سؤال من طفلة سورية لأبيها :

ﺟﺎﺑﻮﺍ ﺟﺜﺔ ﻋﻠﻲ ﺑﻴﺘﻨﺎ ... ﻳﻌﻨﻲ ﻭﺍﺣﺪ ﻣﻴﺖ ..
ﻫﻮ ﺻﺤﻴﺢ ﺑﻴﺸﺒﻬﻚ ﻭﻻﺑﺲ ﻧﻔﺲ ﺗﻴﺎﺑﻚ ..
ﺑﺲ ... ﻏﺮﻗﺎﻥ ﺑﺎﻟﺪﻡ .. ﻣﻮ ﻣﻌﻘﻮﻝ ﺷﻮ
ﺑﻴﺸﺒﻬﻚ ﻳﺎ ﺑﺎﺑﺎ .. ﻣﺎ ﺑﺘﺼﺪﻕ .. ﺑﺲ ﺃﻧﺖ
... ... ﺃﺣﻠﻰ ﻣﻨﻮ ﺑﻜﺘﻴﻴﻴﻴﻴﺮ .. ﺃﺻﻼً ﻫﻮ ﻣﻮ ﻣﺒﻴﻨﺔ
ﻣﻼﻣﺢ ﻭﺟﻬﻪ ﻣﻨﻴﺢ .. ﺑﺲ ﺃﻧﺎ ﻣﺘﺄﻛﺪﺓ ﺇﻧﻮ ﻣﻮ
ﺃﻧﺖ .. ﻣﺴﺘﺤﻴﻞ ﺗﻜﻮﻥ ﺃﻧﺖ ...
ﺃﻧﺎ ... ﺃﻧﺎ ﻣﺎ ﺑﻜﻴﺖ .. ﺿﻠﻴﺖ ﺃﺗﻄﻠﻊ ﻓﻴﻬﻮﻥﻭﻗﻠﻬﻢ ﺇﻧﺘﻮ ﻏﻠﻄﺎﻧﻴﻴﻦ .. ﺇﻧﺘﻮ ﺃﻛﻴﺪ
ﻣﺨﺮﺑﻄﻴﻦ .. ﺇﺟﻮ ﺍﻟﻜﻞ ﻗﺮﺍﻳﺒﻨﻨﺎ
ﻭﺍﻟﺠﻲ......ﺭﺍﻥ .. ﻛﺎﻥ ...ﺍﻟﻜﻞ ﻋﻢ ﻳﺒﻜﻲ ﻭﺃﻧﺎ
ﻗﻠﻬﻢ ﻭﺃﻧﺎ ﻋﻢ ﺍﺿﺤﻚ : ﻟﻚ ﺷﺒﻜﻢ ﻫﺎﺩﺍ ﻣﻮ
ﺑﺎﺑﺎ !!!!
ﺻﺎﺭﻭﺍ ﻳﻘﺮﺃﻭﺍ ﻋﻠﻲ ﺍﻟﻤﻌﻮﺫﺍﺕ ﻭﻳﻀﻤﻮﻧﻲ
ﻭﻳﺒﻜﻮﺍ ..
ﺑﺎﺑﺎ ﻃﻴﺐ ﺑﺪﻱ ﺍﺳﺄﻟﻚ ﺳﺆﺍﻝ ﻭﺑﺲ ﻟﺘﺮﺟﻊ
ﺑﺘﺠﺎﻭﺑﻨﻲ ﻋﻠﻴﻪ .. ﻫﻸ ﺍﻟﻠﻲ ﺑﻴﻤﻮﺕ ﻣﻌﻘﻮﻝ
ﻳﺘﻐﻴﺮ ﺷﻜﻠﻪ ﻫﻴﻚ ﻭﻳﺼﻴﺮ ﻣﻮ ﺣﻠﻮ ﻗﺒﻞ ﻣﺎ
ﻳﺮﻭﺡ ﻟﻌﻨﺪ ﺍﻟﻠﻪ ﻭﻳﻔﻮﺕ ﻋﺎﻟﺠﻨﺔ ؟؟؟ ﺃﻛﻴﺪ
ﻷ ....
ﻣﻼﺣﻈﺔ : ﺁﻧﺴﺘﻲ ﺷﺎﻓﺖ ﻫﻲ ﺍﻟﺮﺳﺎﻟﺔ ﻛﻨﺖ
ﻟﺴﻪ ﻣﺎﺷﻘﻴﺘﻬﺎ ﻣﻦ ﺍﻟﺪﻓﺘﺮ ﺿﻤﺘﻨﻲ
