رمي البلا وما ادراك ماهو

النميمة أو (رمي البلا) هو المصطلح الدارج هالايام
منلاقيه بين الحارات وبكل بناية بكل بيت
بيقتات على اعدات النسوان وغيرة الصبايا وغرور الشباب
حتى بالتمهيدي بين الولاد الصغار بتلاقيه(هي رشا الفسادة قالت للانسة انك ماكتبتي الوظيفة)
كلمات أو حتى كلمة بتنقال بأعدة بزر كافية لتدمر حياة أسرة بكاملها
لطالما ألح علي هل السؤال عن رمي البلا مع كل وجعة راس بتجيني منه
شو بيستفيد هالبني ادم من رمي البلا تسلاية مثلا
ولا الاخ محلل نفسي وعم يشوف ردة الفعل
معقول في عالم بتنبسط لمابتنقل كلام انئال او مانئال و بتسبب مشاكل
وبتفرق بين أختين أو زوج وزوجته أو حتى ام وابنها
معقول اديش الناس صارت مستهينه بهل الئصة
ياترى انت من هل الناس ..كيف بتتعامل مع هل النوعية من البشر
ومع هل المواقف والمشاكل يلي بيسببوها

شكرا الك
انا عانيت كتير من هالعالم وياريت يحكو كلام صح كلو كذب وغش لهيك فعلا تعلمت ما اوثق باي انسان مين ما كان يكون
بس فعلا ناس فاضيين
وبرجع بتشكرك عمساهمتك