نكت ولا أروع من هيك

ليش القمل عايش بفرح ..؟؟
-
-
-
لأنو فرح مقملة !!
+++++
بخيل كتب على جرس البيت:
-
-
لا ترن الجرس أنا كل شوي بطل من الشباك !!
+++++
محشش فيقتو امو عالشغل مأخر عالعجلة راح لبس
بدلة أخوه الضابط وركض عالشغل وقت وصل شاف حالو بالمراية
قال : الله يسامحك يا أمي
-
-
عالعجلة مفيقة أخي بدل ما تفيقني !!!
+++++
محشش اشترى لأمو عصفورين
الأول عم يغني والتاني ساكت
سألت الأم ابنا : لك امي ليش ساكت هالعصفور
المحشش :
-
-
هاد الملحن يامو !!!!
+++++
بوجود الإخوان المجرمين
-
-
الشيطان ما عاد إلو لزوم !!!
+++++
محشش تجوز اخونجية
كل يوم يجي عالبيت يلاقيها مو طابخة شي
مرة قفعت معو سألها : لك انتي ليش ما عم تطبخي
مرتو : لأن الطنجرة لما تحطا عالنار بتصفر والتصفير حرام
المحشش : انقبري ضبي غراضك وعلى بيت أهلك
-
-
لما يخترعو طنجرة بتأذن ابقي رجعي لعندي !!!
+++++
محشش قال لصاحبو :
بتعرف اكتشفت اني عبقري
الصاحب : أوف وكيف بقى
المحشش : ركبت لعبة البازل تبع ابني خلال سنتين
الصاحب : لعمى بقلبك سنتين اي مو كتير
… المحشش : لك يقطع عمرك شو غبي قال كتير قال
-
-
أي كاتبين عالعلبة من 4 إلى 7 سنوات !!
+++++
محشش قاعد بغرفتو وصافن بالبرادي ((الستائر)) ؟؟
-
-
ناطر المسرحية تبلش !!
+++++
محشش راكب سيارتو اتصل بشرطة النجدة :
الله يوفقكم لحقوني انسرق الدركسيون والدعسات
لك حتى التابلو قشولي ياه
اجت دورية الشرطة بسرعة نزلو المحشش من السيارة ونزلو فيه قتل
المحشش : لك مو أنا الحرامي أنا صاحب السيارة يلي اتصل فيكن
… ليش عم تضربوني
الشرطة :
-
-
لانك قاعد بالمقعد الوراني للسيارة يا حيوان !!!
+++++
الكلمات المفضلة لطلاب المدرسة
-
-
محذوف ، للمطالعة فقط ، غير مطلوب ، منكمل الحصة الجاية.

+++++
عصبي فات على مغسل سيارات
سألو العامل : غسيل معلم ؟؟
العصبي :
-
-
لا والله كوي تضربو انتو ويلي بيجي لعندكن !!!
+++++
حكمة ندل :
ليس المهم أن تنجح
-
-
المهم أن يفشل الآخرون !!
+++++
عصبي عم يحكي لإبنو قصة ما قبل النوم :
العصبي : كان يا مكان بقديم الزمان
الولد : أي مكان ؟؟
العصبي : كان في كوخ صغير بالغابة
الولد : ولمين هالكوخ ؟؟
… العصبي : مرا وجوزا
الولد : ما عندن ولاد
العصبي : لا يا بطيخ قصدي لا حبيبي ما عندن
الولد : وليش ما عندن
العصبي : حبيبي سماع القصة وانت ساكت
الولد : طيب
العصبي : وبيوم من هالأيام
الولد : أي يوم يعني ؟؟؟؟؟
-
-
وهون بتنتهي القصة بضربة شحاطة بنص خلقة الولد
وبنام بسعادة وبيحلم أحلام حلوة !!
+++++
لحام اشترى تخت:
-
-
فرشو بقدونس !!!
+++++
مدير صفحة ع الفيس بوك عينوه قاضي بالمحكمة.
سأل المتهم ما تعليقك على التهم الموجهة إليك.
المتهم : لا تعليق.
القاضي:
-
-
ولا حتى لايك !!!
+++++
سؤال محير محشش :

من المعروف انو الواحد لما يختنق بصير لونو على ازرق
-
-
طيب إذا سنفور اختنق شو بدو يصير لونو !!!..؟؟؟؟؟؟

**************
المصدر: صفحة نهفات الفورة السورية على الفيس بوك