الرئيسية
عم فتش ع شقفة كون مش ساكن فيها حدا
ع جناحي شيلك من هون طير وعلّي بهالمدى
نسكن خلف حدود البُعد تصير الدنيّ تشتي ورد
بصف نجوم واكتب هندهندهند ونغرق ببحور الندى
بكتب ع خد الليلات كلمة تفسر أحلامي
برسم شال من الغيمات بغطيكي لمّا تنامي
بحرس عينيكي بعيوني بخاف من الحلم يوعوني
بصرخ هند بصوت جنوني توعي ع صوت الصدى
رح سافر فيكي بهالليل عالنجمة وآخد إيدك
غني وخلي نجم سهيل يرقص بليلة عيدك
كون معمّر خلف الحلم أعملك عيد من الحلم
وعد رموشك سهم وسهم وافتح قلبي وعايدا
