الفرق بين الشب والبنت بالسرفيس‏

المواقف اللي ممكن تتعرض إلها وانت بداخل السيرفيس وانت طالع ممكن يخبط راسك بالباب لأن\\ ارتفاعو غلط فاذا كنتي بنت رح تسمعي : الله الله خير صرلك شي ؟؟؟؟ من كل الركاب و نظرات العالم كلها شفقة و وكلن رح يضربو الشوفير لأن الحق عليه ما اشترا سيرفيس الو اكياس هوا مشان الصدماتواذا كنت شب فرح تسمع العالم عم تضحك وتقول العما ضربو مانو شايف !!!!!!! يالله بيستاهل ..شوف وين كان عم يبصبص وقت بتسكر الباب بهدوء تبعا لتعليمات الاعلان اللي موضوع عالباب وما بيتسكراذا كنت بنت … دخيل الله شو هالأنوثة ليك وحتى عالباب مالها نفس تخبطواذا شب …. ليك التشتوش ليك مالو حيل يسكر الباب تفه عهالجيل وقت بتسكرو بقوةاذا كنت بنت … يا حرام اكيد معصبة من شي شغلة الله يعينهااذا شب …. هشششش فهمنا انك قبضاي خلعت الباب وانت قاعد ممكن يجيك اتصالاذا كنت بنت ….. ياخ مأحلا صوتها نيالو المحظوظ .. ومعها اريكسون يا اخي مزوقة اذا كنت شب …. تضرب انت واللي داير عليك وطي صوتك صرعتنا والله فهمنا معك موبايل وقت بيوقفلك الشوفير وما بيكون في معو محلات أصلاًاذا كنت بنت ما عليك الا انو تنظري نظرة وحدة لأي شب من اللي قاعدين بتلاقيه نط وقعد عالسفنجة اللي بعكس الشوفيراذا شب دبر حالك عالدولاب وازا ما عجبك روح مشي شهههه نحنا بعمركن كنا نروح عالحسكة مشي وقت بيكون معك اغراضاذا بنت في مين يطالعلك ياهن وينزلن ويحطن بحضنو اذا بدك والناس شو بتقول بقلبا : يا حرام!! وين اخواتها الشباب يجيبو الاغراضواذا كنت انت اخوها وجبنت الاغراض شو رح يقولو ؟؟ هوهوووووووو تعا حطن بحضننا !!! كلو مشان ما تاخد تاكسي لعما البخل وقت بتطلع غنية بشعة والصوت قوياذا بنت الك الحق تقوليلو وطي الصوت ازا بتريد او غير المحطة والعالم رح تقول اي اي غيرا (اكيد في الها ذكرى حزينة بقلبها) اما اذا شب رح يلتفت عليك الشوفير ويقوي الصوت حبة تانية ورح يقول : ليك هالعالم ليك بدو يشترينا بالخمس ليرات تبعيتو !!! وقت بدك تعطي الاجارما بتفرق بدك تحط ال 10 ازا بتكون جاي من جزر القمر وهاي الشغلة الوحيدة اللي ما فيها تفرقة عنصرية وقت بدك تنزل وتقول للشوفير على مهلك وما يسمع بسبب الاغاني اللي حكينا عنها من شوياذا كنت شب بيتطلع فيك اللي حدك وبيقلك بنظرة فوقية : ما سمع صوتكوبينط التاني بعد ما بتمر جنب بيتك وانت مستغرب انو السرفيس ما عم يفكر يوقف وبيقلك نازل ؟؟واذا بنت ما عليكي الا انو تفكري تفكير بالنزلة او تهمسي همس بينك وبين حالك نزلني واسمعي الشباب كلن بصوت واحد :على مهلك على مهلك ….. نزلها …. شو مانك سامع ؟ …. عاليمين … نزلاااااااااااااااااااااا

 

والله حكيك واقعي ومظبوط لاء ونحنا عأساس ضاربينا شهامة صارت البنت اذا ما قمت وتركتلا محلك بتزورك باحتقار هادا اذا ما قالت بلا نفس طبعا اذا بتريد..وطبعا انت لحالك لازم تفهم المطلوب وتنط متل السبع واذا حبيت تجدبا زيادة وتطنش وتعمل حالك مو سامع بتطلع فيك وبتطبش الباب بوجهك........وكانه صار هادا حق طبيعي

ولسا بدكن مساواة.......كم سنة كمان بنصير نحنا بدنا مساواة..........
مشكورة

ولي عليكن بدكن كلمة تتبلشو فينا مو نحنا النصف التاني من المجتمع وحقوقنا نصا ضايعة بحكيكن عن المساواة بلاهي وينا هي المساواة بس قلولي بلاتحاد الي عم تهتونا فيه ولا مابعرف شوبس اوك صار ق\في شوية وعي عند الرجال باهمية المراة بس بضل عنصر ضعيفميرسي شباب

تسلم يا نسيم على هالكلام %100

AdmiNaSiM كتب:

ولسا بتقولوا بدكن مين يدافع عن حقوقكن ؟؟!!!!!!!!!!

هالرجال المساكين هنن اللي بدهن مين يدلفع عن حقوقن ...

لا تنسوا أنو في اتحاد نسائي ، بس ما في اتحاد رجالي ّّّ!!!

أنا رح علق ع كلام الأدمن شو هيئتك بتسمع كتير فارس كرم .......طالبنا بحق المرا حتى تبأ محررة ............سبقونا كل النسوان ونحنا رجعنا لورا


معناها الحق عليكم لانكم مكانك راوح شدو الهمة شوي بيمشي الحال .......

والله كلام صحيح مية بالمية