استفتاء فور جامعة على الدستور السوري الجديد

اختي العزيزة نور 12
انا اؤيدك بفكرة التصويت لكل مادة على حدا بس للاسف لم يفتح لنا المجال للمناقشة لقد وضعونا وللاسف بين خيارين الاول اصعب من الثاني والثاني اصعب من الاول
إذ قلت نعم فانا اتنازل عن حق من حقوقي وهو الترشح لمجلس الشعب وانا من الشعب واحمل هويتي السورية مفتخرا" بها
و إذ قلت لا فانا رافضا" للإصلاحات التي يقودها اسدنا الغالي وهذا مفهوم خاطئ لاني عندما اقول (لا) لا اكون رافضا" للإصلاح بل انا اعبر عن رأيي برفض هدر حق من حقوقي التي منحتني اياها هويتي السورية


الله يحمي سوريا وقائد سوريا
والله لايفرق الشعب السوري عن بعض

[b]
مهما قالو ...ومهما فعلو...
ومن جهتي ورؤويتي الشخصية ...
لاكلام بعد كلام سيدي الاسد بشار...

سلامي للجميع

أولا طرح الدستور للتصويت مادة مادة أظنه من الخيارات الصعبة في المرحلة التي تعيشها سوريا
ثانيا الدستور قابل للتعديل أي عليك معرفة الاشخاص الذين ستنتخبهم لايصال صوتك الى مجلس الشعب والابتعاد عن طريقة الانتخابات القديمة التي كانت تتم بناء على المحسوبية وتنكة الزيت ووووووو...
ثالثا عند تقييمك للدستور يجب ان تضع ميزان أمامك وتضع ما يعجبك في كفة وما لا يعجبك في كفة أخرى ومن تميل كفته تصوت لصالحه هذا الخيار في المرحلة التي تعيشها سوريا
رابعا كما قالت زميلتي نور يجب ألا ننسف الدستور بأكمله من أجل مادة وهي قابلة للتعديل
لكن المادة التي تتكلم عنها يا سقراط فهي يجب أن تكون هكذا لأنه من الصعب أن يكون شخص يحمل جنسيتين في منصب مهم في الدولة فقد يقوم هذا الشخص بنقل الكثير من الأسرار الى تلك الدولة والهروب اليها في اي لحظة

بالنهاية أنا اصوت بنعم والف نعم

نعم وألف نعم

صراحة انا رح صوت ب (لا ) وبقوة . لان هادا الدستور بدو تعديل . وع فكرة يلي حاطينو طلعو ملكيين اكتر من الملك . المادة التالتة بدها تعديل . ليش الرئاسة محصورة بالمسلمين ؟ ليش بس لولايتين ؟ مادام الشخص عم يشتغل وشعبو معو ليش بس بحقلو لولايتين ؟؟؟يخلو الشعب هوي الحكم. حتا هالمادة كأنها لاسقاط ابو حافظ سياسيا بعد انتصاه شعبيا وعسكريا . لازم اسقاط مشروع هالدستور . او؟؟ منتركها للزمن . اي يرجع الدستور للجنة يلي وضعيتو منشان التعديل . . وهني ماحطو غير خيارين نعم او لأ . وانا لأ .

ياصديقتي .انا مارح احكي كلام سياسي . بس خلص منركها للزمن لنشوف شو رح يصيرفينا اذا انقر هالدستور وضل بدون تعديل . لازم اسقاط هالدستور . لان بكرا اذا انقر هالدستور وبدهن يعدلو ه. راح يقولو النظام الحاكم والعائلة الحاكمة بدها تعدلو منشان اضل بالحكم بقا خلونا نعمل ضربة استباقثية ونصوت ب لأ منشان يعدلوه .ومن هالكلام لي بعل القلب . صراحة ياليدي صوتوي ب (لا) نصيحة . ع كل كل واحد الو رأيو ومنحترم جميعه الاراء . .

طيب معليش خلينا نحكي اذا الرئيس هوي اللي طالب بالمادة 33 شو بيكون رأيكن

واعضاء اللجنة اكدو انو الرئيس هوي اللي طالب فيها وأكيد ما رح يكذبو عن لسان الرئيس عالتلفزيون

شو منقول لأ لكلام رئيسنا اللي منحبو

[صح نسيت قول شغلة . العبرة بالتطبيق . يعني بتطبيق الدستور . م وبالعلاك ويجتمع شي 50 دكتور ومثقف وصفو حكي واخرشي يطلعولنا دستور . العبرة بالتطبيق . حتا مادام الغو المادة التامنة ليش لسا بمدارسنا عم نردد الشعار . شعار حزب البعث ؟ يلي مفكرين حالن قاد رين ع كسرو ؟ بس هيهات منا الهزيمة . وع قولة هاك السياسي مافشروا. بس ينقر الدستور رح تصير تغيرات . اولها الشعار يلي منرددو بالمدرسة .

يا ريت يكون التصويت بشكل واقعي و بعد فهم و تمعن بالمشروع

لانو الربط بين الـ(نعم) و مدى التأييد للدكتور بشار الاسد شي غير منطقي

بالنهاية لو ما بدو رأينا (كشعب سوري) ما كان انعمل هالاستفتاء

أنا بصوت ب نعم ... طبعا مع تحفظي على بعض مواد الدستور ولكن نحن الآن في أزمة وبحاجة إلى كم الأفواه المفتوحة وليس إلى زيادة عددها عدم نجاح الدستور بوجود مراقبين ووسائل اعلام أجنبية على الإستفتاء سيفتح نار جهنم على النظام الذي برأيهم سيبدو وكأنه كان ‎"‎يجبر الشعب على التأييد لعدم وجود من يراقبه ‎"‏ بس تخلص الأزمة سنعدل كما نريد لكن الآن تصويتي نعم وألف نعم‎‏

صديقتي اندلس التعديل بعد الأزمة حتى لو اتهموا فيه الأسرة الحاكمة مابأثر لسبب إنو نحنا بإذن الله رح نكون خلصنا بشعب موحد وجيش منتصر ورئيس ركع الكون فيلي بيحكي وقتها بكون حدث إعلامي فقط لاغير ... لكن عدم نجاح الدستور تأثيرو سلبي وكبير ‎‎‏

الاندلس كتب:[صح نسيت قول شغلة . العبرة بالتطبيق . يعني بتطبيق الدستور . م وبالعلاك ويجتمع شي 50 دكتور ومثقف وصفو حكي واخرشي يطلعولنا دستور . العبرة بالتطبيق . حتا مادام الغو المادة التامنة ليش لسا بمدارسنا عم نردد الشعار . شعار حزب البعث ؟ يلي مفكرين حالن قاد رين ع كسرو ؟ بس هيهات منا الهزيمة . وع قولة هاك السياسي مافشروا. بس ينقر الدستور رح تصير تغيرات . اولها الشعار يلي منرددو بالمدرسة .

لأنو ببساطة الدستور لسا ما تثبت ..
لسا الدستور عبارة عن مشروع لا يتم تنفيذه وتطبيق مواده إلا بعد موافقة الشعب بالاستفتاء ..
من بين كل الأخطاء ما زعجك غير الشعار !.. يلي هوي /بغض النظر عن كونو شعار حزب البعث/ لكن ما فيك تنكر قيمتو ..

اكيد نعم

بعتقد هالمشروع بيلامس شريحة واسعة من الناس
بغض النظر عن بعض النقاط بالدستور ويلي ممكن تتعدل بعد اقرارو
بس بيكفي انو هالمشروع رح يحقق عدالة أكبر