مرحبا ...طالبة بكلوريا محتاجة مساعدكم ....لا تخجلونا!!!

مرحباااا
كيفكم؟؟؟
انا سجلت جديدة بمنتداكم
موبس لانة امنتدى الطلابي الاول في طرطوسن
بس لاني محتاجة مساعدة من طلاب كلية ااقتصاد بطرطوس وبتمنى ما يخجلوني
انا خلصت بكلورياالسنة

و حابة اعرف عن فرع التجارة و الاقتصاد كدراسة و كمان كفرص عمل و شو ااختصاص الافضل
ان كن محاسبة او بنوك او بشكل خاص ادارة لاعمال

ناطرتكم لا تنطروني كتييير
و لا تخجلوني بدي دعمكم
و انشا الله منصير زملا السنة الجاية

يا نورما انا لساتني جديد بالكلية ما كتير بعرف بس اللي شفتو السنة انو المواد سهلة والتصحيح عادل واحسن من غيرا كتير كليات
ومن ناحية فرص العمل عم يقولو انو شغالة منيح وانو في فرص عمل منيح
وكل الاختصاصات كويسة والشغلة أزواق حسب المواد اللي بترتاحيلا بتختاري اختصاصك
اذا حبيت المحاسبة بتختاري المحاسبة واذا بتحبي الحفظ بتختاري ادارة أعمال وهكذا
يلا ناطرينك بالتجارة

اهلا بشار
شكرا كتيييير كتير لانك ساعدتني
خاصة اني متلك حكون جديدة ع هالفرع
موفق يا رب
شكرا كتير ع نصيحتك و انشا الله منشوفك السنة الجاية بالتجارة

m.abbassشكرااااا لمرورك اخي

و شكرا اكبر لنصيحتك
انا كتيير مترددة بين اعادة البكلوريا او الاقتصاد
مع اني بحب الشغل و المجال العملي كتيييير
اكيد حفكر بنصيحتك و بتمنى اذا حدا كمان بيساعدنيبرايه
لانه الموضوع مو سهل ابدا
شكرا مرة تانية و موفق يا رب

اهلا اخي علاء عباس
فعليا انا سمعت هيك
الله يوفقنا ع المنيح
شرا كتيييييييييييير ع مروروك

ملاحظة :ترا انا رايحة اشرب مته عني و عنك!!
سلملي ع حمص لانها هي الجنة بالنسبة الي

اهلا نورما
الف مبروك نجاحك وان شاء الله بتسجلي اقتصاد وبيطلعلك ه الفرع

انا برايي الاقتصاد احسن فرع على الاطلاق ممكن يندرس
بالنسبة للمواد فهيي سهلة اجمالا
الدكاترة متعاونين وكلن اخوتنا والمكان قريب ومريح
بالنسبة للفرع حسب رغبتك ممكن تسجلي مصارف
او ادارة اذا كنتي بتحبي الحفظ
اما المصارف حل وسط بين التنين من حيث الصعوبة لانو اسهل شي الادارة

فرص العمل منيحة لا يهمك وسألي مجرب بس يكون معدلك منيح شوي كللو بدو يوظفك

موفقة نورما نورتي

يلي حكاه الاخ علي مظبوط مية المية بس اهم شي المعدل و انك تتعبي ع حالك باللغة و الكمبوتر يعني بيصير يلي مابدو يوظفك بيوظفك بس اهم شي التروي وعدم الاستعجال بتسجيل اي رغبة واهلين وسهلين فيكي بمنتدانا

ألف مبروك النجاح يا نورما
أنا طالب اقتصاد سنة أولى و نشالله بترفع عالتانية
و بالنسبة إلي أنا شفت فرع الاقتصاد أفضل من غيرو حيث بدها 4 سنوات و فرص العمل عندها كتير جيدة
بس بالنهاية بدها درس مظبوط

الله يبارك فيكم جميعا يا رب
و شكراااااااااااا كتييييييييييير
نصحتوني متل اخواتي و كلامكم كله بيهمني كتير و ما تتصوروا قديش فادني
لو كل واحد بده يسجل جامعة لقا اخوة متلكم ينصحوه
ما كان حدا ندم او زعل لتسجيله فرع
انا رح انطر المفاضلة اكيد
و اذا صار و دخلت اقتصاد انشالله منبقى زملا بالمنتدى
و الكلية
مشكووووورين

