استفسارات بخصوص ماستر التربية

هاي..

أنا عندي أكتر من استفسار بخصوص ماستر التربية وان شاالله لاقي الاجوبة عندكن

خصوصي اذا في طلاب مكملين ماجستير

بالبداية حابي أعرف عدد مقاعد الماجستير لطلاب معلم صف بجامعة تشرين و بجامعة دمشق..

و بخصوص اختبار القيد للغة يلي عرفتو انو المعهد العالي للغات بيساويه وعرفت الموعد من موقع المعهد, بس ما بعرف اذا في دورة وبعدها الامتحان ؟ او لا نحنا مندرس بشكل عام قواعد وهيك قصص

وكمان حابي اعرف اذا بدي قدم الماجستير ع مقاعد جامعة دمشق فاختبار اللغة لازم ساويه بالمعهد العالي للغات بالشام او ممكن قدم اختبار للغة باللادقية و المعياري بالشام؟!!

وأسئلة المعياري بتكون من المقررات يلي درسناها فقط او انو بيجيبو اسئلة عامة ؟ لان في بنت قالتلي مرة جابو متى تأسست منظمة طلائع البعث؟!!

ياريت يلي دارس و عم يكمل يفيدني

ومشكورين جمعيا

أول شي بتشكرك كتير على ردك لان فعلا انا بحاجة لمعلومات بخصوص هالموضوع و خصوصي من ناس عندن خبرة فا شكرا كتير
وبدي اتغالظ عليك كمان شوي بكم سؤال ..
انو ما خبرتيني اذا بيساوو دورة بمعهد اللغات قبل الاختبار او لا؟
وانت متأكدة انو عادي ساوي اختبار اللغة باللادقية و المعياري بالشام يعني بقصد انت قدمتي هيك او بتعرفي حدا قدم هيك..
واخر سؤال بتذكري قديش كان معدلك سنة قبولك..
وكنت عم فكر قدم ع الماستر و ع دبلوم التأهيل التربوي مشان اذا ما انقبلت بالماستر فا عندك فكرة اذا مسموح او بينشطب اسمي من المفاضلتين؟!
وشكرا مرة تانية عذبتك معي

ولا يهمك عزيزتي ........كلك ذوق



بالنسبة ع الدورة هلق اذا بتحسي حالك ضعيفة ساوي دورة لأن الامتحان بصراحة مستواه جيد جدا .أنا ماعملت دورة ومشي الحال

بالنسبة للسؤال التاني اي متأكدة لأني انا ساويت اامتحان اللغة بحمص والمعياري بالشام .( قال بدي اعمل جولة ع المحافظات السورية )....انتي اكيد مارح تعمليه بحمص عمليه باللادقية والمعياري بالشام.

انا كان معدلي ع التخرج 85ونص ........بعد المعياري وجمع المعدلين والتقسيم ع 2 صار معدلي 76 بس كان أعلى معدل والحمد لله ع مستوى كلية التربية بجامعة دمشق

بالنسبة للماجستير والدبلو م فيكي تسجلي الاتنيني واذا طلعلك ماجستير بتعملي شطب لاسمك من الدبلوم

وبتدرسي ماجستير واذا ماطلعلك بتدرسي دبلوم ........





موفقة انشالله وأي شي بدك ياه سأليني ..

لييييييييييييييدي انا ناطرتك كمان اوك ...بدي سلمك الراية قبل ماارجع ع طرطوس