الرئيسية
عم يتفلسف الحمار ويخاطب إبن آدم و يقلو
عجبي عليك يا ابن آدم يا كبير الدار
قوّمت الدنيا وما قعدتها لما قالولك حمار
شو يعني اسمي شتيمة ولا جنسي شي عار؟؟؟
خلقني ربي وخلقك وما حدا بإيدو الاختيار
وأنا مهما زاد الحمل فوقي صابر على المشوار
لا بيوم أرفع عيني على جارتي و بصون الجار
ولا بيوم بطلّع على رزق غيري و بطقّ منو وبغار
ولا مهر أدفع لحمارتي ولا خاتم ولا سوار
ولا شقة أجمع بحقها
ولا تجهيز دار
ولا حرمتي حامل تتوحم بدها كافيار ....
ولا بنت تخرج عن طوعي وتجبلي العار
ولا إبن يدمن ويهلوس ويوقع وينهار
عايش بحالي ومتهني وليش بدي إحتار
باكل وبشرب وأنهق وما في عندي أسرار
وعندي ابن آدم يخدمني ليل نهار
اذا جعت يشتري برسيمي بأغلى الأسعار
واذا مرضت بيعالجني ويدعي الستار
خادم أمين من غير راتب ولا حتى إيجار
عرفت يا ابن آدم مين فينا طلع الحمار؟
