هل هناك فرق بين أبناء القرى وأبناء المدن ؟؟؟

لفت نظري هذا العنوان باحد المنتديات " الفرق بين أهل المدن وأهل القرى "

هل هناك بالفعل فرق بينهما ؟؟؟
ماذا تعني المدينة لأهل المدن ؟؟ وماذا تعني القرية لأهل القرى ؟؟؟
هل يستطيعون العيش معنا ؟؟
هل هناك اختلافات جوهرية بين الأثنين ؟؟؟
كيف ينظر أهل المدن لأهل القرى وكيف ينظر أهل القرى لأهل المدن ؟؟؟

اسئلة كثيرة موجودة وقد تخطر على بال اي شخص
فما رأيكم انتم ؟؟؟

هل هناك بالفعل فرق بينهما ؟؟؟
اي في فروق كتير مو بس واحد واهم الفروق طريقة واسلوب التربية والحياة , يعني ابن الريف عم يربى ببساطة وعفوية معروفة عن اهل الريف بينما ابن المدينة بيكبر وهو عم يتعلم كيف يواجه الحياة وصعوابتها وخاصة بالمدينة (يعني ابن المدينة بأغلب الأحيان شخصيته اقوى من ابن الريف)

ماذا تعني المدينة لأهل المدن ؟؟ وماذا تعني القرية لأهل القرى ؟؟؟
لما يكبر الشخص المدني ما رح يكون فيه يعيش بالريف بسهولة وكذلك الشخص الريفي بالنسبة للمدينة يعني كل واحد منن متل السمكة اللي ما فيها تعيش خارج البحر اللي كبرت فيه

هل يستطيعون العيش معنا ؟؟
(ما فهمت شو يعني معنا , مين نحنا )
بس اذا المقصود العيش معا ً اي ممكن بس رح يكون في صعوبات كبيرة


هل هناك اختلافات جوهرية بين الأثنين ؟؟؟
الخلافات متل ما ذكرت بالبداية هي الاختلاف بطريقة واسلوب الحياة لا اكتر ولا اقل

كيف ينظر أهل المدن لأهل القرى وكيف ينظر أهل القرى لأهل المدن ؟؟؟
اهل المدن بيشوفوا اهل القرى على انن بسطاء مع شوية تخلف اذا صح التعبير
اهل القرى بيشوفوا اهل المدن متكبرين ومتسلطين كما انن بيشوفوا انه اهل المدن بيفتقدوا العاطفة والمحبة الموجودة بين الناس الريفيين ولذلك بيفضلوا القرى على المدن

ملاحظة اخيرة: الشي اللي ذكرته فينا نعتبره صار من الماضي يعني هلا ماعاد في هالفروقات الكبيرة بين اهل المدن واهل القرى (في فروقات بس خفيفة) وهالشي بسبب التداخل الكبير بين الناس ....

شكرا HYAR