طموحكن اّنساتي ... للنقاش

الفتاة الطموحة في عصرنا - الذي نفترض أنه عصر الحرية -

هل يؤثر طموح الفتاة على جانبي الانوثة والامومة من حياتها في مجتمع تحظى التربية فيه

بحصة الاسد , والمفروض أن المرأة تشكل أحد أهم مدارس اعدادها..

هل يجب أن يكون للطموح الفتاة حدود ؟ ومن يحدده ان وجدت ؟

علاقة الرجل بطموح المرأة : هل يتطلب ميزان العلاقة الزوجية أن يكون طموح المرأة منقوصاً عن طموح الرجل

أرجو من الزميلات والزملاء المساهمة بهذا النقاش

أكيد نحنا البنات طموحنا كتير مقيد
وهالحدود اللي فرضاعلينا المجتمع
خلاطموحناصارسراب
ومحصوربحدود المدينة اللي نوجدنافيا
بقى لسه بتقولولنلطموح حاجتكن بقى
قولوطموح أهلنافينا ورضاالتقاليد علينا

الطموح يبدأ في البناءنحو المستقبل
وهو الاساس لكي نبني الخطوة السليمة لنسير بها نحو الامام بثقة
وطموح الفتاة هو أساس نجاحها في هذه الحياة المليئة بالمخاطر
وليس للطموح حدود تقف عندها الفتاة لانها عندما تقف عند حد معين سيكون مصيرها الفشل
وليس بالضرورة أن يتساوى طموح المرأة مع الرجل لبناء علاقة صالحة لكن لكل انسان طموح يسعى لتحقيقه ويختلف عن الاخر
مشكورJAD silver 86 موضوعك رائع

ليش التعصيب broken heart حسيت انو لوكنت قدامك كنت سفقتيني كف !

وبما انو ما شكرتيني ..خلص أنا رح اشكر حالي (مشكووور جاد) !!

يمكن بختلف معك بدرجة التشاؤم أو مدى جدية الحدود اللي ذكرتيها

بس انت ضويتي على نقطة مهمة هي طموح أهلنا فينا .............. شكراً الك ع المساهمة
--------------------------------------------------------

علي الغالي .. مشكور ع المساهمة ..

انت دخلت بموضوع الأولويات اللي بتحكم طموحها هادا الشي اللي يمكن تخالفك فيه نسبة كبيرة منن

من يللي بشوف إنو المرأة قد تضطر إلى بعض التنازلات فيما يخص وظيفتها كأم أو كزوجة

دون أن يبدو ذلك وكأنه انتهاك لقدسية الامومة أو الحياة الزوجية الأمر الذي يحتاج تفهم الرجل ..

الكميت بشكرك ع المساهمة

بتوقع رح تكون الليبرالي الوحيد بها الصفحة !من ناحية أنك رحت ع الاخر بايمانك بطموح المرأة

الغير مأطر بأي إطار ذكوري

يا سيدي نيال مرتك فيك !

مشكور JAD silver 86 والوحد يحكي الصراحة وبس
بس بتمنى ما كون الليبرالي الوحيد هون

بالنسبة لسؤالك ..جاد
القصة مو بيسرني و لا لاء
القصة انو انا بنت و المفروض يكون حدود لحياة البنت و ضوابط ..لأن بالنهاية هي اللي رح تكون الاجيال بشكل أو بأخر...
و بعدين حدا يقلي يا حرمة ...شي مابيهمني كتير ..
لأن أفكاري و قناعاتي انا بطرحها للخارج بطريقتي و اللي بيفهمها يكتر خيرو و اللي مابدو يفهما هو حر
و بنفس الوقت مو انو اتقيد ..لاء طبعا ... الكبت بيولد بالنتيجة أساليب بتخلي الوحدة تعمل غلط لا سمح الله لتعبر عن رايها ..
...

هههههههههههههههه أحلى نكتي بسمعها من شي سنة طموحكن آنساتي
عن أي طموح تتكلم يا خيي جاد..................
أعظم طموح عندهن أنو يوفقهن الله بشي عريس عندو سيارة ورصيد محترم بالبنك و ......
بقى تقلي طمووووووووووح !!!!!!!!!!!!!!!!!!
إذا حكيي غلط أرجو الرد بمنطق وليس بالمثاليات والشعارات الفاضية
مع أحترامي الشديد لكن

مع احترامي الشديد ياalaa.d
رأيك غلط مية بالمية
بعدين جاد بيقصد الطموح اللي بخص الآنسات فرأيك متحيد وما بعبر عن رأينا بنوب
لأنو ماحدا "الآنسات" فيه يعيش من دون طموح وهالشي مو محدود بالشريك الذهبي وبس
وحتى لو اضطر الأمر لبعض التنازلات الضرورية لاستمرار الحياة الزوجية فالمرأة تقوم ما يعجز سواها عن فعله
فهي قادرة أن تكون الزوجة والأم والمهندسة أو الطبيبة أو أو.......................
وهذه حقائق راهنةلا يمكن لأحد تجاهلها
.............نحنا منحترم طموحكن ياشباب ومنعترف فيه وأكيد انتو ما بتسعوا لكسر طموحنا مو هيك.............

