الخلوات يلي بتثير الشك بين الشبx والبنتy

عييييييييييييييييييييييييييييب نحنا بجامعة مو باماكن خاصة اذا بيهمكون سمعة الكلية نصيحة راقبو هالتنين كل ما انفردوا لحالون شو عم بيصير بيناتون شي ادين فوق وشي تحت وهيي ولا على بالا عنجد شي بيجنن ولا كانو بمكان عام وفي حواليهون طلاب مفكرين حالون روميو وجولييت او عم يمثلو فيلم التايتينك عنجد شي بقرف وبتمنى من الكل يشوفو هالتنيند بالباحة هوي صحي في كتير هيك حالات بس هدول التنين بشكل مو طبيعي فقد رأيناهم يوم الاثنين 26\10 وهم متلبسين على الدرج امام الحمامات بوضعية عنجد ماحدا بيتقبلا وبطلب من المسؤولين انو يراعوا شعور باقي الطلاب ويتابعوا هالموضوع مشان ينحل بسرعة لانو هالتنين مفكرين مافي غيرون بالكلية وحرام والله اصلا يكونو طلاب جامعة خليهون يروحو يفرغو شحناتون برات الكلية لانو هي للعلم مو للعب واذا مانكون متأكدين من حكيي اذا بدكون مستعدي انشرلون صورة وهني بالكلية والله اعلم شو كان عم بيصي ردولييييييييييييي مين بوافق على نشر الصورة ر

يا اخ نسيم انا سالتكون قبل اذا بنشرون مشان تتاكدوا من الموضوع ومشان الحلال والحرام

الله يستر ع العالم
بس بلكي العالم مابدها ينستر عليها يا نسيم

مشكورة على الحرص على المصلحة العامة

الله يستر عالعالم ..
هني رح يلاقو نتيجة هالشي اكيد ..
محدا مانعون يحبو بس مو معناها يمثلو فلم خلاعي قدام الناس ..
طولي بالك ..واعملي حالك مو شايفتيهون وبلا شغلة الصورة منشان العرض والشرف ..

يعني انتي برأيك وقت بدا تنشر هالصور راح تقدري تغيري شي هاد اسمو تشهير وانا ضده

[b][i]يا أنسة بايعتا أنا بظن أنو هني راشدين و بيتحملوا مسؤلية أخطائن
بس هيدي شغلة الصور ما عجبتني

كل انسان بيتحمل نتيجه الاغلاط اللي بيعملها ونحنا مو مهمتنا نحاسب العالم الله بيحاسب الجميع وصارت هيك امور بكل مكان يعني ما وقفت على الكليه بس منيح اللي ما عملوا شي بالزحمه كانوا الطلاب قليلين نحنا لازم نتعلم من هيك امور كيف ما بتجيب غير البهدله والصور ما بوافقك عليها ابدا ما فيه داعي يعني العالم عرفت شو صار وتبهدلوا بكل الاحوال

انا برايي الله يقويون وياخد بايدون
يا حذركون ليش
لانو ولا واحد بالكلية مزعوج منون وانما مو قادر يعمل متلون
اتنين حبوا بعض وما سالوا شو بدكون فيون
قال يعني ولا مرا شايفين اتنين على الكورنيش نازلين تبويس ببعض ليش ما اشتكيتو ولا منظر مو حضاري كمان
مو عاساس بدنا نكون متل الغرب و ذهنية متفتحة

طيب يا ستي انا لو بيصرلي اقعد مع اي بنت وحاكيها بعمل يمكن اكتر من يلي صورتيه وانا شفتو بعيني
ليش الخجل مهي راضية ليش انا ما ارضى
بعدين انزعاجك كلو لانو عيب
طيب هالعيب لانو بكلية ...... عادي مكل الكليات ميصير فيها اكتر من تبويس و ملامسات حتى على علمي ميصير فيها ولادات ليش ما صار تعاليق عليها
ولا لانو نحنا بس بطرطوس وقدام اهلنا يعني لو كنا بعيدين النظر عن اهلنا كان معلش

او ما النا علاقة غير نقول بنت مو مرباية او شب فلتان

خلص قولو نفس الشي بقلبكون وانتهى الموضوع ولا داعي للتشهير لانو يمكن يوما ما يصير هالشي مع وحدة او واحد منكن بغية تجريب الحب الحر الخالي من التحفظات على راي من احبو

والله بكرر لو انو صرلي ما بوقف لحظة

والله انا من راي الشباب اول شي مو حلو التشهير
وتاني شي في رب يحاسبهن
وتالت شي اذا ضليتي مصرة على رأيك ففي عندي فكرة جهنمية
الاوهي كالتالي(بتاخدي الصورة وبتطبعيها وبتلزقيها على كل حيط بالكلية )بس ما بنصح فيها هههههههههه

خلص النتيجة إنك ما تنشري الصور .. محدا وفق عالفكرة.. وبنصحك معاد تهتمي بهيك قصص.. لأنو من راقب الناس مات هماً!!!!!

