كيف تريد تحسين طرطوس و ريف طرطوس (نرجو المشاركة بهذا المشروع الهادف)

لأ خيي علي اكيد رح يكون في تجاوب أي شي عندكن اطرحوه وانتظرو الافضل من فور جامعة

allii كتب:حلوة الفكرة , والمقترحات كتيرة
ان شاء الله يكون التجاوب او انو مازالوا
يصمون اذانهم كما كانوا سابقا ؟

علي هالخطوة مترتب الها ومتحضر فيها كل شي باقي فقط تجاوب الاعضاء اللي منتمنى انو يكون على المستوى العالي المعهود منهم

يا خيي طلبي مو من الخدمات الفنية ولا من الوزارة انا طلبي من السيد ارئيس مباشرة : يا سيادة الرئيس والله تعبنا خلصنا من هالأوساخ الموجودة ببعض المناطق منبوس رجليك ريحنا منن بقا والله اخدو أكتر من حجمن ..

وبحب قلكن يا خواتي مو وقت هلق جمالية المدينة اول شي لازم نشطف سوريا من هالحشرات كلها وبعدين منبلش كلنا سوا مو بس الخدمات الفنية بالتلميع والترتيب
بتمنى تكون فهمتو وجهة نظري وشكرا الكن ...

Hamada63333 كتب:يا خيي طلبي مو من الخدمات الفنية ولا من الوزارة انا طلبي من السيد ارئيس مباشرة : يا سيادة الرئيس والله تعبنا خلصنا من هالأوساخ الموجودة ببعض المناطق منبوس رجليك ريحنا منن بقا والله اخدو أكتر من حجمن ..

وبحب قلكن يا خواتي مو وقت هلق جمالية المدينة اول شي لازم نشطف سوريا من هالحشرات كلها وبعدين منبلش كلنا سوا مو بس الخدمات الفنية بالتلميع والترتيب
بتمنى تكون فهمتو وجهة نظري وشكرا الكن ...

اخي حمادةمشكور على المساهمة و التفاعل لكن اللي عم تطلبو ما عنا شك انو القيداة السورية عم تشتغل عليه و بأعلى كفاءة لكن نحنا -كمواطنين- احيانا مننسى هالشي و منصير بدنا نملي على قيادتنا شو تعمل .... اللي عم حاول قولو انو بالفعل الكل عندو نوع من الانفعال و حرصك الشديد هاد ناتج عن حبك لبلدك لكن لازم ما ننسى انو في شغلات تانية عم تصير و لازم نكون جزء منها يعني متل هاد الصعيد الخدمي الفني فياريت اذا عندك اي اقتراح او فكرة بتصب بهالموضوع تشاركنا فيها لانو في مواضيع تانية مفتوحة خصيصا للنقاش اللي انت طالبو

بدنا كتير واهم شي عندي
هو يزفتو الطرقات يعني عنا بصافيتا بهدلي كل شهر بدي روح دوزن السيارة والله مسخرة يعني شي بيوجع الراس
اي عافكرة نحن سنة الماضي رمومو الرصيف من شان مين اصحاب المحلات يحطو بضاعنهم عليه يعني بتلاقي العالم ماشية بنص الطريق ......

تحياتي للجميع و شكر خاص للسيد كريم على هالسؤال يللي لازم الكل يشارك فيه حتى ولو بفكرة بنظرو تافهة

انا عندي كذا تعليق على هالموضوع:

اولا المشكلة فينا نحن كشعب طرطوس رافعين انفنا للسما و مو شايفين حدا و انا اكيد ما عم اشمل الكل و ليكن 60 لل 70 بالمية.

تانيا نحن عنا مشكلة بطالة و السبب الرئيسي هو البطر.

