هام جدا جدا لكافة الطلاب

الشكر للهيئة الإدارية على اهتمامهم بهذا الموضوع المهم

اي كتير منيح انا سمعت كمان انو بدن يفتشو ع الاظافر والشعر يعني مشكورين بس شو ه القرار يلي طلع بلحظه وبتمنا يكون فيه مسؤليه من كاتب الموضوع لاني مو مصدق مع احترامي الو بس ماشفنا شي من المواقع الرسميه للطلاب وشكرا
والله اول نيسان ما صار لسا
مشكوووووووووور

مشكلجي كتب:اي كتير منيح انا سمعت كمان انو بدن يفتشو ع الاظافر والشعر يعني مشكورين بس شو ه القرار يلي طلع بلحظه وبتمنا يكون فيه مسؤليه من كاتب الموضوع لاني مو مصدق مع احترامي الو بس ماشفنا شي من المواقع الرسميه للطلاب وشكرا
والله اول نيسان ما صار لسا
مشكوووووووووور

مانا كتير مستفضايين لحتا نمزح معك او مع غيرك مع احترامنا لردك

وفيك تسأل العميد او رئيسة الدائرة وبظن انو مو بس مسؤولية مسؤولية كبيرة ونحنا منتحملا لو ما سألنا العميد ما نزلنا هيك موضوع

شكرا ع مساهمتك الفعالة مشان الطلاب يا أخ مشكلجي

broken wings كتب:بس ياريت لو اعرفنا بهالحكي قبل أول مادة لأن الطلاب يلي ما قدموها راحت عليهن فرصة التقديم بالصيف خاصة السنة الرابعة...يعني رح يتأجل تخرجن!!

سمعنا الاشاعات وسألنا العميد ونزلنا موضوع ع هالأساس بس شو الصح من الموضوع ما عنا علم نحنا علينا نخبر مشان
مع الايام لا تقولي والله هي مسؤولية الهيئة الإدارية وما خبرت خبرنا واللي مو متأكد فيه يسأل عميد الكلية
شكرا ع مساهمتك

طيب بدو العميد يطبق هيك قرار يحكي من بكير شوي يعني بينطر لأول مادة ليخبر الطلاب........ يعني راحت الحسابات

مطر الامتحانات قالوا انو مافي هيك شي وما اجاهن هيك قرار يعني ماحدا بيعرف كيف ومن وين الدكتور نديم حمود جايب هالقرار ...

شكلو هالقرار اجتهاد شخصي!

مطر كتب:عفوا منك يا زميل ..
اليوم 18 الشهر
وأنا هلق لشفت هالموضوع ..
يعني مثلا ليش ؟؟؟ ومن وين لوين ؟؟؟؟
بالمرسوم اللي هوي المرسوم ما انذكر هيك شي .. انذكر انو في رسم تسجيل بالدورة الصيفية
وإذا ولا بد ليش ما اتعلق القرار بالكلية من شهر ..؟؟؟ هلق اللي ضرب .. ضرب
مو بالضرورة كل الطلاب تدخل ع المنتدى وتشوف
ما بيكفي أنو كل كليات سوريا قدموا الامتحان لحدود اسبوع وعنا لأ ..
انضغطنا بالمواد وبالبرنامج وما حكينا شي .. بس ما بدكن يانا نحذف
ليش الطالب بيحذف المادة ؟؟؟
مشان ينزل يسجل حضورو فيها ويضيع وقتو ..
أنا ما نزلت ع الحسابات ولسا مادتين مارح قدم ولا رح انزل لأنو ما فيي بكل بساطة ..
لو سمحت .. حضرتك بصفتك من الهيئة الإدارية .. أو الأصح الهيئة الطلابية ..
يعني حضرتك المفروض أنو معنا يازميل ومو ضدنا
بتمنى أنتوا بالهيئة تشتغلوا ع الموضوع


اعذرني ع الحدة بالكلام .. بس انزعجت كتير لأني هلق لعرفت
والقصة مو هينة ..
نأمل بتوقيف القرار
تقبل مروري ..

