالك) اهلين فيكن بهالموضوع

احبائي هالموضوع للنقاش و النقاش خلق لتبادل الافكار و الآراء و بالتالي حل اي سوء تفاهم

ليس كل من قال انه معارض معارض . و بالمقابل ليس كل مؤيد مؤيد .... قد نرى معارضا قلبه على الوطن و سلامته اكثر من اكثر المؤيدين تشدقا و مؤيدا يداري مصلحة البلد اكثر من اشهر المعارضين على الفضائيات...
عندما بدء هذا الحراك في سوريا و في لحظاته الاولى (وهذا ليس كلامي بل كلام الكثير من المراقبين) كان بالفعل شيء جميل و نظيف ... ربما تعرض-ربما- لبعض اشكال "القمع" الزائد عن الحد و لكن هذا شيء اصحاب الحراك ذاك بالتأكيد كانوا يتوقعونه و الا فهم كانوا يستغلونه...على كل حال .. و مع مجرى الاحداث تخلى اصحاب النهج الاول (السلمي) عن هذه "الثورة" -انا شخصيا اعرف العديد منهم- بسبب دخول السلاح و المظاهر المسلحة ... ارجوك لا تقل لي لا يوجد سلاح فجنود الجيش لا يحتمون وراء دباباتهم من سلمية المظاهرة
النقطة الثانية هي ضبابية اهداف هذه "الثورة" ... فهي تعطي وعدوا احيانا خيالية كفكرة اسقاط النظام و تضييق هذه الفكرة بشخص السيد الرئيس بشار الاسد ... الرجل لازال يملك الكثير من المؤيدين و فكرة "اسقاطه" تنافي ما اتى من اجله هذا الحراك لانه سيكون اكراه لطيف واسع من الشعب السوري على القيام بما لا يريدونه و هو التخلي عن السيد الرئيس
النقطة الثالثة و هي جنوح هذا الحراك الى الدينية و تحكم الجناح الديني به ..... كيف تطلب دولة علمانية تعددية ثم تخرج بمظاهرتك من جامع؟!!

ارجو ان نتناقش اصدقائي بموضوعية و الا نتهاوى الى التطاول الشخصي على طرف الحوار الاخر لأننا كشباب سوري يجب ان نكون بقدر المسؤولية و نقاشنا هذا يخطط لسوريا الغد التي نطمح جميعنا لتكون الافضل و الاقوى

ابن حوران كتب:طيب ليش حذفتي مساهمتي بالخبر العاجل
مولازم تكون الاخبار من الطرفين

طرطوسي كتب:@damn

لماذا اسقاط النظام ؟ هل تملك البديل ؟ عرفنا ___اسقاط النظام لانو نظام الاسد فقد الشرعية مع اول قطرة دم سالت من مواطن سوري بالاول كانت المظالب اصلاحية ولماتمادى بقتل الشعب صار المطلب اسقاط نظام وطبعا في بديل شو لكن بركة مات الرئيس شو منعمل مثلا؟؟ والبديل بيجي بالانتخابات الحرة النزيهة وحطلي خط تحت كلمة نزيها
اتوقع انو مو انت يا اخي يلي بتحدد اكتساب الشرعيه او فقدانها يلي بدو يحددها هوي الشعب واتمنى انك ما تقلي الاعداد الهائلة التي خرجت كانت مكرهة او نصها من حزب الله وايران .واول قطرة دم سالت والمطالب الاصلاحيه انا بدي اسئلك بس فهمني يوم نقتل نضال جنود شو كان ذنبو وليش انقتل والشباب يلي طلعو عا الشام يبيعو موسم الفريز كمان شو وليش انقتلو ولا بس لانو النمرة كانت طرطوس بقا كلمة مطالب اصلاحيه ارجوك بلاها يلي عم يصير بالبلد تدمير وليس له علاقة بالاصلاح





ماهي الاصلاحات التي تطلبها من الرئيس البديل ؟؟___ كل شي مانو موجود عند النظام الحالي. حرية وعدالة ودستور جديد يحترم حقوق الانسان نريد سوريا المدنية الديمقراطية دولة المواطنة واحترام حقوق الانسان الغاء مبدأ الحزب القائد واسقاط مفهوم قائد الوطن لانوالاهم هوي الوطن ما الرئيس والشعب هوي اللي بيختار قائدو بالاضافة للقضاء المستقل وحرية الراي والتعبير وحرية الاعلام وحل الاجهزة الامنية
دولة مدنية ؟اي مدنية هي التي ترفع فيها اعلام القاعدة ...حريه؟ نعم وذلك بتلك الشعارات الطائفيه التي رفعت في بانياس وبعض المحافظات الاخرى..... عداله؟ وتتجسد تلك العدالة بفصل الرؤوس عن الاجساد على صيحات الله اكبر وقتل واغتصاب النساء حتى الحوامل لم يسلمو من تلك العداله وتذكر قول رسول الله (ص) اذا كان لك سلطانا عليها فما سلطانك على ما في بطنها .....حقوق انسان ؟ اين حق الانسان بكل ما سبق






ماهو رأيك ورأي نظامك الذي تطالب به بما يقوم به الجيش الحر ومن التهديد الذي وجهه بالامس للجيش والامن ؟؟ راي انو رد فعل طبيعي على ممارسات النظام والاجهزة الامنية وع القتل والتدمير اللي عم يعملوه..
جيش حر طيب اذا صدقت انو في جيش حر شو يلي ربطو بتركيا والسلاح الاسرائيلي والعبوات الناسفة التي لا تميز بين عسكري ومدني وطفل وامرأة





ما رأيك بالثورة الليبية ؟ ونتائجها ؟ وخصوصا تصريح المكلف بالحكومة الانتقالية ( لا يمكن سحب اسلحة الميلشيات من ليبيا على الاطلاق )
؟؟___راي انو اسا بكير نحكم ع الثورة الليبية بالنجاح او الفشل وعلى فرض انو فشلت ما معناها انو الثورة السورية رح تفشل بالعكس بعدين بليبا صار حرب والقذافي صار يحارب شعبو نتيجة طبيعية يصير الشعب كلو مسلح
موضوع ليبيا ما بيعنيني





وفي النهاية : ماهو رأيك بي ك موالي للنظام السابق حتى النخاج (إن تولى نظامك السلطة )

هل سوف تفكرني ؟ هل ستنتقم مني ؟ هل ستتعايش معي ؟ هل ماذا ___والله يا خيي اذا كنت موالي للنظام بس ما الي شغل معك رايك وانت حر فيه بس اذا كنت اذيتني فرح ردلك الاذى ,, انا اعتقلوني 35 يوم وتعرضت لتعذيب وحشي واهانات وذل بالسجن اكيد ما رح سامح اللي عذبوني واللي هانوني اما اللي ما كان الو طرف بقتل او تعذيب اي مواطن سوري واللي ما الو علاقة بالدمار والقتل اللي عم بيصير بس مؤيد على جنب لحالو فهادا عليه الاماان..
كتر خير الله انو علينا الامان وكنت حابب صدق والله وشعاراتكم الطائفيه اكبر دليل



ومتل ما قال بشار الاسد نحنا بدنا نحاسب اللي ايديه ملطخة بدماء الشعب السوري..
ومني انا وعد اننا سنحاسب من تلطخت يده بالدم السوري وذلك عبر القضاء والمحاكم وليس بالذبح والتكبير
ونعم سنحاسب كما قال السيد الرئيس



والسلام عليكم ورحمة الله
وعلى سوريا التي تجمعنا الف سلام وسلام