من طرف نسيم الروح الخميس يوليو 02, 2009 7:20 pm
خيو أنا وداعي رح يكون على شكل نصائح ..
وبما أنو ما فتح معك موضوع النصائح رح حطون هون ...
1- المعسكر ليس( بعبعاً ) كما يحاول
الكثيرون تصويره ... لا بل هو أكثر من ذلك بكثير ,
يمكننا أن نشبهه ببرنامج ( surviver ) كأن
تعيش يوماً كاملاً بملعقة من الأرز أو البرغل وبما تستطيع أن تتدبره بنفسك من
ضفادع , لذا حضر نفسيتك ولا تقلق .
2- لن يسمح لك بالدخول إلى المعسكر إلا
باللباس النظامي الذي استلمته كاملاً لذا يجب عليك أن تلبس البدلة وتذهب ( أحسن ما
تتبهدل وتبدل تيابك عالباب متل ما صار مع كتير ناس ) .
3- إذا بدكن اعملوا متل ما عملنا نحنا
بالسنتين , اتفقوا مع بعض واستأجروا شبه بولمان وروحوا فيه بيوصلكن عالباب , أحسن
ما تتبهدلوا بالنقليات .
4- الدقن ناعمة دوماً , يعني لا تنسى عدة الحلاقة ..
الشعر قصير ( بس مو ضروري عالصفر ) , أحسن ما يحلقولك هنيك .. وشو حلاقة يا معلم ,
شغلة .
هلأ رح تسألوني في
داعي نحلق عالصفر ؟؟ .. أنا من عندي بقلكن لأ .. ليش ؟
لأنو إذا تعاقبت
بالمعسكر فرح يخيروك بين أنو تروح عالبيت أو تحلق عالصفر , فإذا كنت حالق أصلاً يعني
ما ضل غير الخيار الأول .
5- الزيت والزعتر ثم الزيت والزعتر ثم
الزيت والزعتر .. يا جماعة هي أهم 3 وصايا مشان ما تموتوا من الجوع .. لأنو ما رح تلاقوا غبر هالمعين لما بتنقطعوا
من الأكل .
6- هلأ إذا حابين ترفهوا عن حالكن بالأكل .. جيبوا
رقم شي مطعم وجبات سريعة باللاذقية يكون قريب من المعسكر , بتحكوا معو وبتوصوه على
كومة أكل بيبعت شب من عندو بتكسي , وأنتو بتنزلوا بتالكلوا تحت بالزيارة .
7- بند المشروبات : إذا بتحبوا الشاي خدوا معكن ظروف
لأن هنيك في مياه ساخنة ( بتشتروا يعني ). طبعاً ما تنسوا الإبريق , وما حدا يعتمد
على التاني بمجال الإبريق لأنو ما حدا بياخد, بالنسبة للمتة فهي متوفرة , بس خدوا
السكر والمصاصة والكاسة ,, وأكيد أكيد لا تنسوا الشدة .
8- إذا حامل 4 مواد أو متوقع تحمل 4
مواد فيفضل تنفذ كل الأوامر وبدون أي اعتراض لأن المعسكر يعتبر مادة, وإذا انفصلت
يعني صاروا خمس مواد , وترحم عحالك بالسنة ,
9- الشغلات التانية متل شرشف, مخدة صغيرة, صحن وسكين
وملعقة , يعني شغلات مفروغ منها .
10- أدوات شيل الوسخ : شامبو , صابونة,
ليفة, شوية دوا غسيل , ( طبعاً الحمام بمي باردة متل التلج ) .
11- المهجع : حاولوا تكونوا مع بعض بمهجع صغير وقد ما
فيكن بعدوا عن مهاجع التوتياء والقرميد ( أحسن ما تنسلقوا ) , وبهالخصوص لازم
تكونوا موجودين بالمعسكر الساعة 8 صباحاً كحد أقصى .
·
لا حدا ينغر
بالشبابيك الموجودة عند التخوت العليا , استولوا على التخوت السفلى حتى لو صار
تختك لعامة الشعب ( لأنو تحت أبرد بكتير ) ,
12- مدة المعسكر 13 أو 14 يوم لذا لا
تصدقوا الإشاعات بتخفيض المدة أو ما سوى ذلك .
13- لا تخلوا حدا يضحك عليكم بعبارات مثل ( تفييش ,
إعفاء ....) حتى لو كان برتبة عميد , لأن هذا الشخص لا يريد سوى الابتزاز وأخذ
رشاوى دون مقابل لذا ابتعد عن هذه الطرق .
14- في يوم الرمي لا تطلب الإعفاء ولا تتخلف
عن الرمي ,, لأنه متعة ما بعدها متعة .. منها مشوار ومنها تغيير عن جو المعسكر .
وبالنهاية أمنى التوفيق للجميع وأن يعود كامل العدد الذي ذهب حياً ..
وموفق يا ميلاد وإن شاء الله تروح وترجع بالسلامة
[/b]
الرئيسية