أول شي رسم تسجيل أفي واللي بيقول انو في رسم تسجيل للدورة الصيفية قليلو كذاب لأن الحمدالله محدا من طلابنا فهمان القرار اللي نزل مشان الفصل الثالث ( اسمو فصل ثالث مو دورة استثنائية ولا صيفية ) يعني امتحانك دورة أولى + دورة تانية + دورة تالتة

تاني شي مشان موضوع البرنامج نحنا طلاب متلنا متلكون وحاولنا كتير مع العميد لحتا يمدلنا الامتحان وكتير كتير حاولنا بس ما قبل شو فينا نعمل يعني أكتر من هيك
البرنامج مضغوط والله مو من الهيئة من الوقت هوي اسبوعين وعنا 40 مادة انتو الواحد منكون ابيتطلع غير ع موادو نحكي الصراحة اذا فيكي توزعي 40 مادة بأسبوعين ويكون بين المادة والتانية أكتر من يومين ساعتا حكي تاني
نحنا ع ايام الدكتور أديب برهوم قدمنا يوم جمعة بس حكم يوم الجمعة 21-1-2011 ذكرى استشهاد الباسل هاد عطلة رسمية طالبنا ب الجمعة اللي بعدو ما عطانا ياها العميد شو منجبر الادارة يعني مو من صلاحياتنا لا نحنا ولا غيرنا لأن افيكي تعملي شي معو القرار جاي من 16 الشهر مو من 15 عمليا أخدنا يوم زيادة
بالنسبة للكليات التانية او الجامعات التانية هاد شي بخص عميد الكلية نفسو مو الهيئة الإدارية بتقرروا

بعدين مانا نحنا لا ضد حدا ولا مع حدا طلاب متلكون اكتر من انو نطلب من العميد يمد الامتحان او يزيد مدتو ما فينا نعمل منقلوا وافق كتر خيرو ما وافق حقو ومحدا فيه يحكي معو شي لأن القرار من 16 ببلش الامتحان وبينتهي ب 31 هاد القرار من وزير التعليم مو من كلية الاقتصاد

بالنسبة لموضوع الحضور بالمواد
نحنا نزلنا هيك موضوع ع المنتدى بس مشان العالم تعرف انو في اشاعات وما نزلناه غير لأن سألنا العميد يعني اللي بدو يعاتب يروح يعاتب شؤون الطلاب هيي اللي مسؤوله عن هالشي مو الهيئة الإدارية
برجع بذكر برسم التسجيل هاد حكي فاضي افي لا رسم تسجيل ولا دفع مصاري لأن دورة نظامية متلا متل غيرا

بالتوفيق الك مطر بكل امتحاناتك

ولا يهمك نحنا مع الطلاب ومانا ضد لطلاب وما بعتقد في هيئة اشتغلت قدنا بس دائما موضوع البرنامج ( أحمر بالخط العريض) بالنسبة لطلاب كلية الاقتصاد الثانية فقط

تحياتنا لكم جميعا موفقين في امتحاناتكم

الهيئة الإدارية للكلية

معاون وزير التربية نفى هي الاشاعة وقال ان الدورة التالتة لجميع الطلاب حتى لو ما قدما خلال الفصل

يا جماعة لو في هي قرار كان صدر بالجرائد او كان ظهر علنا لانو ما في شي مخبا
هاد واحد
2- كل الي شارك بالموضوع هاد اغلبون تخرج وبالحالتين عنا دورة فصلية تالتة اذا ما اعتبرناها دورة فصلية تالتة ف هيي بالاصل تكميلة يعني رح نقدم كل موادنا
.....

لا أبدا الدورة الفصلية التالتة مجانية تمااما و مافيها دفع شي لأنها دورة امتحانية متلا متل أي دورة

شكرا للأهتمام ...
بالرغم من اني خريج والموضوع لا يعني لي الكثير ولكن كلام سيادة عميد الكلسة هناك شيء من عدم الصحة فالقرار او المرسوم الذي صدر بخصوص الدورة الفصلية الثالية لم يذكر ذلك وكل ما اشترطه لتقدم للدورة الثالثة هو عدم تجاوز المواد المحمولة ( 8 ) مواد

يعني مو معقول الواحد يكون مسافر مثلا او مريض ومانو قادر يقدم فحص انو ينزل خصوصي مشان يسجل حضور وهو هيك هيك راسب اذا قدم الورقة فاضية واخد صفر او اخد 49

شكرا

مشكووووووووووور بس اكيد خبر متأخر كتيييير