الرئيسية
التمسحة
موضوعي اليوم يا أخواني وإخوتي عن التمسحة ...
أما التمسحة فهي شعور ... لا .. هي عدم الشعور بأي شيء
مثلاً : الواحد إذا أكل شي كمّ عاطفي (1)وتبهدل بالحب شوي .. بيتمسح وبيصير غير قابل للطعج مرة تانية .
- تلميذ بالمدرسة بيضل ياكل قتل من الأساتذة بعد فترة بيتمسح وبيصير يطلب القتلة طلب .. وهيك ما عاد ينفع معو أي نوع من أنواع العقاب ..
بالمثل نحنا لما كنا صغار كنا نتأثر بكلمة أو بنظرة من أهلنا لما بتنقصنا ربع علامة ... ومنصير ندرس أضعاف مضاعفة لنعوض
أما بعد تكرار الكلمات والنظرات بتزيد التمسحة تأصلاً وتجذراً ومنصير من فصيلة عديمي الإحساس ..
بتعرفوا شغلة كمان .. ؟؟
بحس أحياناً أنو عم نظلموا للتمساح .
--------
(1) الكم العاطفي : هو أن تحب وتعشق وتتمعشق ،ثم تخونك حبيبتك أو تحب صديقك .