انا بشوف انو الطموح بأطار الحياة الزوجية راح يكون موحد للطرفين وبعدين ليش التعقيد ومن جهة تانية مستحيل نقدر نطلع عن عادات مجتمعنا الشرقي وانا بشكل خاص اهم شي عندي بالدرجة الاولى هو امومتي وبعدين الشغلات التانية

علاء .. الثائر دائماً وأبداً

على فكرة يا جماعة رأي علاء موغلط بالمطلق لأنو فيه فئة منيحة من بناتنا هدفن الوحيد حياة زوجية مستقرة و-مرتاحة مادياً-

مع الوأد الكامل لأي طموح خاص -هادا إن وجد -

مشكور يا غالي
___________________________________________

زهرة البيلسان مشكورة ع المساهمة والاغناء رأيك منطقي جداً وأنا معك بردك على علاء

لأنو حكي بتعميم مستفز !

الحمصية مشكورة ع الرد وابداء الرأي الطموح بإطار الحياة الزوجية أمر حضاري ويمكن يكون ديناميكي أكتر بالنسبة للمرأة

لكنه يحتاج تفهم الرجل بتناغم وتكامل و بغير ذوبان

يا يازميلة زهرة البيلسان
بتوقع طموح أي بنت مهما أخد أشكال وألون ومثاليات وحكي جرايد بالنهاية وبالتأكيد رح يتلخص بالعريس الذهبي .................
يا زميلتنا أرجو أنو تجاوبيني عن ها السؤال بواقعية وبدون مثاليات
إذا تقدملك شاب عندو سيارة ومريش الأخ ع 24
وشب أندبوري منفض عايف لي أنفضو
واتنين نفس المستو الثقافي
مين بتختاري ..................؟؟؟؟؟؟؟؟؟؟؟؟؟
أو مين طموحك من بيناتين؟؟؟

جــاد ..

طموح الأنثى قد يزيد من جمال روحها إن هي ناغمته بشكل ٍ يلائم موسيقا الحياة , المادية و غيرها !

إن هي ناغمته مع متطلبات دورها كامرأة ٍ أمّ و عاشقة , إن هي أحسنت استخدامه بما يغني فكر

و عقول من ستأتي بهم على هذه الحياة من أطفال و أبناء ..

لا حدود لطموح إنسان خلقه الله و كوّنه و سخّر الدنيا كلها لخدمته و هذا عين الحقيقة ..

لا يحق للرجل أن يقيـّد طموح شريكته , فطموحها ملكها و يخصها , و المشكلة تكمن

في الذكور الشرقيين الذين يرفضون أن يعلو مستوى طموح المرأة في حياتهم عن

مستوى طموحاتهم الشخصيـة ’ و لكون الرجال (قوامون) على النساء كما فهموا معنى

الآية الكريمة , فبذلك وضعوا في أيديهم أحقية رصد القيود على طموحات النساء !!

و هذه مشكلة قد لا يعاني منها الكثيرون من الازواج لسبب بسيط هوا نعدام طموح الأنثى !!

لا تلفتني من لا يتجاوز سقف طموحها الزواج و (بــظ) الأطفال الأبرياء (واحد ورا التاني) !!

تحياتي صديقي ..

أبو حليم الله يخليلك حليم وأم حليم
خليك بحالك وبلا متعطي نصائح لجاد..........
وخلينا صحاب ومحترمين سنك
وبالمناسبة هاد منتدى طلاب جامعة مو عالم عطلجية مانا دارسة وما بتعرف تلت التلاتة
مع أحترامي ألك يا أبوحليم الجاهل المتخلف.................

