التزام معلم الصف

شباب وصبايا المنتدى بدي منكن مساعدة بهالموضوع
هل فرع معلم الصف ملتزم لدورتنا أو لا ؟
هي صرنا سنة تانية ولحد الآن ما وقعنا عقود الالتزام ......؟يعني مافي التزام ولا تأخرت العقود ؟
وبدنا خبر أكيد إذا في التزام أو لا
مشان كل طالب يروح بحال سبيلو إذا ماكانت ملتزمة
هلق غالبية طلاب التربية معلم صف دخلو هالفرع لأنو ملتزم ...وأكيد اذا ماكان ملتزم في طلاب كتير رح تنتقل عفروعة تانية
إلي عندو فكرة أو معلومة يساعدنا
وكيف بدنا نتأكد إذا ملتزمة أو لا

ولا حدا عندو فكرة عن الموضوع

انا بعرف انو الالتزام التغى وانو التوظيف رح يصير عن طريق مسابقة بعد التخرج
اللي خبرني هو يلي عندو بالعادة بتم تقديم العقود .. بس إذا فيك اسأل واتأكد بكون أحسن

وأنا بعرف إنو الالتزام التغى من هديك السنة بعدين بالمفاضلة كان يحطو كل شي ملتزم وبتصور باقي بس أربع معاهد هنن الملتزمين من ضمنن معهد النفط بحمص وبالرميلان ومعهد السكك الحديدية...
باقي الكليات صارت مسابقات

nova -- silver.moon
شكراً كتير لاهتمامكن بالموضوع كلكن ذوق
أنا صرت محتار ومتردد كتير ولسا ماعرفت الخبر اليقين %
بخاف بكرا أنا اترك التربية وانتقل عفرع تاني وتطلع ملتزمة ويوقعو العقود بالسنة التانية
انا محتار كتير إذا بغير الفرع أو لا
أصلن أنا بالأصل مابحب هالفرع
وتحملتو لأنو عأساس ملتزم
وهلق شو الحل مابعرف شو بدي اعمل ضل أو غير

زميل أحمد حضرتك أي سنة ؟ ترفعت عالتانية ؟ أو عالتالتة ؟
أنا ما عندي فكرة إذا التغى الالتزام أم لا و لكن بتذكر أوراق الالتزام حصلنا عليها بشباط بالسنة التانية ..

lady moon كتب:زميل أحمد حضرتك أي سنة ؟ ترفعت عالتانية ؟ أو عالتالتة ؟
أنا ما عندي فكرة إذا التغى الالتزام أم لا و لكن بتذكر أوراق الالتزام حصلنا عليها بشباط بالسنة التانية ..

مشكورة صديقتي عاهتمامك
أنا ترفعت عالسنة التانية
بس خلص رح كفي بمعلم الصف اذا كان ملتزم او لا
ما بقى يهمني

أعتقد لسا أمامك فرصة لنهاية الفصل الجايي
ان شاء الله بيعلنولكم تقديم أوراق الالتزام
تبقى طمنا شو بيصير معك
بالتوفيق

مافي خبر اكيد ان الالتزام التغى
والورق لازم كانت تنعمل بدايةفصل تاني
بس كل شي بيخص تربية تأجل بسبب الاحداث
القبض مثلا والتعيين واللي تعيين ماداوم
حتى الموظفين ماعندن خبر

احمد ديوب كتب:بعد ما كثرت الإشاعات حول فك التزام التربية معلم صف لهذا العام 2012-2013 ولا حدا عندو الخبر اليقين وحتى نحنا الطلاب الي ترفعنا للسنة التانية ما شفنا لا التزام ولا شي وما بنعرف الجهة الي بدنا نسألها عن الالتزام وانا نفسي صرت مقدم 3 استفسارات لوزارة التعليم العالي على موقع سيريا نيوز حول هالموضوع ومافي رد



وهي رح ندخل بالسنة التانية ولحد الآن ما رسينا عبر

في التزام أو لا؟؟؟

أنا عندي الحل
روح لعند : مركز مكافحة البطالة ، مقابل جامع المنيرة
اطلع عالطابق التالت فني و ادخل عإيدك اليمين بتلاقي بوجهك موظف اسألو هونيك ، هنن أكيد عندهم الخبر الموثوق
لأن هونيك طلاب التربية بيساووا أوراق الالتزام
وخبرنا شو بيصير معك
موفق

ألف شكر صديقتي ليدي
عم عذبك معي

مشكورة
كلك ذوق


بس الله يساعدنا هيدي نهايتنا بمراكز مكافحة البطالة