شو رأيك بالكفريات

مسا الخير شباب وصبايا
موضوع اليوم من زمان حابب اطرحو وبتمنى ما حدا ياخدو بصيغة اساءة
القصة اني لاحظت أنو بطرطوس الكفريات منتشرة بشكل رهيب جدا أكتر من باقي المحافظات
يعني بحمص أو حلب أو الشام اذا لقيت واحد غبي بقولولو العمى بقلبك بينما بطرطوس ممكن اسمع كفرية تجاه أي شي
طبعا هالحكي مو تعميم وانما لاحظت هالشي بشكل كبير
وسؤالي للأعضاء شو رأيك بالكفريات
هل تندرج تحت نطاق الحرية الشخصية
أم هي اساءة كبيرة لكل من يسمع مسبة موجهة الى الله الذي تؤمن به جميع الديانات
يمكن النقاش يطول بهالموضوع وأنا بانتظار آراء الأعضاء
وبكرر أنو هالموضوع مو اساءة لأي حدا أو أي محافظة أو أي معتقد
وانما شي لاحظته ممكن يكون صح وممكن يكون غلط

مشكور عالرد نسيم
قصة تاني منشوفها من الواقع
اذا حدا كفر قدام حدا بيعرفو بقلو ليش عم تكفر بقلو شو بدك فيني شو أنت رح تحاسبني
أكيد ما رح يحاسبو
بس وقت بسب الله خلق كل البشر بكون عم يوجه اساءة للبشر قبل ما تكون المسبة للرب
كمان منضيف هالموضوع للنقاش يا ترى الكفرية مجرد اساءة للرب أو اساءة لجميع البشر

انا شخصيا بهنيك عطرح هالموضوع...............لان كتير بحاجة شبابنا لان ينتبهوا على هالقصة .......
لان فعلا منتشرة بشكل رهيب والغريب بالموضوع انو في غالبية كبيرة من الطلاب.............جامعة ومدارس........مستغربي انا كتير...........
بس اللي فهمتو انو كأنو الشباب بحسو حالن رجال بس يكفرو............
انت شو رايك............

oula22 كتب:انا شخصيا بهنيك عطرح هالموضوع...............لان كتير بحاجة شبابنا لان ينتبهوا على هالقصة .......
لان فعلا منتشرة بشكل رهيب والغريب بالموضوع انو في غالبية كبيرة من الطلاب.............جامعة ومدارس........مستغربي انا كتير...........
بس اللي فهمتو انو كأنو الشباب بحسو حالن رجال بس يكفرو............
انت شو رايك............

مشكرة كتير عالرد
يا ترى هل الكفرية مرجلة
يعني الشب اذا شاف زلمي ضخم ما بسترجي يسبو
طيب كيف بيسترجي يسب اللي خلق هالزلمي الضخم
فعلا غريب

طبعا هالشي غلط ثم غلط ثم غلطولا يندرج أبدا تحت اسم الحرية الشخصية وعلى فكرة لو انك سألت يللي عم تطلع منهم هيك الفاظ عن السبب اللي خلاهم يحكو هالكلام فياويلك يعني رح تلاقي رد ولا كل الردود وكأنو هالشغلة مفخرة بيفتخر فيها البعض لما بيلفظو هالالفاظمشكور كتير ع الموضوع

بالنسبة للموضوع حلو عنجد وخرج ينطرح مشكور
المهم أنا رأيي متل رأيكون طبعا غلط
ولازم الواحد فينا ما ينحط بموقف السامع
لأنو أكيد رح ينغاظ وما في يحكي لأنو اذا حكا رح يقلو ما دخلك وانت شو اللي جاييك
يالله شكرا عالموضوع

أكيد هاد الشي غلط ومارح ضيف شي على كلام الشباب والصبايا

بس رح اتجرأ وقلك انو نسبة كبيرة من يلي بسبو على قناعة انو سب على رب تاني ما الو علاقة بربو !!

أو انو هالرب دخيل اسموما رح يزعل بما انو ما قصدو والنية صافية ..

بس حابب قول انو طريق جهنم مفروش بالنوايا الحسنة .. متل ما بيقولو ..

مشكور حبيبنا جان

والله اللي شايفتو انو المسبة والكفر عالله اصطغفر الله صار شي عادي كتير ومتداول
بقولو مافي شب مابيسب وبيكفر
طيب ماشي ياعمي سبو وكفرو كل مين زمبو عجمبو
بس علقليلة اللي عميسب ويكفر يحاول يمسك حالو بس قدام البنات يعني عيب عشبابو
وحراااااااااااااااام

موضوعك حلو يا أخي وهادي الكفريات صارت عادة بيقلك ما بعرف بس فورياً بتطلع كفرية منو
كأن الشباب بيبن وبين الله في صحبة بيسبو على بعض هاد حرام وعيببببببببببب

بشكر جميع اللي رد
كنت بتمنى لاقي حدا من اللي بيكفرو كاتبين رد لنسمع وجهة النظر التاني

بس علقليلة اللي عميسب ويكفر يحاول يمسك حالو بس قدام البنات يعني عيب عشبابو

يا ترى الكفرية عيب بس قدام الصبايا
يعني أنو الكفرية بوجهة نظرك متل المسبات الرذيلة اللي ما بصير تنقال قدام الصبايا
بتمنى توضحي وجهة نظرك أكتر

بس رح اتجرأ وقلك انو نسبة كبيرة من يلي بسبو على قناعة انو سب على رب تاني ما الو علاقة بربو !!

أو انو هالرب دخيل اسموما رح يزعل بما انو ما قصدو والنية صافية ..

بشكرك يا جاد على جرأتك المعروفة
بس يا ترى هالنموذج اللي حكيت عنو ما بيعرف أنو اللي خلق كل هالناس واحد
عن جد نموذج غريب وفعلا موجود

لأنو أكيد رح ينغاظ وما في يحكي لأنو اذا حكا رح يقلو ما دخلك وانت شو اللي جاييك

معك حق
ومو بس هيك ممكن يتهمو بالتعصب والتطرف وتهم كتير جاهزة وخاصة اذا الواحد مختلف عنو

انا بحسو شي معيب فعلا وللاسف منتشر كتير مدري كانوا هالانسان الي عم يكفر شو بيكون عمل وحقق انا شخصيا كتير بينزل من عينيمشكور الموضوع بيستحق الطرح