من يعتقد بذكائه فليدخل .(2)

بيسأل واحد منهم :
إذا سألت صديقك عن اي الطريقين يجب أن أسلك ، فماذا سيجيب ؟
و يذهب في الطريق المعاكس للإجابة .
صح ؟

ننتظر باقي الردود لنرى اجابات الاعضاء واحتفظ بالجواب مؤقتا

هلق انت كانك عم تفترض انو هاد الشخص مابيعرف مين الصادق ومين الكذاب
بناء على هالشي رح اعطيك هالحل
بيسال بتعرفو وين بيت فلان
الكذاب بقول مابعرف وين بيتو
الصادق بقلو بيتو من هاد اطريق

بيسأل الاول
وبعدين بيسال تاني
وبيشوف من خلال الكلام اي شخص مبين صادق

محمد عفارة كتب:هلق انت كانك عم تفترض انو هاد الشخص مابيعرف مين الصادق ومين الكذاب
بناء على هالشي رح اعطيك هالحل
بيسال بتعرفو وين بيت فلان
الكذاب بقول مابعرف وين بيتو
الصادق بقلو بيتو من هاد اطريق

بناء على حكيك بركي الصادق الي قلي ما بعرف وين بيتو ؟؟
والكذاب هوي الي دلو عالطريق ؟
كيف رح يعرف مين الي جاوبو صح ؟

روح المحبة كتب:بيسأل الاول
وبعدين بيسال تاني
وبيشوف من خلال الكلام اي شخص مبين صادق

هوي سؤال واحد مافي غيرو رح يسالو

شو هالحظ يا نسيم جينا لنحط زائد قال مافينك بقا اليوم لوقت اخر ...
بعتذر منك بس التقيم على جوابك رح يوصل بأذن الله
وشكرا لتفهمك

له يا نبراس انت بجوابك فرضت انو تنيناتن بيعرفو الطريق وواحد بدو يدلو والتاني لا
دقق بجاوبك انت ونسيم وريح يطلع معك هالشي لذلك بعتقد انو جوابي بيزبط بهيك حاله لان انا بس غيرت بصيغة السؤال

طبعا يا محمد هو ما فيه يسأل غير سؤال واحد
وهو ما بيعرف الصادق من الكاذب .

محمد عفارة كتب:له يا نبراس انت بجوابك فرضت انو تنيناتن بيعرفو الطريق وواحد بدو يدلو والتاني لا
دقق بجاوبك انت ونسيم وريح يطلع معك هالشي لذلك بعتقد انو جوابي بيزبط بهيك حاله لان انا بس غيرت بصيغة السؤال

الشخصين بيعرفو الطريق بس واحد رح يكذب والتاني رح يصدق
بجوابك يا محمد صار في سؤالين وهاد مخالف للحل
لانو وقت رح يسال ما بحقلو الا يسال سؤال واحد موجه لاحد الشخصين فقط واكيد رح يكون في جواب واحد مو جوابين
يعني يا الصادق يا الكاذب رح يجاوب لهيك جوابك ما بيزبط
وشكرا الك

لك شو مشان يا شباب
قديش الكن بتتعاملو بالمنتديات وبتناقشو عالم
انو معقول يا نسيم ماشفت اني كاتب هالكلمتين يلي كاتبن انت...!!! يعني شو لزوم كتابتك الن؟؟؟؟
ونبراس انا ماسالت سؤالين انا قلت بيسال: بتعرفوا بيت فلان؟ يعني هون السؤال فيه واو الجماعة معناها سؤال واحد موجه لشخصين وكل واحد منن بجاوب جوبوا (وانت ماذكرت بالسؤال انو بدك جواب واحد وكمان انت بتوضيحك لجوابك كانك عم تحكي عن جواب تاني مو؟؟)
بس موهون كان اعتراضي انا ولا عم دافع عن جوابي انا كان اعتراضي على السبب يلي ذكرتو يا نبراس لحتى تغلط جوابي وهو انو بجوز الصادق يكون مابيعرف بيتو وبنفس الوقت الجواب الصحيح يلي ذكرتوه بدل بشكل واضح انو الشخصين بيعرفوا وين بيت الشخص المطلوب
فبتمنى لما بدكن تقروا رد انو تكونو دقيقين اكتر بفهم ماهية الرد
وشكرا لتقبلكو الانتقاد

طبعأً الشخصين بيعرفوا وين البيت المطلوب بس ما بيصير غير يوجه السؤال لواحد وهو يجاوب ..

وانا لما كتبت ردي ما كتير انتبهت على ردك يا محمد لأنو كنت داخل من الموبايل ...

فلا تواخذنا حبيب .. وعادي انت بتغلط متل ما كل العالم بتغلط ..

لا كتير تنزعج وتحط ببالك ..

اخي محمد انت اخي الكبير وبعتز بهالاخوة
بس القصة ما بدها كل هيك حكي
نحنا بنعرف نتناقش وعم نتناقش
بس بالنسبة للحذورة
الشخصين بيعرفو الطريق يا محمد والتنين سوا رح يدلوه
بس السؤال كان اذا انا بدي اسال ما بحقلي الا سؤال واحد وضمنا رح يكون فيه جواب واحد
انا لما حليت اللغز ما طلع فيه جوابين ابدا

لانو كان سؤالي اذا بسال اخوك شو رح يقلي ؟
سالت السؤال... و واحد منن جاوبني عليه بس ما سال اخوه... جاوبني بناء على طبيعة الشخص التاني
لانو اذا انا طلعت عم وجه سؤالي للكذاب وعم قلو اذا بسال اخوك شو رح يقلي ؟؟
هون الكذاب بيعرف انو اخوه رح يدلني... لانو من طبيعتو الصدق ... وهيك الكذاب رح يقلي روح من هاد الطريق ... وانا بهيك حالة رح روح عكس الاتجاه
............................
وبنفس الوقت اذا طلعت عم وجه سؤالي للصادق ..وعم قلو اذا بسال اخوك شو رح يجاوب ؟؟
هون الصادق بيعرف انو اخوه رح يكذب عليي ... لهيك رح يصدقني القول ويقلي جواب اخوه الي هوي الطريق الخطأ ... وهيك انا رح روح بعكس هالجواب
.....................
بعتقد مافي اكتر من هيك توضيح
وطول بالك اخي محمد الموضوع كلو ما بيستاهل