وين سينما طرطوس يا عالم!!!!!!

يا شبــــــــــــــــاب وصبـــــــــــــــــايا.............

مو حاسين بعقدة نقص انو مافي سينما عنا بطرطوس متل الخلق والعالم..........

يعني لايمتا بدنا نضل بلا سينما...........
قبل كان في كم سينما وبدل عم يزيدو قلو لحتى انقرضوا وما ضل بالميدان غير حديدان.....(سينما الكندي)..........

اللي يمكن تروح تحضر فيلم فيا من عهد الفرنسيين......وعالاغلب تكون لحالك.......
مو مشان شي مشان تاخد راحتك............

سينما السبع والعباسية سكروا والله اعلم بالاسباب..........

قال عم يقولو انو الديجيتال والسيديات و ال دفي دي بيعوضو عن السينما..........!!!
وبلاد السينما واصحابا المتميزين عندون كل شي ومع ذلك السينما موجودة وبقوة......
وماحدا بيتفصحن متل عنا..........


انا بشوف السينما نشاط ثقافي فني.......... ووجودا بيدل عالرقي والحضارة بالمجتمع........

شو رايكن بتحسوا بعقدة النقص ولا لاااااااااااااااا................

هدا الوضع بكل سوريا
لأنو الافلام العالمية مسموح بسوريا ببيعها على شكل اقراص
وهدا الشي بتعرفي
اما برا فهدا الشي ممنوع وبالتالي العالم بتحضرها بالسينما
فهون بتقول ليش لحط مصاري بالسينما
وانا فيني اشتري للفلم وخلي عندي
فجماعة السينما ما عادت موفاي معون فسكروا
وبعدين فيلم السينما الشريط تبعو ما بوصل لبعد مدري اديش من عرض الفيلم بالعالم وبكون غالي
وهدا الموضوع الحلو بحب ضفلو المسرح كمان
مشكورة

مظبوط حكيك بس انا بنتقد طرطوس لان عنا درجة عالية من الثقافة وسبقنا كتير من المحافظات فليش

هالاهمال الثقافي الفني ان كان بالسينما ولا بالمسرح..........

فياريت انو يحطو قوانين تحفظ حق اصحابا السينما والمستثمرين....................ويقدروا اهميتا..........

مشكــــــــــــــــــــور عالرأي............

مشكــــــــــــــــــــــــور على مرورك يانسيم وعلى رأيك..........

ومعك حق...........

oula22 بكل سوريا مافي معنى للسينما ولا للمسرح اول شي الشعب ما عندو هالوقت وما عندو هالدافع ...
بعدين السينما بطرطوس تحولت من افغلام عادية لافلام مو ظابطة وهاد اللي خلاون يتشمعو للاسف يعني بيهمون يربحو مو همون يشوفو فن ..
انشالله خير ...