روحي عنا يا ناقصة لسا تفاهات بعدين ليش مقهورة لانو مانو ما يصير معك هيك شي يعني حتى لو قعدو مع بعض او مسكو ايدين بعض انت شو زاعجك شو ماسك ايدك لو ما كنتي غيورة ما كنت تعبتي حالك وكتبتي هل الموضوع التافه ويحبو بعض الله يوفقون كل واحد حر يحب بالطريقة يلي بدو ياها طالما ما في ضرر واذى للمصلحة العامة

هوي صحيح الله يستر عالناس
بس اذا واحد ما بدو يستر حالو خلي الناس تشوفو
مشان يتعلم

طولو بالكم يا جماعة انا برأيي مهما عصبتو وتجادلتو فالواقع مش رح يتغير ورح يضلوا هنن متل مانهم  اما بالنسبة للصور فانا ما بايد هالفكرة الله شايف الكل والله يستر عالعالم

اجل علي هيك شي بورسترات فضايح هههههههههههههه

الله بستر علي بيستر.....

تمام سيد icco
بس بحب قلك انو تقاليدي ابدا مو غربية وانما شرقية ومكترة وحضرتك فهمت ردي بحسب ما تريد انت وليس حسب المقصود منه
بعدين ما عرفت حالي اني بمحكمة وفي عنا متهمين
صاحب الموضوع حط الموضوع وبلشت تشهير بالجوز ليش يا ترى او شو غايتها الاصلاح ممتاز
لن يصلح العطار ما افسده الدهر

كمان يعني لازم افهم من حكيك انك حطيت حالك بموقف المسؤول عن المتهمة كما اسميتها
ليش متهمة مهي متمارس حريتها الشخصية بعيدا عن اهلها وشو بيعرفني اذا بعيد او لا بس هيك الواضح ومع ذلك هي مو فارقة معها فليش بدو يفرق معي على انو اساس ولي امرها ولا حبيبها اللي ما سال على كل لو كنت وليها يمكن الي تصرف خاص لو اني بعرف
يا ترى انت بتعرف ولو بتعرف شو بتتصرف ؟؟؟؟؟؟؟؟؟؟؟
ما البنت بمرحلة مراهقة وكل شي عملتو عادي جلست مع شب و تغازلو ببعض و لمسلها ايدها و لمسلها شوي من بدنها ويمكن باسها
بتصير كتير ويمكن الاغلبية الي مو فارقة معهون الحكاية عاملين هالشي و يمكن انت شخصيا سمعان عن اكتر من هيك بقا شو كان ردة فعلك
ولا تقلي انها كانت استغفر الله و اعوذ بالله لانها مو ردة فعل ولا شي

يعني بالنهاية كل واحد مني و جر عبر هالموضوع ما عمل شي ابدا ولا غير شي

يا ترى حضرتك عملتلها جلسة صفا و توعية و ارشاد نفسي قبل تلاوة محاضرتك
وانو الله بيحاسب ما اختلفنا من بدء الخليقة وهو ميحاسب
بس انو الموضوع مو تفاهة الا اسمحلي فيا هي لانو تفاهة اكتر من اللازم
لكن شو رايك بحالات الدعارة بشكل عام بسورية وفي طرطوس و غيرها من المحافظات بدك تقلي الله بيحاسب اي مزبوط بس شو حلك يمكن حلك انك تسكت او تحكي وتضحك
بقا بزمتك التعليق على هالموضوع ولا التعليق على يلي ميصير على الكورنيش البحري عنا
اكيد لا مقارنة لانو التعليق على الكورنيش بيمس يمكن اغلبية شعب طرطوس
بينما يلي ميصير بالكلية فهو بشكل محدود
بقا خلو التعليقات لشي مفيد احسن من هالحكي و انو نركض لنتقصى خبر هون و خبر هونيك عن حالة قدامنا وهي عابرة و بسيطة
ومنشان شو منشان نغير النظر عن حالات اكبر و اوسع هاد حكي ما الو لازمة لانو بلا نتيجة ولا تقلي انك خايف على سمعت الكلية لانو لو صحيح هالشي ليش ما شفت مطالبتك الحثيثة بتسريع بناء الجامعة المحترم او على الاقل ابداء راي بالموضوع غير انك صغرت كليتك بتسميتها مدرسة وردك على موضوع مشروع الجامعة هيك بيدل
بقا رجاء بلا تعالي وبلا تذاكي وبلا تلاعب بلالفاظ لانو شي قديم و ما منو فايدة على الاقل يا عمي التزم بكلمة
هون انت خايف على سمعت الكلية
وهونيك متسميها مدرسة بقا كيف حافظت على السمعة .........ما فهمت سبحان مغير القلوب و الاقوال