هل اللغة العربية أصل اللغات؟

السلام عليكم
من فترة قريت كتاب للدكتور مصطفى محمود بأحد الأقسام من الكتاب عم يستنتج أنو اللغة العربية أصل اللغات
وعم يستند بهالشي أنها لغة واسعة المفردات
بالاضافة الى وجود تشابه بالمفردات بينها وبين لغات العالم
وبالكتاب جدول كبير مقارنة بين الألفاظ العربية والألفاظ الانكليزية واللاتينية والايطالية والفرنسية المشابه
مثل قنديل وcandel
قصر وcastle
جيد و good
ليث و lion
والعديد العديد من الألفاظ
بصراحة موضوع تعدد اللغات كان شاغل بالي وعم حاول لاقي تفسير منطقي طالما سيدنا آدم تكلم لغة وحدة ليش في آلاف اللغات بالعالم
قريت
بالاسرائيليات قصة أنو الله مسخ الناس اللي ببابل وخلا كل مين يتكلم لغة
وهالفكرة كانت أقرب شي الى المنطق قبل ما اقرا كتاب الدكتور مصطفى
بداية لاحظت أنو كلام الدكتور في شيء من التعصب للغة العربية
وكان
تفسيري لتشابه ألفاظ من اللغة العربية مع باقي اللغات اللاتينية أنو اللغة
العربية بيوم من الأيام كانت لغة عالمية وشي طبيعي تدخل ببقية لغات العالم
القديم
بس الشي اللي فاجأني وقت بدأت اتعلم ياباني ولاحظت وجود تشابه بين ألفاظ عربية مع ألفاظ يابانية
مع أنو اليابان بهديك الأيام كانت بعيدة العرب وما كانت على احتكاك معهم متل البلاد الأوربية
وسمعت حديث لم أتأكد من صحته أن لسان أهل الجنة العربية
الموضوع مطروح للنقاش

تشابه المفردات يا جماعة نتيجة التأثير المتبادل بكون بالمفردات العلمية
يعني أغلب المفردات التكنولوجية باللغة العربية أصلها أجنبي
بس مو غريب يكون في تشابه بالمفردات الأساسية باللغة
مثلا
أنت يقابلها بالياباني anata
طير يقابلها بالياباني tori
وليش مافي مفردات يابنية قديمة متشابهة مع الانكليزي
أسئلة بتطرح نفسها

ليش لا الموضوع وارد كتير وخصوصي لما منعرف إنو اللغة العربية يلي عم نحكيها هلق هي أحد فروع اللغة العربية الام

يعني لغتنا اليوم اسما العربية العرباء وهي لغة الجزيرة العربية

وفي كتير قبلها لغات عربية بائدة

شكراً جان فالجان _______________ متميز بالطرح

مشكور جاد
واذا فيك تعطينا شوية معلومات عن الفرق بين اللغة العربية الحالية واللغة القديمة ومشكور

حبيت قول إنو يمكن تكون اللغة العربية هي أصل اللغات بطريقة غير مباشرة

يعني اذا بدنا نحكي بطريقة جغرافية فأكيد أصل اللغات هي من منطقتنا .. يلي هي لغات جدودنا

بمعنى إنو نحنا العرب نعتبر أحد الشعوب السامية ننتسب الى سام ..ابن النبي نوح عليه السلام

هدول الشعوب السامية كانت تحكي لغات متشعبة ويلي هي الارامية والعبرانية والعربية

ومن ضمن اللغات الارامية اللغة البابلية يلي أظهرت معظم الدراسات إنها أصل اللغات العالمية الحالية

طبعاً الشيء بالشيء يذكر اللغة العبرية هي وحدة من اللغات السامية بس أكيد مو هي لغة الصهاينة اليوم

لإنو لغة الصهاينة اليوم تعتبر مزيج من اللغة الالمانية مع لهجة عربية قديمة جدا وهي بعيدة عن اللغة العبرية

لهيك منشوف بعض الألفاظ الصهيونية القريبة للغة العربية متل شالوم (سلام) أو مثلاً جريدة هاّرتس معهناها بالعربي هذه الارض



أما عن سؤالك حبيبنا جان عن اللغات العربية القديمة اللي بعرفو انو كان في أقوام عربية انتهت من الوجود سموها العرب البائدة

وكان الها لغاتا يلي ماتت معا متل البابلية يلي حكينا عنا

إضافة لعرب الجنوب (القحطانيون ) يلي كان من أهم لغاتن اللغة الحميرية يلي هي لغة عربية أصيلة لكن أحرفها لا تشبه الأحرف العربية الحالية أبداً

إضافة كمان لعرب الشمال العدنانيون ولغاتن ..

أما لغتنا العربية العرباء فهي لغة قريش لغة القراّن هي مزيج بين لغات الجنوب الحميرية ولغات الشمال المضرية ..



شكراً جان ع موضوعك المهم وبتمنى كون ضفت شي ..

مشكور كتير جاد