الطفلين والبخيل ؟

في ضيعة قريبة على ضيعتي من زمان كتير كان فيها طفلين صغار كانو كتير اشقيا يعني ما كان في مشكلة تصير بالضيعة الا يحطوها براسون وطبعا يكونو هنن السبب من دون منازع ...المهم كان بهالضيعة في زلمة غني بس بخيل كتير وعندو بستان ليمون كبير و اذا عرف انو راحت منو ليمونة وحدة يجن جنانو يعني كأنو هالحبة بدها تعمر بيتو .....
....
وبيوم من الايام هالصبيين قررو يسرقو من البستان بس المشكلة انو في زلمة بالضيعة ما حدى فيه يكذب عليه والصبيين كمان بيخافو منو لدرجة ما بيقدرو يكذبو عليه ابدا ,بس اذا حلفو بالله رح يصدقون وطبعا بالله مافيهون يحلفو كذب ....
بس هنن بدون بسرقو من البستان هاد بس جكارى بالبخيل ..
شو بدون يعملو راحو واحد وقف على كتف التاني ودخلو على البستان والي فوق قطف شوية ليمون وطلعو بسرعة ......

....هون لما دري البخيل جن وراح لعند هاد الزلمة (((كبير الضيعة))) وشكالو عليهن لانو متأكد انو هنن الي عاملينا يا حرام ....قام الزلمة جابون وسألون والي بيحلف عند هالزلمة خلص هوي صا دق....
سأل اول واحد الي كان واقف على كتف رفيقو اثناء الجريمة..ههههه ...
قام جاوب انو والله يا عمي انا ما دست ارض هالزلمة ولا دعست رجلي بداخلا .....قام صدقو..وطبعا هوي ما كذب ..
وسأل التاني الي كان موقف رفيقو عليه ...قام قلو والله ياعمي انا ما قطفت ولا حبة ليمون وحدة قام صدقو الزلمةوهاد كمان ما كذب...
وقال للبخيل شفت ظلمت الاولاد مو حرام عليك هالطفلين بريئين وانت ظلمتون ولازم تعمل شي يكفر عن ذنبك..قام خلاه يجبلون قفص مليان ليمون وهيك طلع الولدين اذكى ولدين عرفتون بحياتي ....
وعلى فكرة هالولدين هلئ رجال كبار ولحد هلئ بيحكو هالقصة فحبيت خبركون اياها ...

بتمنى تكون عجبتكون ...

ههههههههههههههههههههههههههههههه
حلوووووووووووووووووووووة كتير

وهي احلى + مشكوووووووووووووور

حلووووووووووووة

على فكرة أنا شايف هالقصة عالتلفزيون
بس ما بعرف بأي مسلسل ..

مشكور كتير ..