مسـرحية هالة والملك .. فيروز

شكراً إلك نسيم
المسرحية ما فيي قلك إنا رائعة أو اسطورة أو ما بعرف شو لأنا أكبر من إنو قيما أنا
بس كنت بدي قلك إنو ما كنت بفضل تذكر أحداث المسرحية لأنو هي الأحداث هيي أحداث ظاهرية للوصول إلى مآرب وأفكار محددة وكل ماعمقت شخصية المستمع كل ما فهما أكتر المهم بكل مسرحيات الرحابنة هوي الحوار ودلالتو والموسيقا بكلشي بتحويه من رقي وإنسانية وأخلاقية وغيرا بتمنى من كل المشاركين إنو يسمعو المسرحية أكتر من مرة لأنو أنا وعيت عهادلدني وانا عم أسمع الرحابنة يعني هالمسرحية مثلاً صرت سامعا لا يقل عن 1000000 مرة ومع هادا كل مرة بكتشف فيا شي جديد (طبعاُ كل المسرحيات مو بس هي) لأنو بتحاكي داخل الأنسان كل ما كبر كل ما اكتشف شي جديد وكل ماتبلورت فكرة وزاد الوعي وخصوصاً إنو الرحابنة بيمتازو عن غيرن بشغلة أساسية إنو اللي كتبوه صالح لأي زمان ومكان
ولهيك أنا بتمنى تسمعو الرحابنة لأنو صدقوني اللي بيفهمن بيصير من أرقى الناس على الأقل انسانياً واجتماعياً
آسف عالمحاضرة الطويلة بس أنا صرت مابصدق إنو إسا في حدا بيعرف إنو لازم يسمع الرحابنة وخصوصاً بهالزمن الهابط اللي نحنا فيه