تالتا ما بعرف اذا حدا لاحظ معي مشاكل الخبز لما ما اجت الخميرة من حمص يعني ليــــــــــــــــــــــــش ما عنا، ما في عالم تفكر و للا مافي رؤوس أموال لك يا أخي انا معكون مافي رؤوس أموال تعا ليتشارك 6 أفراد و يعمل دراسة للمشروع و يقدما للوزارة و حسب الإستجابة . طيب معقولة انجيب لبن و حليب من حماة ، يا سيدي حتى من اللاذقية مو عيب محافظة ما فيها مزارع أبقار و ألبان تغطي هالمحافظة و تصدر لغيرا. و غيرو و غيرو.

رابعا أنا برأي أنو هللا لازم الكل يشجع دور مديرية التموين لأنو هللا وقتا و هيي لازم تحمينا من التجار يللي عم يغلو الاسعار و لازم كل مواطن بيعرف انو عم يدفع فرنك زيادة يحكي مع التموين مانو خسران غير هالتلفون.

خامسا أنا بدي وجه سؤال كتير مهم لكل الطلاب الشباب و الصبايا و لطلاب الإقتصاد بشكل خاص، هللا انت اتخرجت و يا سلام عليك صار معك شهادة قد الدني خريج جامعه و حاصل على شهادة بالاقتصاد ، إيه و بعدين رح يركضوا عليك الشركات الخاصة ، شباب أنا ما عم شائم حدا بس الحياة العملية أصعب بكتير من يللي عم تفكروا فيه و خصوصا للناس يللي عم يفكروا يطلعوا يشتغلوا برا و يدخلوا مصاري و يخدموا غير بلدون مع انو البلد بأمس الحاجة لشبابو.

سادسا انا عم احكي هالحكي لانو قلبي على شباب الكلية، عيب ينسأل طالب تخرج بإدارة الأعمال قدامي شو الفرق بين الزبون و المستهلك و ما يعرف. عيب ينسأل طالب المحاسبة سمعان عن دورة CMA or CPA وما يعرف. عيب ينسأل أي واحد من كلية الاقتصاد شو معناتا مصطلح SWOT وما يعرف.

شباب أنا اسف إذا طولت بس والله عم احكي مشان مصلحة الشباب أما بالنسبة ئلي انا الحمدلله مهندس و معي ماجستير بإدارة الأعمال MBA و مشتغل كتير بحياتي بسورية. و مصلحة الوطن فوق مصلحة الكل و انا جاهز للمساعدة بأي شي بتطلبوه و شكرا.

لازم يكون في رقابة من الدولة أكتر من هيك لأن في فلتان رهيب بدئا من التجار . كل تاجر ببيعك بالسعر يلي بيعجبو بدون لا رقيب ولا حسيب
وطبعا مو بس التجار في تسيب بكل دوائر الدولة نتيجة غياب الرقابة
حتى على مستوى التعليم يعني بفوت الاستاذ بيعطي الدرس كيف ما كان وما حدا بيسألو عن شي
طبعا هي مجرد امثلة

يا جماعة قصدنا بهاد الموضوع شو عندك شي سؤال عن الواقع الخدمي (الفني) بريف طرطوس خصوصا من طرقات مشاريع خدمية وغيرها لذلك يجب ان تكون الاسئلة ضمن هذا الاطار

مثلا بالنسبة للانترنت‎ ADSL
صرلن ٣ سنين مركبين كبال ضوئية من مقسم حصين البحر
بس لسا لهلق ما شفنا و لا سمعنا شي عن الخطوط
بتمنى يركبو عن قريب

شكرا يا شباب عهالموضوع الهادف

أكـيد مافي شب طرطوسي ما مر بمواقف محرجة هوي ومارق مع رفيقتو
أو هيي خلت نظرا بالأرض بسبب شوفات مخزية
بسبب هالمشاهد الغير أخلاقية اللي عم نشوفا
سواء عالصخور عالكورنيش
أو بالحدائق العامــة
تصرفات غير أخلاقية عم يقوم فيها الشباب والصبايا
وللأسف صارت منتشرة بشكل ملحوظ
وهاد مشهد غير حضاري
وغـيـر أخلاقي
فبتمنى من كل قلبي أنو الشرطة الأخلاقية تقوم بدورا تنتخلص من هيك ظاهرة غربية بحتة @