نظام البنات لما يرجعوا من عرس !!!!

نظام البنات بعـد ما يرجعوا من عرس ;
.
.
... .
.
...
1.مين هي اللي لابسة أسود بذهبي ؟

2.التقديم كاان مو زياادة

3. حتى العصير ما وصلنا شو بخلاااا يخرب بيتهم .

4. مين هالبنت اللي لابسة أبيض لعتلي قلبي وهي عم ترقص على كل غنيه

5. كل شي كوم والبوفية بكوم ثاني ،ولي عليهن...

6. شكلها العروس مستأجرة البدله ،، ماإنتبهتي من تحت وسخ

7. فاطمه ما رقصت شكلها حامل

8. ييييييي على أم العريس لابسة كعب ولييي

9. دعااء ما قربت على الكوشة شكلها مخطوبة

10- شفتي سمر ولي عليها شو مأنشحه فستانها هذا تبع عرس أخوها مليون مرة لبسته

11- شفتي العريس دخيل ربوو أحلى منها مليون مرة

12 - الدي جي من سنة جدي...وعبموت

13- شفتو عبير رافعة منخارهــــا مترين لقدااام ع شو ما بعرف

14 - مكياجهم بقررف ولا وحدة بتفتح النفس والله مكياجي بالبيت احلا منهم

15- شفتوا دلال نحفت كتيرررررر أبصرر شو عااملة !!

وبعد كل هالشي بقوولو :
شو بدناا بهالعاالم
تركو الخلق للخاالق
مو نااقصناا ذنوب
استغفر الله

بدي افهم شو قصتكون مع البنات

ههههههههههههه لاوالله عراسي كل البنات

بس صح ولا مزبوط ?؟

ههههههههههه

اي بجوز شوي بس في مبالغة خلاص تركونا بحالنا لسا كل كم يوم في هجوم عالبنات

عنجد عم تبالغ ومو شوي كتييييييييير أنا بالنسبة الي ما سمعت بنت بتحكي هيك بعد العرس بجوز في بنات هيك بس مو الكل

ههههههههههه والله يا هادي معك حق مية بالمية

بس شو قصتك انت والبنات بكرا صبايا المنتدى بيعملو مظاهرة ضدك

بس كتر منن ها

ههههههههههههههههههه
والله عراسي يبنوتات له الله يسامحكن نحنا عم نهز الورد لنشمو



عراسي ياموسى

شو هادي ماعندك شغلة غير تذم بالبنات
هلق في بنات هيك بيحكوا بس بيكونوا هنن بالأصل ثرثارات مو بس بعد العرس اي مو كل البنات هيك


شو رايكن صبايا نبدأ هجوم بدل من الدفاع

اي وآخرتا مع شباب ه المنتدى

هههههههههههههههههههههههههه عراسي يابنوتات المنتدى والله مافي منكن

ههههههههههههه لا خدونا بحلمكن مشان مانروح فيا نحنا
ههههههههههههههههههههههههههههههههههههههههه

ما فيك تشمو غير حتى تذمو
هاد بيدل على أهمية الصبايا بحياة كل الشباب لهك بضلو حاطين حطاطنا
لاتزعلو صبايا ولا على بالكم عأساس الشباب أحسن مننا خلونا ساكتين أحسن الكم يا شباب
اتفقنا هادي أفندي

شو رايكم نشن هجوم على هادي والا احكيلكم نكتب عن هادي موضوع نخليه يبند حاله من المنتدى

ههههههههههههههههههههههههههههههههههههههههههههههه الله يعزكن يارب اي مومشكلة انا قلبي كبير
ومارح ازعل منكن

ههههههه والله ياهادي حاسستك عم تحكي عن فريال وسعاد ونسوان باب الحارة هههه اسمحلي فيا بقا هاد حكي نسوان مو بنات يعني مثلا كنت حط العنوان حديث ام علي وام أحمد وقت رجعو من العرس كان أزبط مو؟ هههههه
صبايا انتو لي مزعوجين ؟؟ انو شو ماحكوا وأد ماخبصوا بلانا مافين يعيشو حاجتنا هالورقة الرابحة ههههه ‎‎

ههههههههههههههه شو هالدرر هي ماعرفتك

موزابطة