الرئيسية
تطفلا على ساتو..
مقطع كتابي ل زياد الرحباني, يقول:
قلي واحد هديك النهار بس قربو الساعة,قلي انو بحياة عرضك
لشو قربو هالساعة فيك تقلي؟
جاوبتو أنا بدون انتباه يعني,قلتلو قدموها لأن صارت عم تعتم مأخرة...
قلي يعني وتعتم مأخرة ,شو جايينا نحنا اذا عتمت قبل يعني؟
انو اذا عتمت مأخرة مش أحسن من ضو الشمعة ولو خيي أو هالنيون عالبطارية..هالدبلة..
لأ انو بحياة عرضك لشو قربوا ولشو بيأخروا لشو بيلعبو فيا للساعة؟
انو شو في ورانا نحنا ليش؟ شو مأثر علينا الوقت؟
مافي شي بيبين معنا نحنا ,لا الليل ولا النهار, انو شو بمدينة تورينو نحنا؟
ليقول الواحد انو كاينين نصنع 3000 سيارة(فيات) بالنهار وهلق اذا عتمت بكير كارثة يعني رح بيصيرو 2890 سيارة, شو خربت الشركة يعني ,وبدا تأثر عالسوق والعرض والطلب تفشكل كلو,لأن هلق بطوكيو
نازلين فبركة بهالوقت بالتويوتا ونحنا بتورينو سربنا مثلا, اي وقام طبش الميزان التجاري
لصالحن 48 ساعة, شو هيدي ؟ هيدي نكبة كبيرة,تأثر الاقتصاد وزاد مؤشر التضخم وتفاقمت البطالة يعني....
شوفي ورانا ولا؟؟ ليقدمو الساعة ساعة ويلخبطو هالعباد, انو لشو تقديم الساعة؟؟
شو هالساعة اللي من العمر يعني؟ مابعدو حنا حنا وبعدو جبران تويني ليلية بيدهشنا,بس مأخر ساعة,
انو اذا بدكن تعملو شي منيح , غيرو جبران تويني يا خيي ما تلعبو بالساعة تركوا للساعة..
كل سنة بتقدمو الساعة ساعة وبتأخرونا عشر سنين ل ورا بنفس الوقت
ما انتو انتبهو عالسنين كمان مش بس عالساعات.....
يعني انو كشي الحمام دخلك شو بيأثر عليه ساعة بالزايد أو بالناقص؟ هيدا يا خيي ساعة اللي
بييجي هالحمام منكشوا ,ليلا نهارا يعني ما فارقة وعم نأمن الخدمة للمنازل, من المنازل.......
مقطع كتابي ل زياد الرحباني, يقول:
قلي واحد هديك النهار بس قربو الساعة,قلي انو بحياة عرضك
لشو قربو هالساعة فيك تقلي؟
جاوبتو أنا بدون انتباه يعني,قلتلو قدموها لأن صارت عم تعتم مأخرة...
قلي يعني وتعتم مأخرة ,شو جايينا نحنا اذا عتمت قبل يعني؟
انو اذا عتمت مأخرة مش أحسن من ضو الشمعة ولو خيي أو هالنيون عالبطارية..هالدبلة..
لأ انو بحياة عرضك لشو قربوا ولشو بيأخروا لشو بيلعبو فيا للساعة؟
انو شو في ورانا نحنا ليش؟ شو مأثر علينا الوقت؟
مافي شي بيبين معنا نحنا ,لا الليل ولا النهار, انو شو بمدينة تورينو نحنا؟
ليقول الواحد انو كاينين نصنع 3000 سيارة(فيات) بالنهار وهلق اذا عتمت بكير كارثة يعني رح بيصيرو 2890 سيارة, شو خربت الشركة يعني ,وبدا تأثر عالسوق والعرض والطلب تفشكل كلو,لأن هلق بطوكيو
نازلين فبركة بهالوقت بالتويوتا ونحنا بتورينو سربنا مثلا, اي وقام طبش الميزان التجاري
لصالحن 48 ساعة, شو هيدي ؟ هيدي نكبة كبيرة,تأثر الاقتصاد وزاد مؤشر التضخم وتفاقمت البطالة يعني....
شوفي ورانا ولا؟؟ ليقدمو الساعة ساعة ويلخبطو هالعباد, انو لشو تقديم الساعة؟؟
شو هالساعة اللي من العمر يعني؟ مابعدو حنا حنا وبعدو جبران تويني ليلية بيدهشنا,بس مأخر ساعة,
انو اذا بدكن تعملو شي منيح , غيرو جبران تويني يا خيي ما تلعبو بالساعة تركوا للساعة..
كل سنة بتقدمو الساعة ساعة وبتأخرونا عشر سنين ل ورا بنفس الوقت
ما انتو انتبهو عالسنين كمان مش بس عالساعات.....
يعني انو كشي الحمام دخلك شو بيأثر عليه ساعة بالزايد أو بالناقص؟ هيدا يا خيي ساعة اللي
بييجي هالحمام منكشوا ,ليلا نهارا يعني ما فارقة وعم نأمن الخدمة للمنازل, من المنازل.......