ألف مبروك نجاحك يانورمااااااااااا
أنا طالب اقتصاد سنة أولى وخبرتي صارت منيحة شوي بسبب بعض الأصدقاء
المميزين الذين ساندوني و بتمنى منك تسجلي اقتصاد لأنه فرع ممتع بدراسته هذا من وجهة نظري أنا
فأنا كان هدفي في البكلوريا إني ادرس اقتصاد والحمد لله حققت امنيتي لأني بحب هالفرع كتير وبتمنى إنو اخت متلك تسجل بهالفرع وتستفاد لأنو كل انسان بيدرس وبحط مخو براسو بينجح و بيتفوق وبجيب معدلات عالية المهم التصميم على الدراسة

وإن شاء الله منشوفك معنا السنة الجاية و بتنضمي لإلنا ومنشوفك من المتفوقات
لتنصحي رفقاتك الالي بعدك
و إيش بيلزمك في السنة الجاية نحنا جاهزين

مبروك نجاحك نورما.......

يعني برأيي أفضل من السياحة أذا بتطلعلك مافي.....لأنها رائعة بكل المقاييس

ومن بعدها بنصحك بالأقتصاد..........

وبالنهاية أنشالله تتوفقي بأختيارك......

مابقلك غير كلو قسمة ونصيب والله يوفقك

انا بنصحك بكلية السياحة بالاول............
وبعدين بالاقتصاد......... وبالاختصاص بنصحك بادارة الاعمال لانو اجمل شي........
اصلا نظرا لاهمية هالاختصاص وتميزو عن غيرو خبرنا الدكتور انو بدن يفتحوا كلية ادارة اعمال بحمص مفصولة عن الاقتصاد....

وماتفتكري انو اذا الشخص مثلا اختص ادارة فهو مابيفهم بالمحاسبة ...... بالعكس بدورة او اتنين من معاهد محترمة بتعطي شهادة بيسبق طالب الادارة طالب المحاسبة.....وهيك بيحصل عالاختصاصين سوا....

وبدي خبرك انو بالعالم كلو الكلية الافضل هي كلية ادارة الاعمال وليس الاقتصاد وفي فرق بين الاتنين كتير...
فيكي تسألي اي دكتور بكليتنا عن الموضوع اذا كان الك نصيب وصرتي زميلة.......

سلام..... وموفقة...........

نسيم الاربعين..حلو الكلام ..روحنا_الوسوف..اسير الاحزان
شكرا كتير لمروركم و لتشجيعكم
موفقين بدراستكم يا رب

صديقتي oula22
ممكن {اسمحيلي لو عزبتك}تحكيلي اكتر عن هالنقطة بالتحديد
يعني ادارة لاعمال كلية منفصلة عن كلية الاتجارة و الاقتصاد؟؟

صديقتي oula22
ممكن {اسمحيلي لو عزبتك}تحكيلي اكتر عن هالنقطة بالتحديد
يعني ادارة لاعمال كلية منفصلة عن كلية الاتجارة و الاقتصاد؟؟
ويا ترى هي السنة بدهن يفتحوا الكلية بحمص؟

اهلين نورما.......

من 3 شهور كنا بالمحاضرة ودكتورنا صار يحكيلنا......
خبرنا انو وقت قرروا يفتحوا كلية اقتصاد بطرطوس هوي اعترض على القرار وطالب انو يفتحوا كلية ادارة اعمال وليس اقتصاد...........
بس طبعا مااخدو طلبو بعين الاعتبار.........
فهوي على طول ضل يطالب بكلية ادارة اعمال بسوريا...........
قال اخر شي استجابو لطلبو وقرروا يفتحو كلية ادارة اعمال بحمص........

هلأ الدكتور حسب حكيو انو هيدي السنة اللافتتاح يعني لعام 2010-2011 بس ماعد عرفت شي عن الموضوع.....
بس اذا مو هالسنة بتكون راحت لسنة الجاي....
وبتمنى تتأكدي من الموضوع....

سلام.........موفقة........

ألف مبروك على نجاحك نورما
الاقتصاد فرع كويس من حيث الدرس و من حيث العمل فرص عملو ممتازة داخل سوريا و براتا بس ما تستعجلي المفاضلة مانا مطولة و بالنهاية ما تدخلي إلا الفرع يلي بترغبيه