بتعرف انا كيف بفهم كلمة طموح متل ما بفهم كلمة بحر .......افق ..........سما ..
شي ما الو نهاية ما الو حدود و لا ضوابط كيف بدك تقول نهاية الافق
بس مع هيك و بالرغم من اني بنت قوية و جريئة و لي بيعرفني بيقول اني ما بخاف من شي هالكلمة كتير بوقف عندا و بتخوفني احيان
يعني انا عندي مشاريع كتير و افكار لبعدين بس بخاف احكيا و تطلع كلا بعدين حكي فاضي لاني بالنهاية فعلا جزء من مجتمع افكاره و تقاليده مترابطة مع بعضا و منوصل كلنا لنفس الحياة و نفس النمط من دون ما نحس
انا لاحظت شي كتير مهم انو اغلب النساء الناجحات عنا متل الكاتبات الشاعرات المثقفات حتى لدخلو منون بمجال الاعمال و التجارة للاسف عم يفشلو بحياتون الشخصية اغلبون مطلقات او منبوذين من اهلون حتى المجتمع بينظرلون كظاهرة مرفوضة و فزلكة
لهيك انا اذا بقدر حقق 50% ممن طموحي بكون بنت محظوظة بظل هيك ظروف
انا ما بنكر انو في تطور و في تقبل لفكرة المراة الناجحة بس دايما بمجتمعنا في شي عحساب شي
هي رح تكون ناجحة من ناحية و متالقة بمجال عملا بس ممكن تخسر حقا بالامومة و حتى الاستقرار و نظرة المجتمع الا كمراة محافظة و محترمة مع انو عملا و تفوقا و نجاحا عبادة اكتر من اي عبادة بالحياة
و شكرا عالموضوع الحلو و اسفة عالاطالة

أبو حليم الغالي مشكور ع المساهمة .. ولك خيي اجباري رح تكون طموحها الوحيد لخالتو ام حليم

زلمي ولا كل الزلم !الله يديمك الها ولرغباتها تلبيةً أو إطفاءاً !

سنان الغالي منور صفحتك - ما في شي غريب- وانت صاحب اللغة المطواعة دائما في الحديث

بالنسبة لفكرة الرجال قوامون على النساء لا اعتراض على كلام الخالق بس الاعتراض على وقاحة المخلوق بالتفسير والتأويل

قد تكون للرجل وصاية على المرأة لكنها وصاية بالخطوط العريضة هي بمثابة المسؤولية على الرجل وليست ميزة له

المفروض أن تكون هذه الوصاية المفترضة نوع من المساندة لما تطمح اليه المرأة وليست عملية (فلترة ) لما يجب أو لا يجب
--------------------------------------------------------------

ساريما شكرا الك كتير ع المساهمة وابداء الرأي ____ وانت صاحبة اّراء متقدمة بكل ما يطرح

ما تفكري انو الشاب كمان مرتاح بما يخص الوصول الى طموحه .. اذا بتركزي شوي زغيرة بالقيود المجتمعية اللي

عم نحكي عنها بتشوفي فيها قيود على أي حركة تغيرية أو تخطيطية لأي فرد بغض النظر عن الجنس

بعدين بدي قلك شي دائما المرأة في مجتمعنا اللي بتسلك طريق التحدي قد تصل الى مرحلة -طبعا بعد فوات الاوان - تنظر فيها الى الوراء

وتعيش حالة ما راح سميها الندم بس هي حالة اعتراف بالهزيمة بالرغم من وصولا لكل طموحاتها

امام هيك مجتمع (بيتوتي) بشوف المرأة من منظار الاسرة فقط

allii
انا قصدت بكلمة ما بخاف من شي اني جريئة و قلبي قوية ممكن ما قصدت الكلمة حرفيا كانت نوع من الاستعارة مو اكتر ما في حدا ما بيخاف من شي
المهم سؤالك عن موضوع انو القوة بالشخصية بيفقد الانثى انوثتا ممكن بالنسبة الك و حسب هيي كيف بتعبر عن القوة
القوة مو ضروري تكون ظاهرة بالملامح او الصفات الجسدية او الطبع الجراة ممكن تكون صفة نفسية بتظهر لما لازم تظهر و بتعبر عنا بجملة مواقف و مبادئ و تصرفات عند الضرورة
بفرح لما حدا بيقلي ما بتخافي من شي لاء بخاف لانو ممكن ما كون قد الكلمة (هي مثال عالخوف )
بالنسبة لرجل ابكي على كتفيه فهاد موضوع تاني تماما و لا تستغرب يكون هيدا الرجل عم يمدني بالقوة لكن خرجنا عن الموضوع الاساسي هون
شكرا الك
كمان جاد مشكور على ردك و تفهمك لموقفي و انتا كملت فكرتي بالنسبة لالكون انتو الشباب القيود موجودة طبعا لكن بتضل اخف و التغيير مرفوض من الطرفين صح لكن المجتمع رح يسامحكون يوما ما لكن ممكن نحنا لاء

لقد تابعت جميع الردود

مع الاعتذار من جميع الأصدقاء فالراي الأكثر عقلانية كان للصديقة ساريما

والحق يقال :

إن طموح تاء التأنيث محدود بمعيار الربح والخسارة

من استطاعت النجاح في هذا الامتحان قد ملكت المجد من أطرافه

ومن لم تستطع فليكون التعادل

وفي الحالتين لا ننسى دور الرجل الذي اما ان يكون الداعم الأول أو العقبة الأوحد

للصديق جاد الجاد

حابين نعرف رأيك....مع الاعتراف بنجاحك في مسك العصى في المنتصف ...إلى حين ؟؟؟؟؟