رجل يحب امراتين فما رايكم ..؟

شكرا مارو ع رايك ...

انا برجي الثور ..هههه

ولك علي ما كنت بعرف انو برجك الثور

.........

فاجأتني
المهم
بالنسبة للحب تنتين
لازم اتكون الأولى حب والتانية اعجاب
اعجاب بالحركات بالموقف او بأي شي بيلفت النظر

بس لو كان الشب بيحب تنتين عنجد
فهي كارثة .......
إما بيكون غاية في الذكاء لحتى يخبي ويهرب من المواقف الصعبة الي لازم ينحط فيها
او لازم يكون مريض نفسيا
وبظن انو الحالتين قراب من بعض


بس ليش الشرع حلل للرجال بأربعه
يعني الرجال قادر يحب أربعه مو تنتين بس
يا ريت حدا يجاوبني

مشكورة زهر الجلنار وعلي

خيي علي لازم تتوقع كلشي به الدنيا ..حتى انو برجي الثور ... ..

اما شغلة الشرع فهي بدها قعدة ....
مشكورين

والله انا برج الاسد ...... والاسد معروف انو نسونجي

بس للجد ممكن انو الواحد ينعجب ببنتين سوا وممكن يتطور هذا الاعجاب الى حب
كيف يعني ؟؟
يعني مثلا انا بحب البنت الشخصيتها قوية و جرئية و بنفس الوقت احب الهادئة و الناعمة
هلق بخلاف انو البنتين حلوات
ممكن تلاقي كل الصفات اللي بتريدها ببنت واحدة وممكن تلاقيها ببنتين
هلق لو وجدنا الصفتان ببنتين
هنا سيزداد الاعجاب بالاثنتان و ربما تتطور العلاقة معهما سوية ولكن الافضل للشاب ان لا يعطي امل لاي منهما بالارتباط لكي لا يكون املا كاذبا لاحداهما
ومن خلال الاختلاط و المعاشرة ( اي الاقتراب كثيرا من مكنونات الفتاتان) يمكن ان تحب خصالهما لا بل ان تهواهما وسيتولد لديك شعور بالامان و الحب او بالاحرى شعور بالمسؤولية تجاههما بكل ما تعنيه كلمة مسؤولية
وستعتاد عليهما
وباعتبار ان الشعور متبادل من الفتاتان للشاب
ستكون المشكلة عند الارتباط
هنا على الشاب ان يدرس خطوته بحذر لان نتائجها ستكون موجعة
فسيكون عليه المقارنة بعدة نواحي تختص بجوانب حياته
يعني حسب وضعه الاجتماعي و علاقاته او حسب الوضع العائلي وغيرها وسيضطر على الاختيار بينهما
ويجب ان يكون الاختيار سليم لكي لا يندم فيما بعد

هلق ممكن تضحكو و تقولو انو ميألف شي رواية بس هي صراحة و قصة حقيقية خضت غمارها
واظن ان اغلبكم سيقول انو ما زال مراهقا هي الشغلة ابدا مو مراهقة لانو الجميع او الاغلبية ممكن يمروا فيها
وايضا ليست تضارب مشاعر وانما مشاعر متكاملة بحاجة لمن يشبعها ولم تجد اشباعها في شخص واحد وانما في اثنين بناء على مواصفات و امور معينة

القصة مو انو شخص احب اثنين و بس وانما شخص وجد طلبه في شخصين وليس في شخص واحد