منتدى فور جامعة 4jam3a - طلاب كلية اقتصاد طرطوس

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

المنتدى الطلابي الأول في طرطوس .. والحاضر يعلم الغايب


    نينا سبايسي تشكن

    anas4fcb
    anas4fcb
    مشرف منتدى يلا رياضة


    ذكر
    عدد المساهمات : 5950
    العمر : 32
    المكان : طرطوس
    المزاج : ؟؟؟؟؟
    الدراسة : اقتصاد
    السنة الدراسية : 3
    المستوى : 13
    نقاط : 6541
    تاريخ التسجيل : 08/10/2009

    نينا سبايسي تشكن Empty نينا سبايسي تشكن

    مُساهمة من طرف anas4fcb الثلاثاء يناير 03, 2012 1:38 am


    المقادير
    ياجماعة النينا سبايسي بدها المكونات التالية :

    1-فليفلة حمرا حلوة +فليفلة خضرا (حلوة أو حدة ) حسب الرغبة بس انا بحبها حدة
    2-
    جزر يقطع مو ناعم ولا خشن وسط انا بعملو بكر رقيق
    3
    -فطر اكيد مقطع مو كامل
    4
    - بازيلاء هي مدعبلة ما بدها تقطيع
    5
    - ذرة حلوة بدكن تحسنو تستعملو المعلبة او المسلوقة منقطعها
    6
    - صلصة بشاميل
    7
    -معكرونة حلزون تسلق نصف سلقة
    8
    -جبنة قشقوان او موزاريلا "اطيب"
    9
    -والاهم طبعا فروج مقطع طوليا ----قياس وسط---

    هلأ ثانيا ًطريقة التحضير:

    بنقلي الفروج فقط (بمقلاية غميقة او طنجرة ما بتفرق ) مع ملح وبهار اسود وبهار ابيض وكاري أو شوية بهارات كبسة بشوية سمنة (يعني حسب الكمية )
    بعدين بس استوى الفروج بنسحبه من المقلاية بس رح نترك ميتو والسمنة مشان نقلي فيا الخضرة بس انتبهو أول شي بنحط الجزر (لانو بدو وقت ليستوي اكتر شي ) بس حسيتوه دبل بنحط البازيلاء ومنقلب شوي بعدين بنضيف بقيت المكونات ومنحط شوي من البهارات كمان عالخضار (رشة بس مو كتير ) وبنقلبهن لوقت ما يدبلو وتحسو انو استو هلأ رح نضيف الفروج الي شلناه (مو متذكرينه) ومنقلب شي 3 دقايق منطفي عليهن ومنضيف المعكرونة المسلوقة عليهن (انا ما بكترها ) وبنعمل البشاميل ومنجيب جاط بينحط بالفرن (بيركس) اول طبقة رح تكون الخليط وهلا رح نحط الجبنة القشقوان (حسب الرغبة ) بعدين الخليط وهكذا دواليك لحتى يخلص الجاط وهلا رح نضيف البشاميل (لازم تكون كميته كافية لتغطية الجاط كله) بعدين اللمسة الاخيرة جبنة القشقوان وقبل ما يدخل عالفرن هزة للجاط عالخفيف (هي من اسرار المهنة ) الفرن لازم يكون حامي هلا هو الفرن بس مشان تسيخ الجبنة ويتحمر وجها "لانو هي اصلا سخنة" بس يتقمر وشا منطالعها من الفرن ومنزينها اما بزعتر أخضر او بالبقدونس متل ما بتحبو ومياشرة عالسفرة بتكونو محضرين الصحون والشوك وكاسة المي والملح مشان اذا حدا بدو وبتسكبو وبتاكلو وبتدعولي ....صحة وهنا ان شاء الله ....
    عذروني على الصور لأنو ما عندي صور لإلها

      الوقت/التاريخ الآن هو الجمعة مارس 29, 2024 5:07 am