عام على المؤامرة الجميلة ..

في المرة السابقة لدخولك الى المنتدى اخ هاوي كلام قمنا بتنزيل موضوع اسمه ثورة أم اصلاح وانت لم تدخل وتشارك في هذا الموضوع الذي تم تنزيله لمناقشتك

هل ما يحصل في سورية ثورة ؟؟
هل الثورة تؤدي الى التخريب ام الى البناء وما اراه في سوريا هو التخريب اذا ليست ثورة
منذ متى دول اميركا ودول اوروبا والدول العربية تحب الشعب السوري وتخاف على مصالحه
لماذا لم يقفو جانب فلسطين ويدعو الى ارسال جيوش عربية لتحرير فلسطين
أم أن العدو هو سوريا وليست اسرائيل
هل هذا الدم الذي نزف من شهداء الجيش والأمن والمدنيين الشرفاء رخيصا
وفي النهاية أقول لك لن نسامح كل من تسبب باراقة قطرة دم من دماء ابناء سوريا الشرفاء
واود القول هل الثورة التي تدعو الى تدخل خارجي تسمى ثورة وطنية

وهناك الكثير من الاسئلة أكتفي بهذا القدر حتى تجيبني وأتمنى ااجابة وعدم الخروج عن الموضوع والمناقشة بطريقة حضارية

دوما تخرجون علينا بنفس مصطلحات المقاومة والممانعة والجولان لا يزال محتل منذ أكثر من 40 عام . أما بالنسبة للقتل والنهب والتفجير فقد ذكرت بأني لست معه ومع المعارضة السلمية فقط كغالبية الشعب السوري .

واضح لكل العالم أن لي عم بيصيربسوريا مو ثورة هي مؤامرة بس لي عامي عيونو عن الحقيقة من دعيلو الله يرجعوا لطريق الصواب وويفتح ويشوف ليعرف يميز اذا ثورة ولا مؤامرة
الثورة مابتخرب البلد

أنت معارض ؟؟ أنت ضد النظام ؟؟؟.... حقك
بس إذا كنتو معارضة حقيقة ووطنية تعالو عالانتخابات ب 7 أيار جيبو كل التنسيقيات تبعكن وشرفو عالانتخابات هونيك المعركة الحقيقية وإذا قدرتو تاخدو الأكترية بمجلس الشعب بحقلكن حسب الدستور الجديد تألفو الحكومة وتحكمو البلد حسب وجهة نظركن .إذا أنتو واثقين من أنكن انتو الأكترية نحن جاهزين وخلي المعركة تتحول من معركة سلاح لمعركة ديمقراطية

بعد عام عالأحداث نحن ما مننكر وجود ناس وطنيين شرفاء بهمون اصلاح البلد ويمكن غير راضين عن الوضع الحالي للدولة بس يلي ما شاف المؤامرة في على عيونو غشاوة في دول حاولت تستغل مطالب الناس لتحقق مصالحها
وما رح نشك بوطنية أي شخص اختلاف الرأي حق مشروع نحن منشك بوطنية يلي بيطلب التدخل الخارجي ضد أخوه بالوطن.. أنت بترضى نشوف بيوم من الأيام جندي أمريكي بسوريا عم يتبول على جثة أحد رجال سوريا مهما كان انتماءه؟؟؟
نحن منشك بانسانية أي انسان بيرفع السلاح بوجه أخوه السوري أما المعارض الشريف نحن منطلب منو الحوار لنستفاد من وجهة نظرو ونحاول سوا بناء سوريا المستقبل يلي منحلم فيها كلنا أفضل وأرقى

بعد عام عن الأحداث لازم نبحث سوا عن نقاط نلتقي فيها لأن هي سوريا للكل ولهيك عندي كم سؤال مختلفة عن اسئلة باقي الأصدقاء :

-أنتو بدكن الحرية ... نحن كلنا بدنا الحرية والحرية أقدس حقوق لانسان بس ممكن تعرّف شو هيي الحرية من وجهة نظرك؟؟ وكيف بتتحقق هالحرية برأيك ؟؟ بسوريا اليوم ما في حرية ؟؟ أو عالأقل ما صار في تحسن بمستوى الحرية بسوريا؟؟؟

- أنتو بتقولو أنو بدكن اصلاح سوريا وهادا حلم كل السوريين ...بس برأيك كيف بتكون سوريا يلي انت بتحلم فيها؟؟؟

-شو الأصلاحات يلي أنت بتتمنى تصير لحتى تعتبر سوريا بمستوى طموحاتك؟؟

-أنت برأيك الطائفية يلي عم نشوفا اليوم ببعض الاماكن مين المسؤول عن وجودا؟؟

-ليش الطائفية كانت كل السنين الماضية منسية ليش ما حسينا بوجودا إلا بعد (ثورتكن)؟؟؟

-سوريا اليوم فيها مؤيدين للرئيس بشار وفيها معارضين ... شو الحل ؟؟ هل الحل برأيك أنو أحد الطرفين يبيد الطرف الآخر ؟؟

-أنت متخيل انو بتقدرو تشلو الرئيس؟؟ أنت بتعرف شو ممكن تكون ردة فعل الملايين يلي كانو من يومين بالساحات إذا أعلن سيادة الرئيس تنحيه عن الحكم؟؟ ما بتعتقد أنو تنحي الرئيس رح يكون بداية حرب أهلية ؟؟ لأن أنا بقلك نحن بالنسبة ألنا سيادة الرئيس خط أحمر ما منساوم عليه وكل شي غيرو مطروح للنقاش

-عم تقول انو رح تستمرو .. لايمت وشو النهاية يلي بدكن ياها؟؟

-سؤال اخير ... بقولو الميت ما بتجوز عليه إلا الرحمة... القائد الخالد حافظ الأسد صار بين أيدين ربو وهو بيحكم عليه ليش هالهتافات ضدو وهو بقبرو رحمة الله عليه.. إذا هتفتوا هالهتافات بتكونوا عم تحاولو تحسين البلد ؟؟؟ كيف ممكن هالعبارات تخدم القضية يبلي انتو بتقولو انكن عم تتظاهرو منشانا؟؟

لماذا الانتخابات ؟ ليحدث كما حدث في انتخابات المجالس المحلية من تزوير ومن نجاح بالتزكية ... فلتكن هناك رقابة على الانتخابات وعلى فرز الأصوات حينها سترون الغالبية لمن ستكون .

اكيد لازم يكون في رقابة ونزاهة هادا مو موضوع خلاف بس انا كنت ناطرة اسمع اجوبتك على كل الأسئلة عن رأيك بالبلد وكيف ممكن يتطور واعرف شو وجهة نظرك والامور يلي بتتمنى تطويرا لتعتبر سوريا صرات بالمستوى يلي بتطمح فيه ولا المعارضة بالنسبة الك بس لمجرد المعارضة بدون اي هدف او مشروع مستقبلي واضح ؟؟؟؟

تم حذف محتوى الموضوع لأن السيد هاوي كلام لم يقم بمناقشة باقي الاعضاء التي دخلت وردت على هذا الموضوع وقامت بمناقشته
ثانيا لوحظ ان العضو هاوي كلام يقوم فقط برمي التهم دون المناقشة كبقية الاعضاء التي تقوم بمناقشته بكل طريقة موضوعية
ثالثا المحتوى من وجهة نظري الشخصية ووجهة نظر أغلبية أعضاء المنتدى يمس بدولتنا وبجيش دولتنا

لذلك نعتذر عن ابقاء هذا الموضوع