شو الهدف من الدراسة الجامعية بإيامنا ؟

من زمان كان الواحد يدرس جامعة لانها كانت طموح معظم الطلاب وكان الواحد يموت مية موتة حتى يوصل البكلوريا وياخدها وبعدين يروح عالجامعة ومن زمان كان الطلاب (طلاب عنجد) مو متل هلق يعني ما حدا كان يوصل عالجامعة غير يلي بيستحق أما اليوم فالجامعة هي عبارة عن هدف معظم الشباب والصبايا بيطمحولو لأنو بيعتبرو عالم الهروب من المنزل إلى عالم الحياة الحرة (طبعا الحرة بتعني القرار الفردي الصادر عن النفس ) وأغلب الطلاب اليوم عم يروحو عالجامعة لأنو بيعتقدوا أنها مجتمع الحياة الاجتماعية والعاطفية وفيهم يشبعوا غرائزهم العاطفية والاجتماعية كيف ما بدن وبعيد عن الوسط يلي عيشين فيه يمكن لأنو عم ينقصن كتير من العاطفة او لسبب تاني هو أنومجتمعنا الشرقي بيقمع بشكل أو بآخر هيدي النواحي وما بي آمن أنو الانسان (شب كان أو صبية )بحاجة حتى يشبع هيدي الغرائز متلها متل غيرها وهيدا الشي هوي وصلنا لهون وصارت الجامعة نادي ومكان لممارسة هيدي الأعمال

الله محيي اصلك يا اسامة يا عمي بتفهم والله حطيت ايدك عل الجرح والله يعني زبط وجكل واخر تمام بس طبعا هل الحكي مو لا الكلل لا البعض

أكيد يا نعمة الحكي موجه لفئة محددة وشكرا عالتعليق.............

بهل الايام صايرة الحياة العملية متل الكاريكاتير بس بالفعل يا اسامة حطيت ايدك ع الجرج ... بس نحن حتى هل الهدف يلي حكيت عنو ما حصلنا عليه بما انو ضلينا ساكنين عند أهلينا وما تغير شي عن الثانوي
شكرا اسامة على هل الموضيع الحلوة يلي عم تطرحا

انا بعتبر انو الشهادة اضافة ميزة جديدة للشخص متل العملة وبتعطي للشخص ثقة مع التأكيد على عدم فائدتها بالعمل هون