اذا كنت تحبها كفاية دعها ترحل

اذا احببتها بشدة و تعلقت بادق تفاصيلها
اذا عبدت كلماتها روحها جمالها حتى اخطائها
دعها ترحل عندما لا تكون قادرا على ارضائها على الاستمرار معها على منحها ما تستحق من حياة و مستقبل
لا يكفي الحب وحده لتكمل حياتك معها
فهي حبيبة عمرك تحتل افكارك احلانك سطورك غرفتك المظلمة تنيرها بصدى ضحكتها البريئة و همساتها الرقيقة و لمساتها الخالدة
دعها ترحل لتبقى منها الذكرى
دعها ترحل اليوم لانك ستضطر يوما ما الى تركها
ذعها ترحل قبل ان تدمرها و تدمر حياتك و ما تبقى من ايامك
حبيت اول موضوع شارك في للشباب و الصبايا و بتمنى اعرف رايكون
رح تتركو لبتحبو لما بتشوفو الاستمرار معو صعب او مستحيل

اول شي مية وردة الك و لمرورك بهالمنتدى الحلو اهلين فيك
انا بخالفك بالراي ما بعرف شو هي الظروف لخلتك توصل لهي القناعة
بس الحب و لوحدو بيكفي ليبني اساس لعلاقة سليمة
في خلل اذا بتخلي لبتحبا تروح و تضيع من ايدك
هيدا رايي و بتمنى تقبلو

ما بعرف ممكن كون فهمت قصدك
انتا من كتر حبك فيا رح تتركا ممكن ما بتشوف حالك بتستحقا
او ما بتعتقد انو في مجال تستمرو ما فيك تامنلا الحياة لهيي بتحلم فيا
طيب و هيي شو بدا اذا كانت بتحبك و بدا تضل و تكمل شو موقفك
رح تختار تكون البطل لعم يضحي و يسجل موقف تاريخي بحجة انو لصالحا
و انا شايفو ممكن في خوف او في اضطراب
في حب بس موو كفاية متل ما قلت بالعنوان
مشكور على موضوعك
و اهلا فيك

زنوبيا كتب:ما بعرف ممكن كون فهمت قصدك
انتا من كتر حبك فيا رح تتركا ممكن ما بتشوف حالك بتستحقا
او ما بتعتقد انو في مجال تستمرو ما فيك تامنلا الحياة لهيي بتحلم فيا
طيب و هيي شو بدا اذا كانت بتحبك و بدا تضل و تكمل شو موقفك
رح تختار تكون البطل لعم يضحي و يسجل موقف تاريخي بحجة انو لصالحا
و انا شايفو ممكن في خوف او في اضطراب
في حب بس موو كفاية متل ما قلت بالعنوان
مشكور على موضوعك
و اهلا فيك

طبعا ملكتي الجميلة لم انس الرد على كلامك ولكن رايك يستحق التوقف عنده
انا رح قلك انو معك حق بكل كلمة قلتيا ما بستحقا ما بقدر امنلا الحياة لبدا ............
بس بتعرفي صديقتي انتي ملكة تعيشين في برج عاجي و تكتبين و تقرأين في اوقات فراغك
منحتك الحياة شيء غير موجودد عند باقي البنات و هذا واضح من ثقتك الرقسقة و شخصيتك القوية
لم تستفزيني بهذا الكلام بقدر ما عرفتني على نفسك
تعتبرين الحب شيء يشبه فيلم السينما اما ينتهي نهاية سعيدة او لاء
هل فكرت يوما بعد هذه النهاية ماذا يحدث هل فكرت يوما ما هو شعوري فقط عندما اتخيل حبيبتي بين يدي شخص غريب بعد ان كانت لي
لامستي قلب الموضوع بردك ولكنك من حيث اعتقدت انك تنتقديني اعطيتني مجال لاتعرف على شخصية تشبه بطلات الروايات التي قرأتها
تشرفت بشخصيتك اللامعة و اعذريني على اطالتي

هلا فيك بالمنتدى انا بارأيي الحب بيستاهل انك تعطي لنفسك واللي ببتحبها فرصة وتحاول المستحيل ترضيا وتخليا تحبك لانو الحب صعب تلاقيه لهيك مو لازم تتخلا عنو بسهولة شكرا على الموضوع

الحب حاجة فيزيولوجية متل الاكل والشرب
بقى ازا حسيت حالك شبعان حب
تركا تروح

ساندي
يامن و علي مشكورين كتير عالمرور الرائع
و صدقوني في حالات صعب الحب وحدو يستمر فيا
مو دايما الحياة متل ما بدنا ياها بتكمل