صوت القلب أم العقل ..أيهما تتبعون ؟

allii كتب:صوت العقل بلا منازع
القلب يعني العواطف والتخيلات ودائما القلب بيأثر ع قرار العقل
العقل هبة الله للبشر ومميز الانسان عن سائر المخلوقات
واذا فشل قرار العقل مو العلة بالطريقة العلة بمحدودية او نواقص العقل البشري واختلافو من شخص لاخر
شكرا الك ع الموضوع الحلو

aya كتب:صوت القلب...

أكيد يا علي العقل هوي يلي بيميز الإنسان عن باقي المخلوقات
وهوي نعمة طبعا
وأكيد مو القصد إنو ما نستخدم العقل القصد هوي الإحساس
إحساس الإنسان تجاه موضوع معين أو حتى أشخاص إذا بيرتحلن أو لأ
أنا كتير بمرق بحياتي بمواقف بيكون لازم إختار بين شغلتين
(ع فكرة أنا من الأشخاص يلي كتير بيفكروا وبياخدوا وقت بالتفكير) لكن برجع بالأخير لإحساسي الأول وبكتشف بعدين إنو كان صحيح...
ما بعرف إذا القصة إلها كمان علاقة بشخصية كل إنسان
شكرا كتير نسيم الأربعين ع الموضوع بتستاهل +

aya كتب:أكيد مو القصد إنو ما نستخدم العقل القصد هوي الإحساس
إحساس الإنسان تجاه موضوع معين أو حتى أشخاص إذا بيرتحلن أو لأ
أنا كتير بمرق بحياتي بمواقف بيكون لازم إختار بين شغلتين
(ع فكرة أنا من الأشخاص يلي كتير بيفكروا وبياخدوا وقت بالتفكير) لكن برجع بالأخير لإحساسي الأول وبكتشف بعدين إنو كان صحيح...

lady moon كتب:

أحسن شيء اننا نوفّق بين صوت القلب وصوت العقل ..

هالشيء صعب جداً وما منقدر عليه بأغلب الأوقات ..

لذلك منوقع بمطبات نتيجة التفكير بالعقل فقط أو بالقلب فقط ..

برأيي في أوقات كتير منوقع بالحيرة القاتلة , ومنفكر ومنفكر ومنفكر ,

ومنحاول نتخذ خيار من عدة خيارات مطروحة أمامنا ..

لكن عبث ..

هون منتبع إحساسنا , منتبع كلام قلبنا , لأنو العقل ما بيفيدنا ولا بيساعدنا ,,

بالعكس ممكن يزيد من حيرتنا أكتر ..

ممكن إحساسنا يكون صح وممكن يكون غلط ..

بأوقات تانية ممكن يصير العكس تماماً , ويكون قلبنا محتار بين اتجاهين متناقضين تماماً ,

وهون بيجي دور العقل ..

بالنهاية خلينا نحاول ناخد شوي من قلبنا وشوي من عقلنا , لعل وعسى منستطيع نحصِّل أكبر عدد من القرارات الصائبة , ونبتعد عن الخيبة ..

مشكور نسيم الأربعين ع الطرح ..

روح المحبة كتب:صوت القلب

شو ماكان الخيار لو كانت النتيجة مو منيحة

بتبع قلبي ثم قلبي ثم قلبي اخر شي العقل

روح المحبة كتب:القلب لان اكتر من مرة تبعت عقلي بس ماكان الخيار صح
وكان خيارقلبي الاصح
مشكور نسيم عالموضوع

mousa00 كتب:والله يا شريك انا غالبا بسمع صوت قلبي

مشكور موضوعك حلو

silver.moon كتب:والله عالغالب صوت القلب مع اني احيانا بحاول ما رد عليه بس ما بقدر ما بشوف حالي الا مشيت متل ما بدو

hiba.h كتب:أحيانآ في مواقف بالحياة لازم نرد ع صوت قلبنا فيها وخاصة إذا كان الموضوع بيتعلق بالغوالي علينا والي منعرفون منيح وبالمقابل في مواقف لازم نسمع صوت عقلنا فيها لأن صوت القلب ممكن يخسرنا كل شي
بالنسبة إلي الصوتين مهمين بحياتي .. وأحيانآ لازم نسمع الصوتين سوا ونوفق بيناتن بقدر الإمكان رغم إني برجح صوت العقل بأغلب أمور حياتي .