من طرف serendipity الأحد مايو 10, 2009 2:21 pm
بصراحة اجوبتك ياSAREMA على السئلة كتير كتير حلوة وبتدل على وعي وفهم وبعترف انك وقفتيني عند حدي .
بس فيه نقطتين او سؤالين حابب يكون في ايضاح اكتر .
(1) بجواب السؤال الخامس قلتي انو رح تشيلي السم من ابنك وبجواب السؤال الرابع قلتي بدك تحترمي رأيو ,كيف؟(الا اذا ما بتعتبري التدخين سم).
(2) في سؤال تاني واللي هو اهم شي وانت جاوبتيني عليه بطريقة دبلوماسية,
انت قلتي التدخين ضار متلو متل الدخان المتصاعد من السيارات متل الاكل الغير صحي متل اي شي ضار عمنمارسو بحياتنا اليومية.
بس ضار عن ضار بيفرق لانو الدخان المتصاعد من السيارات له مضار معينة ودرجة ضرر معينة والاكل الغير صحي له مضار معينة ودرجة ضرر معينة واي شغلة ضارة بنمارسها بحياتنا اليومية لها مضار معينة تختلف عن الاخرى .
والتدخين له مضار خطيرة ونحنا اللي منختارو يعني هو مانو موجود بالكون ونحنا مضطرايين نشمو ,نحنا عمندخنو بإختيارنا وشرائنا له .
ليش مابتجاوبي على السؤال بنعم وله مخاطر او لا ليس له مخاطر (طبعا انتي حرة ممكن تقلليلي ضار وبدك تشربي)
بحب وضح انو مضار التدخين هي:
يعد التدخين السبب الأول للأمراض المميتة في العالم، حيث يساعد على حدوث كمية كبيرة جداً من الأمراض الخطيرة، منها:
- سرطان الرئة: حيث تكون نسبة الوفيات الناتجة عنه لدى المدخنين أكثر ب 23 مرة عنها لدى غير المدخنين،
- سرطان الفم
- سرطان الحنجرة
- سرطان المري
- سرطان المرارة
- سرطان البنكرياس
- سرطان الكلية و البروستات
- يزيد نسبة الوفيات بالتهاب القصبات و انتفاخ الرئة خمسة أضعاف
- يضاعف نسبة الإصابة و الوفيات بأمراض القلب
- يزيد نسبة الحوادث الوعائية الدماغية (الشلل) بمقدار 50 %
- يؤدي إلى تضيق الشرايين المحيطية
وتدل كافة الدراسات الحديثة، على أن هذه الأضرارلا تختلف باختلاف طريقة التدخين، و هي متماثلة بالنسبة للسيكارة و الغليون (البايب) و النرجيلة.
بالنهاية متل ماقالت farro7a التدخين حرية شخصية ..
عدل سابقا من قبل serendipity في الأحد مايو 10, 2009 2:51 pm عدل 1 مرات
الرئيسية
