منتدى فور جامعة متوقف مؤقتاً لفترة قد تمتد إلى السنة؟؟؟؟؟؟؟؟؟؟؟

صديقي الكميت الغالي انا معك مية بالمية
وشكرا الك يا غالي

ااااااااااااااااااااااااخ ع هالمنتدى

بضم صوتي لصوتك ولعل رسالتك توصل وتلاقي حدا يسمعا ويصحوا فعلاً

بس مو البيت اللي اتصدع وإنما أهلوا اتخلوا عنو وهجروه.. بتمنى يحلوا الخلافات الشخصية أو عالأقل يحيدوها وما يدفّعوا المنتدى ثمن هالخلافات

السلام عليكم .. يمكن انا مو من الاعضاء اللي كتير نشيطين بس انا رح اسمح لنفسي ومن باب حبي لهالمنتدى انو قول رأي بهالموضوع
اللي فهمتو انو كان في اعضاء مهمين وتركو المنتدى وببغض النظر عن الاسباب بس فرضا ما رجعوا شو بيصير؟؟ بيضل المنتدى مغلق؟؟
اكيد منتمنى يرجعو بس المفروض انو المنتدى يكون قادر يستمر يستمر بأعضاء جدد والمفروض يتم تعويض غيابن والبحث عن بدائل بدل ما نضل عم نستجدي رجوعن

بتمنى تقبل رأيي وشكرا

مرحبا شباب وصبايا

بتأسف لهتأخير

بس معي شوية ظروف

وانبسطت كتير اول مافتحت المنتدى لشوف شو صار بغيابي

وللأسف لقيت هالموضوع اول موضوع بشوف

وانا بضم صوتي معكن انو حرام البيت يلي جمعنا وعرفنا على بعض هيك بسهولي وبكل بساطة ينقفل

ويريت صوتي وصوت الشباب والصبايا يغير هالموضوع

ونكتب موضوع جديد

(منتدى فور جامعة حيضل مستمر للأبد )

للأسف الظاهر الرسالة ماوصلت وماحركت فينا ابدا
وهاد بيدل قديه فور جامعة غالي عند البعض
لك حتى باستشهاد صاحب هالبيت وماحرك فينا شي
خيي نسيم فور جامعة رحل يضل ذكراك وريحتك فيه
وفقط ذكرى
للأسف وداعا فور جامعة

بقدر مشاعرك بس بتمنى ترجع تفكر بقرارك من جديد وما تسنعجل... فور جامعة بحاجة الك هلأ اكتر من اي وقت ...وان كان فعلا غالي عليك انت ما لازم تتخلى عنو وخصوصي هلأ ...

الشهيد نسيم راح وترك فور جامعة امانة عند كل واحد فينا...كونو قد الامانة وما تتخلو عنو

والله ياغالي مو القصة قصة انسحاب وبس
القصة قلة أمانة للشخص يلي عمر هالبيت
حكينا كتير بس عبس وكأنك متحكي حيط
بس ايد وحدة مابتزقف
لاحظ انت هالموضوع من أيمت محطوط
ولاحظ كمية الردود
من أصل مئات المشتركين ماكان في غير ردين أوتلاتة وهدول بينحطو عالراس
فالشغلة مو شغلة انسحاب
بس البيت يلي أبناؤو بينكروه شو فائدة هالبيت بقا
طبعا مع احترامي لفور جامعة يلي بعمري مارح انسى فضلو عليي
وتأكد وقت بترجع المحبة لهلبيت رح كون أول واحد مبسوط بهالشي

اي بس هيدا مو مبرر انك انت كمان تتخلى عن المنتدى .... اذا انت رحت وغيرك راح كيف بدو يرجع المنتدى متل ما كان ... والمنتدى مو شخص او شخصين ان راحو بوقف المنتدى ومننسحب كلنا لان هالكم شخص رفضو يرجعو ... لازم كل واحد فينا يبدا بنفسو ويرجع يكتب ويشارك وينزل مواضيع لحتى البقية يرجعو والجدد كمان يتشجعو ... وبكفي هالمنتدى خسر ناس كتير لا تخليه يخسر واحد جديد

على فكرة"انا بنت"

بعتذر منك بس يلي مابيعرفك بيجهلك
وبشكرك كتير عكلامك يلي أثر فيي كتير
ومعك حق
يمكن أنا ضعفت بلحظة من اللحظات
بس ضعفي من محبتي لفور جامعة وليلي صار فيه
ولأنو بس فوت عليه بنقهر كتير عليه من قلبي وعلى الرغم انو حاولنا كتير لنرجعو
وبأذن الله رح يرجع فور جامعة
ولو كان بعضوين أو مية رح يرجع
تحياتي إلك سيلفر مون
وبحيي فيكي خوفك عالمنتدى وحبك الو