طلب موجه لمشرف قسم الرياضة ومدير المنتدى........

مرحبا شباب تحية رياضية
باسمي وباسم كل مشجعي الريال بالمنتدى
نسجل تحفظ على العبارة الواردة اعلى صفحة المنتدى الرئيسية
في كل منتدى يوجد حياد
لذلك اطلب الغاء هذه العبارة واذا كان احد من الادارة يريد تشجيع
فريقه فليضع ذلك في قسم الرياضة
وليس على الصفحة الرئيسية
ارجو الرد من مدير المنتدى على هذه النقطة
الى مشرف قسم الرياضة الجوكر
وانا اعرف كم اديه روح رياضية وياليت كل مشجعي برشلونة مثله
ابداء رايه بالموضوع
مشكورين

انا برأيي انو هاد منتدى ولازم يكون حيادي يعني خلو كل واحد يشجع بقسم الرياضة بس مو ع الصفحة الرئيسية
يعني لو فاز الريال كانو كتبو مبروك للريال انا بشك بها الموضوع

يعني خلونا حياديين يا شباب

أنا برأيي انو عادي نحط مبروك للبرشا

تحياتي لكم شباب في البداية أود أن أشكر الأخ allii على هذه
المشاركة وأنا أضم صوتي له بشأن إزالة عبارة الفوز الساحق لبرشلونة من الصفحة الرئيسية وأنه يوجد زاوية رياضية يمكن وضعها ضمن هذه الزاوية
لأنه بعدين بيصير زعل
وأعتقد أنه لو فاز الريال بنفس النتيجة لكانوا كتبوا أخطاء تحكيمية فادحة أدت إلى فوز الريال على برشلونة
المهم يا شباب ريال مدريد خسر اللقاء وكلنا زعلنا بس ريال مدريد ربح شيئا وهو أنه لم يعمل نفق للأبطال مثلما فعل برشلونة الموسم الماضي
ومن يعلم ربما كتب الله للريال أن يخسر بهذه النتيجة ويتوج في النهاية بطلا للدوري لأنه توجد أربعة مراحل متبقية حتى النهاية
لأنه في حال فوز الريال بكل المباريات وخسارة برشلونة بمبارتين وتعادله بواحدة وفوزه
بواحدة في النهاية يكون الريال بعيدا عن برشلونة بفارق نقطة

إن شاء الله يحدث ذلك لأنه في
كرة القدم لا يوجد شيئ مستحيل وساعتها نكتب الفوز الساحق لبرشلونة على الريال مهد الطريق للريال للحصول على اللقب
قولو إن شاء الله

اخليني قلك مستر فهيم
لا هيك رح نزعل من بعض كتير

واذا هيك التعامل رح يكون

طبعا التعامل هيك
شو عندي خيار وفقوس
البرشا فاز وما في مجال للهريبة من المصير
ولو حاولت اتخبي النتيجة
الريال خسر
والمباراة اخدت ضجة
يعني نشر النتيجة بيسيء للريال
وللمشجعين اما انك نقفة دين مشجع
ظاهرة
(لاحظ لساتني عم احترمك )
رح اعتبر كلامك طالع من شخص مقهور ورح انصحك
لازم تطلع منهاد التحجر الي انت فية
وتتحلى لو بمقدار ضئيل من الروح الرياضية الي الظاهر هي مفقوده عندك
وحاول تتقبل الخسارة
وتتعايش مع النتيجة

وما تعمل حالك فهمان بشي ماالك علاقة فيه
لانك بالرياضة صفر ع الشمال
اما هون
بجاوبك بكلمتين
....................
والقافلة تسير

مع كامل شكري وتقديري
لحميتك الريالية الزايدة عن حدا وانتبة ما يطقلك شي شرش

شو هالحكي ياعلي مرعي الزلمي مو هيك بيقصد
لازم تعرف انو مو الصفحة الرئيسية لتشجيع الفرق
بعدين واضح من الكلام انو روحك الرياضية عالية....... ومن ردك ع علي ........
الجوكر وعلي ابو الرز من اكتر الناس روح رياضية وهدول جماعة بيفهمو بالطابة
اي مصير واي هريبة ياعلي شو نحنا عم نحرر الجولان ولك يفوزو شو فرقانة معنا نحنا
ولو كانت الاية معكوسة انا واثق 100/100 انو مارح كنتوا تكتبو شي
بحياة الصداقة والاخوة لاعد ترد ع الموضوع يا علي مرعي ورجاء اقفل الموضوع منشان ماحدا يرد
مع احترامي علي حبقة