ﻭﻏﺮﻗﺘﻨﻲ ﺑﺎﻟﺪﻣﻮﻉ ...
ﺑﺎﺑﺎ ﺑﺼﺮﺍﺣﺔ ﺧﺎﻳﻔﺔ ﻛﺘﻴﺮ ﺗﻜﻮﻥ ﺃﻧﺖ ...
ﺑﺲ ﺃﻧﺖ ﺣﺒﺎﺏ ﻭﺑﻌﻤﺮﻙ ﻣﺎ ﺃﺫﻳﺖ ﺣﺪﺍ ﺃﻭ
ﺗﺨﺎﻧﻘﺖ ﻣﻊ ﺣﺪﺍ ﺣﺘﻰ ﻳﺄﺫﻳﻚ ﻭﻃﻮﻝ ﻋﻤﺮﻙ
ﺑﺘﺪﺍﻓﻊ ﻋﻦ ﺍﻟﻤﻈﻠﻮﻣﻴﻦ ﻭﻣﻊ ﺍﻟﺤﻖ ... ﺑﻘﻰ
ﻛﻴﻒ ﻟﺤﺘﻰ ﻳﻘﺘﻠﻚ ﻭﻳﻌﻤﻞ ﻓﻴﻚ ﻫﻴﻚ ... ﻣﺎ
ﺑﺼﺪّﻕ ...
ﻭﺍﻟﻠﻪ ﺭﺡ ﻧﺼﻴﺮ ﺃﻧﺎ ﻭ ﺃﺧﻲ ﻋﺎﻗﻠﻴﻦ ﻣﻨﺸﺎﻥ
ﻣﺎ ﺗﻀﻮﺝ ﻭﺗﻌﺼّﺐ ﻭﺗﺰﻋﻞ ﻣﻨﺎ ... ﻭﺧﻠﺺ
ﻋﻨﺠﺪ ﻭﻗﺖ ﺗﺠﻲ ﺗﻨﺎﻡ ﺑﻌﺪ ﺍﻟﻐﺪﺍ ﻣﺎ
ﺣﻨﻄﺎﻟﻊ ﺻﻮﺕ ﺃﺑﺪﺍً ... ﺭﺡ ﻧﻨﺎﻡ ﻣﻌﻚ ...
ﺑﺎﺑﺎ ﻋﻢ ﺃﺳﺘﻨﺎﻙ ... ﻛﻠﻨﺎ ﻋﻢ ﻧﺴﺘﻨﺎﻙ ...
ﻫﻸ ﺃﻧﺖ ﻭﻻ ﻳﻬﻤﻚ ﺇﺫﺍ ﺑﺪﻙ ﺗﺄﺧﺮ ﺷﻮﻱ ﺑﺲ
ﻻﺯﻡ ﺗﺠﻲ ﺑﺎﻵﺧﺮ ...
ﺇﺫﺍ ﻣﻮ ﻣﻨﺸﺎﻧﻲ ﻣﻨﺸﺎﻥ ﻣﺎﻣﺎ ﻭﺃﺧﻲ
ﻣﺸﺘﺎﻗﻴﻨﻠﻚ ﻛﺘﻴﺮ ﻛﺘﻴﺮ ... ﻭﺑﺘﻌﺮﻑ ﺷﻮ
ﻛﻤﺎﻥ .... ﻣﻨﺸﺎﻥ ﻣﺎﻳﻘﻮﻟﻮﺍ ﻋﻨﻲ ﻛﺬﺍﺑﺔ ....
ﺑﺎﻱ ﺑﺎﺑﺎ ...
ﺑﻨﺘﻚ ﺍﻟﻤﺸﺘﺎﻗﺔ ﻛﺘﻴﺮ ﻛﺘﻴﺮ ... ﻻ ﺗﻄﻮّﻝ ...
ﺑﺤﺒﻚ ﺑﺎﺑﺎ

____منقول عن الفيسبوك_____

أعتذر منك
لكن الموضوع مكرر :
http://www.4jam3a.net/t21591-topic#138446

أوكي مافي مشكلة

شكرااا