دموع التماسيح................

دموع المرأة نصفها سببها انت ايها الرجل
دموع المرأة سلاح فعال اثبت جدارته على مر الايام
يلين لها اقسى الرجال و يعطفون لحالها
كم من دموع ذرفت غيرت مجرى التاريخ
كم من نساء قادرات اثبتن بانوثتهن و ضعفهن قدرتهن على ترويض اقوى الرجال
هل بكت كليوباترا في حضن يوليوس قيصر لتذهب معه الى روما و هل اقنعت مارك انطونيو ليتخلى عن تركة يوليوس قيصر بنفس الدموع
هل استطاعت زنوبيا بانوثتها المفرطة و دموعها تخليد مملكتها
هذه العلاقة الغريبة بين دموع المرأة وقوة تأثيرها على المحيط وخاصة الرجال,جعلت الكثير منهم يقع في مطب التصديق والتكذيب فمتى تكون هذه الدموع حقيقية ومتى تكون مصطنعة وما دور الطبيعة الفيزيولوجية للمرأة في هذا الموضوع?
فسرعتها في البكاء جعلت دموعها في قفص الاتهام وجعلتنا تنساءل إن كانت لا تزال سارية المفعول في قاموس تعامل الرجال مع المرأة .
المرأة.........الام ...الاخت........الحبيبة.........الصديقة.......الزوجة.....الابنة
هل تستطيع تجاهل دموعها ايها الرجل
هل تستطيع ان تدير ظهرك لوجه غائم كليالي تشرين يناجي حضنك ليبكي عليه
؟هل تصف دموع المرأة بدموع التماسيح
؟
؟
بتمنى شوف اراء الشباب و الصبايا

مشكورة
وبحب قللها
اوعك تبكي قدامي
..؟؟

لمجرد ذكر الدموع ..مباشر بيخطر ع بالي شاعر القمة بدوي الجبل:
غني يا بلبل فوق الدوح غني.. انت اولىبالهوى و الشعر مني
لك سحر مثل سحري عجب.. اترى عندك حزنا مثل حزني ....
رح احكي عن دموع زينة ..
بالرغم من اني بحب الفرح كتير و دايما و الحمدلله محاطة بهالة الابتسامة و السعادة ..
دمعي طبعا الو تأثير بس التاثير للي بيهمون امري و بتعز عليون دموعي ..بس ما وقّعت أي شخص بمطب .
لأن الدمع نتيجة لقسوة ..لحزن ..لانفجار بافكاري ..ومو سبب .....
و لما بيكون سبب عندي او عند أي بنت فهوي خداع و نوع من الخيانة لذات الانثى ..
و بالنسبة للسرعة .!!
حسب الموقف و فجاعته و لما القلب بلحظة مابيعود بيتحمل ..الدمع اكيد مرح يستأذن عقلي و لا فكري رح ينزل يحرقني مع الوجع اللي فيني ...
...................
و لما الدموع ما بتلاقي مين يمسحها .. بتترك اثر ع الوجنة و مابينمحى ه الاثر ابدا ..
و انا هيك صار فيني مؤخرا ..
و بكره كتير لما نزار قال :بعض النساء و جههن جميلة و تصير اجمل عندما يبكين .!!
برايي هاد اسمو استفزاز .!! لأن العيون الدامعة لازم تجرح
و ان كان ذرف الدموع قدر محتوم و لا بد منو ..ان شاء الله تكون دموع كل الفتيات .(دموع فرح ..أو نسيان )

فعلا دموع المرأة من الصعب مقاومتها وخصوصا ان كانت ناتجة عن الم شخصي
مشكورة زنوبيا عالموضوع

دموع المراة هي الطريق الى قلب الرجل

allii
مشكور على مرورك و اذا ما بدك ياها تبكي حاول لا تبكيا
سامرالساهر
شكرا على مرورك و ردك بس مو دايما التمييز سهل
zena.h
شكرا الك و على ردك الحلو زينة انشالله دموعنا كلا رح تكون نتيجة الفرح
بس لا تنسي انو الحزن قدر محتوم و الانسان بلاه ذكرى او نسيان
الدموع انا بشوفا ارقى و اطيب طريقة للتعبير عن الحزن
الم صامت عم يترجم بدمعتين عم ينزلو عالخد من دون ولا صوت و لا اي شي
انا بحس الدمع بيطهرني و بيغسل روحي من كل الكبت يلي فيا
و بيفرغ شحنات الام الكتيرة
شكرا الك مرة تانية


سا man تو
شكرا على ردك بس مو بس الدموع هي الطريق الى قلب الرجل
في كمان المعدة و الابتسامة.....................
شكرا على مروركون

عندما تبكي المرأة اما رجل فانه ينهزم
وعندما تبكي المراة اما جبل فانه ينهدم
وعندما تبكي المراة اما الشيطان فانه يرتعد خوفا من الاتي


شكرا زنوبيا

ما رح ناقشك بالعنوان ( دموع التماسيح ) .. لإنو دموع التماسيح متل كل شي مزيف بالحياة

رح احكيكي بدموع الانثى .. أنا كــ ذكر أعشق بكاء الانثى هيك بشوفا بأنانية الذكر جزء من إنوثتا ..انانية لإنو بيني وبين حالي

اّخر شي بيهمني ألم هي الأنثى يلي خلاها تبكي !.. يمكن تكون أنانية بس ما بتوصل للحقارة

أكيد مو حقارة لإنو حبي لهاد المشهد هو حب لهيدي التقاسيم الرائعة لوجها وهاد البريق الساحر .. أبداً مانو حب للألم يلي سبب هاد المشهد

شـــــــــــــــــــكراً .. متميزة بالطرح

لا .. أبداً أنا ما عم احكي بمنطق نيرون ! .. قلتلك هاد الشي مانو استمتاع بهاد الألم ..أو تشفي

أما موضوع الاهتمام بتطفايتها -متل ما قلتي - فهاد خاضع لإرادة الانثى نفسا يلي بسكوتها يمكن ما عندا رغبة إنها تطفي نيرانا

يمكن الانثى بتشوف بدموعا مخرج من متاهة أحزانا.. يمكن بتشوف فين حل أكتر ما هني ضعف أو استسلام.. لهيك هي ما بدا تنطفي !

أما عن ابتعاد الانثى عن التعبير عن الحزن لــ ذكر

فهو بكون برأيا مانو موضع ثقة لدرجة تظهر ضعفا قدامو -هادا اذا اعتبرناه ضعف -

لهيك فيني قول إنو هاد كبرياء مو بمحلو أبداً.. البوح بالاحزان هو رغبة بالحل وخصوصاً لــ ذكر عندو رغبة يسمع

أو يشارك أو حتى يساعد

طـيـف
ما بعرف ممكن تعتبر الانثى دموعا مخرج او حل مؤقت
بيجوز انا كان رأيي شخصي شوي
بس هيي رح تلوم حالا على هي الدموع بعدين لنفس السبب المجهول لبخليا تبكي

حتى لو كان الطرف الاخر مستعد يسمع لما رح يشوف دموع رح ينلام بعدين
بكل الاحوال مو خالص
شكرا عالمرور