قسم خاص:جوليا بطرس

تذكير بمساهمة فاتح الموضوع :

بما انو جوليا هيي فنانتي المفضلة واكتر صوت بحب اسمعو و بكل الأوقات انا وكتار متلي
قررت انشاء هالقسم لكل عشاق جوليا و محبينها
كل يوم انشاله رح نزل اغنية او اي موضوع او خبر بالصحافة عن هالفنانة العظيمة
الكل ممكن يساهم بهالقسم بالاغاني والاخبار بس بتمنى تكون الاغاني بجودة صوت عالية لحتى نستمتع كلنا بسماعها.....


واليوم رح نزل اكتر اغنية بحبها لجوليا ويلي الها ذكرى كتير خاصة عندي.....

من كلمات والحان جاد الرحباني 1994:لشو ترجع بهالليل

غاب وتركني بهالليل
وقال راح أرجع لك .. شي نهار
يمكن قريب .. يمكن بعيد .. بس دايماً
ضلي إنتظريني .. ضلي إذكريني
إنتي دايماً ببالي
راح .. وهالليل ماعاد يروح
وذكريات الماضي المجروح
بعدها ببالي ما عم بتروح
وأصرخلا
روح إتركيني .. وحدي إتركيني
أنا لوحدي حزينه
لشو ترجع بهالليل .. وترجع لي الماضي
أنا كنت إنسيت .. كنت وعيت
ومع الذكريات لوحدي بقيت ..
لشو ترجع بهالليل .. وترجع لي الماضي
وترجعني صغيره .. أنا صرت كبيره
وسرقني الوقت ..
أنا وذكرياتي صرنا أصحاب .. يا ليل

وين اللي كان ما ينام الليل
ياللي ما يمرق ساعه بهالليل
ما يجي ويروح .. قلبه مجروح
من كثر الحب اللي بقلبه .. ساكن بقلبه
ويقولي اغفري لي ..
وين اللي كان يضحك ويميل
ومن كثر الفرح كان قلبه يطير
وين الأيام ؟.. راحت لبعيد
أكلها الوقت .. وما بترجع
بتروح .. وما بترجع
لشو ترجع بهالليل .. وترجع لي الماضي
أنا كنت نسيت .. كنت إوعيت
ومع الذكريات لوحدي بقيت ..
لشو ترجع بهالليل .. وترجع لي الماضي
وترجعني صغيره .. أنا صرت كبيره
وسرقني الوقت ..
أنا وذكرياتي صرنا أصحاب .. يا ليل

http://www.4shared.com/audio/lrCz_WTj/la_shou_tergaa.html
بتمنى تحبو القسم وشوف مساهماتكن....

اوعا تكون نسيت .. من اجمل ما غنت جوليا
مشكورة كتير sos والله يعطيه العافية لكل واح عم يساهم بهالقسم
وتحيه كمان ل broken wings اهلا وسهلاا فيكي ويعطيكي العافية ...ذكرتيني ب اغنية broken wings for 2pac
شكرا

الله معك



روح و طول بغيابك لون بالغربة بابك
إنساني يا حبيبي .... قلبي مش معك

الله معك الله , الله معك
إذا رايح الله معك , ما تفكر رح أمنعك
إذا رايح الله معك , ما تفكر رح أمنعك

انت إذا قررت تفل ما راح أترجاك تضل
انت إذا قررت تفل ما راح أترجاك تضل

ولا بدي أبقى معك الله معك , الله , الله معك

إذا رايح الله معك , ما تفكر رح أمنعك
إذا رايح الله معك , ما تفكر رح أمنعك

انت إذا قررت تفل ما راح أترجاك تضل
انت إذا قررت تفل ما راح أترجاك تضل

ولا بدي أبقى معك الله معك , الله , الله معك

بيكفي لا ما بدي عد ساعات السفر
ولا أنطر أنا منك رد و يطول السهر

بيكفي لا ما بدي عد ساعات السفر
ولا أنطر أنا منك رد و يطول السهر

ليل الماضي و ساعاته و الهوى و ذكرياته
ليل الماضي و ساعاته و الهوى و ذكرياته
خدهن يا حبيبي .... حبيبي معك

الله معك الله , الله معك

إذا رايح الله معك , ما تفكر رح أمنعك
إذا رايح الله معك , ما تفكر رح أمنعك

انت إذا قررت تفل ما راح أترجاك تضل
انت إذا قررت تفل ما راح أترجاك تضل

ولا بدي أبقى معك الله معك , الله , الله معك

أنا قلبي يا حبيبي مل ع البعد انكسر
وغيابك إذا هو الحل طول بالسفر

أنا قلبي يا حبيبي مل ع البعد انكسر
وغيابك إذا هو الحل طول بالسفر

إذا رايح الله معك , ما تفكر رح أمنعك
إذا رايح الله معك , ما تفكر رح أمنعك
إذا رايح الله معك , ما تفكر رح أمنعك

انت إذا قررت تفل ما راح أترجاك تضل
انت إذا قررت تفل ما راح أترجاك تضل

ولا بدي أبقى معك الله معك , الله , الله معك

soraya كتب:sorry damn......
ما انتبهت انك حطيت رابط للتحميل
ولك يسلمو يسلمو

بيني وبينك ما كان في رباط .. بس انا باللحظة الي عدلت الموضوع وحطيت الرابط ..انتي رديتي وحطيتي رابط الاغنية
وزيادة الخير خير
..................

ماني نسيانة الـــ+++++ ياثريا..
مشكووورة مرة تانية

اي والله اخد القرار .. شو هالصدفة
مشكورة ثريا ع جهودك

مشكورة ثريا كتير كتير
بس يا ريت يكون عنوان الرد الجديد باسم الاغنية منشان تظهر الاغنية ورابط التحميل عند البحث عنا في غوغل
يعني ساوي استعراض قبل ما تكتبي وحطي عنوان الرد باسم الاغنية
شو رأيك ؟
ويسلمو سلفا