بدي الحل

السلام عليكم
كيف الشباب
بدي رايكون بموضوع بيخصني وبتمنى تردوني بالاجابات
انا حبيت من اول نظرة واول مرة
واستمريت بجمع المعلومات عن البنت حتى شفت انا بنت ممتازة
كلما ابحث ازداد حبي بها
بس من غبائي ما واجهتا للاخير وطلعت بتحب واحد والمشكلة مافيني انساها اعطوني حل

كيفك حبيب شو اخبارك
ليك يا مثنى اذا هيي بتحب واحد تاني وشايفن مرتاحين مع بعض وانتهت الامور
لازم تحاول تنساها باي ثمن
معلش مايزعلوا البنات البنت اللي ما بدها ياك بتلاقي مية وحدة غيرها
اما اذا حسيت انها مو مرتاحة مع هداك الشب وبتحس انو في ولو بادرة منها تجاهك
حاول مرة تانية ودافع عن حبك
بس اوعى انك تضل تحاول وهيي رافضة
والقرار الك

والله ياخيي المثنى الحق كلو عليك ليش تأخرت
شوكنت ناطرطول هالوقت يمكن بهالوقت اللي كنت عمتجمع معلومات عنا هيي ارتبطت
ابشع شي الواحد يوصل متأخر
عنجد الله يكون بعونك انافيتي قلك اني حاسة فيك كتير منيح
بس شولازم تعمل مبعرف يمكن انك تسكت وتخبي هوي الحل لوحيد
لانا اذاكانت بتحب عنجد مشاعرك واعترافك مارح يكون الومعنى او اهمية عندا
بلمقابل هاالشي وهالاعتراف بكون اهم شي بيصيربحياتك
بعمروالواحد مايتردد ولايخاف من حبو لانو نحنا البنات منحب الشب الجريء

ياعمي ما الك الا حل واحد
قرقع متة وحاول تنسى
انت شب واكيد في الف وحدة بتتمناك
ومانا اخر بنت عوجه الخليقة

المثنى ..

جميعهم طالبوك بنسيان حبيبتك , هو الكلام يخرج من الشفاه سهلا ً

و المشكلة في صعوبة تنفيذه , أنا لا أطلب منك نسيانها , أقول

لك استمرّ في عشقك الراقي لها , و لكن من بعيد ,

فـ هي قد حدّدت خيارها الذي لم يقربك و لم يجاورك حتى , ..

يا صاحبي عندما قلبك عشقها , لم يستأذن منك , و لكي ينساها أيضا ً لن يستأذن منك ,

لذلك فأنت لا تقدر على النسيان لمجرد

الرغبة به , عش حبك َ إلى أن ينتهي . !! عندها سيتحرّر قلبك من قيودها الموجعة !!

موفق ..

بشكر اخوتي وزملائي وأصدقائي على الردود الي بتخلي الواحد يحس بوجود اشخاص بتفهم بي هالدنيا
بشكركون لو انو النسيان صعب بس رح حاول بس الخيارات تقف حائرا امامها
1)وعقولة خيي محمد قرقع متة بدون سكر
2)وعقولة الاخ سنان هو الكلام يخرج من الشفاه سهلا ً

و المشكلة في صعوبة تنفيذه
3)وقولة نائب المدير
الذي تشعر به ليس حب
ولكنه شعوربالهزيمه والرغبه في الإستحواز

شكرا من كل قلبي لأني بالمنتدى شفت اصدقاء مثقفين وبتمنى تقبلوني صديق لكم وشكرا

نقل فؤادك حيث شئت من الهوى ما الحب إلا للحبيب الأول

أول شي أهلا وسهلا فيك خينا مثنى.. إذا كنت موهوب بقصة الحب من أول نظرة

فصدقني ماراح تنسى.. نصيحتي إاك -وبصراحة- لا تبذل جهد حتى تنسى..

يعني لا تقاوم مشاعرك..تركا للأيام هي كفيلة بالنسيان..

وقت يللي بيصير حبك عايش على جهاز تنفس اصطناعي بعدين مالو إلا الموت الرحيم....

ولا تتمنالا سعادة ما فيك وفرتا لحالك

مشكور .. بداية موفقة

بشكرك خي جاد على الرد
بس هالنقطة مافينك توضحا أكتر
وقت يللي بيصير حبك عايش على جهاز تنفس اصطناعي بعدين مالو إلا الموت الرحيم....

بتمنى تفسرها بشكل بسيط ومفهوم لأنوا الحكي الثقافي مابستوعبوا بالذات عن الحب

هههههههههه لا ثقافي ولا شي..

مع الايام عزيزي مثنى بس تشوف البنت اللي بتحبا مع حدا تاني وبشكل متكرر بتسأل حالك أنا مين ناطر؟؟!!

لحالا المشاعر بتندفن وبتصير مجرد ذكرى