2 مشترك

طلال حيدر

Zeinab.A: جامعي فضي; عدد المساهمات : 1961
العمر : 34
المكان : ساحات العز
المزاج : مقاومــــــــة....
الدراسة : اقتصاد
السنة الدراسية : متخرج
المستوى : 247
نقاط : 2400
تاريخ التسجيل : 07/11/2010

مساهمة رقم 1

طلال حيدر

من طرف Zeinab.A الجمعة أبريل 26, 2013 4:52 pm

اكتر انواع الشعر اللي بتجذبني هوي الشعر باللغة المحكية ... هاد الشعر بعبر عن ذات الانسان .. شرح مفرداتو بينكتب بالروح .. و ابياتو بتحفر بالقلب ...
هوي شعر بسيط .. بأسلوب بسيط وتعابير رائعة ...
طلال حيدر مدرسة بهاد النوع من الشعر ولهيك رح نزل هاد الموضوع اجمعلو فيه قصائدو و طبعا” الكلام شيء و سماع هالكلام بصوت طلال شيء مختلف تماما” ..
انشالله يعجبكم الموضوع و بتمنى اللي عندو شي لطلال يشاركنا فيه ..

Zeinab.A

Zeinab.A: جامعي فضي; عدد المساهمات : 1961
العمر : 34
المكان : ساحات العز
المزاج : مقاومــــــــة....
الدراسة : اقتصاد
السنة الدراسية : متخرج
المستوى : 247
نقاط : 2400
تاريخ التسجيل : 07/11/2010

مساهمة رقم 2

رد: طلال حيدر

من طرف Zeinab.A الجمعة أبريل 26, 2013 5:01 pm

سامع صهيل الفرس وينو عريس الزين
خيال برج الاسد اسمر كحيل العين
والصوت صوتو ومش عارف جاي منين
بس يلتفت بقشع متل لمعة برق و بينسحب سيفين
وبس يضحك بيضوي ع وجه الدني صبحين
بينزل على كتافو القمر يرتاح شي ليلين
وبس يمرق .. نجوم السما بتقول يخزي العين
بيشبه اهل بيت النبي معصوم عالميلين
بتخمنو هلأ اجا و بتخمنو بعدين
سامع صهيل الفرس وينو عريس الزين
حزنين طلعو من الصبر ومن الشعر حزنين
حزن الفقير الماحدا دلو ع دمع العين
لمن عرف صرخ ياربي رحمتك
منين بيجيبو الصبر من وين
سنين انتظرنا هالأمانة بتاخدا بلحظتين
وحزن الايدين اللي ربتو
حتى غلب مجد الدني وماغرتو
وماكان بعينو منا ولا حبتين
يارب ضاقت هالدني حتى حدود السما .. صارت دمعتين
والاسد الله سكن قلبو و ضوالو
مروا اهل بيت النبي يعزوا بخيالو
حزنت ع حالو ميدنو وصارت ملايكة السما قرآن تقرالو
حابس طيور الحزن بقفاص الصدر
مافي حدا بينو وبين حالو
هيدي بلاد و ما الا غيرك حدا
انت صليل السيف والباقي صدا
بس أدنو بالشام هالقلب اهتدا
طار الحمام و غط مقبالو
وشفت سيف الشام مسروج لحالو
بإيدو عم يدق الأرض فاقد لخيالو
بإيدو مسح ع جبهتو وهدا وسقالو
خيال برج الاسد اسمر كحيل العين
وسمعت صهلة فرس قالوا عريس الزين
مابيعتلي صهوة فرس من بعد خيالا
الا اللي هيي بتعرفو .. الخيل الاصيلة بتعرف رجالا
بين هالغابات اللي زرعتا بلبنان
بيقعد بيتفيا الزمان
بيقرالك الفاتحة .. بيطلع على وجهك قمر من سورة الرحمن
من القدس طالع مسيح يخرق الاكفان
بس تفرح اجراس الكنيسة بيرتفع آذان
وعيسى بلاقي النبي المعراج بلبنان
مابينغمد سيف حتى يرجع الجولان
ولافي صلاة بتجوز إلا للاسد بالقدس
وحدو اللي بدو يرجع اللي كان
مافي حدا بيشوف من فوق الدني متل النسر .. عينو تقدح نار
اليوم عرسك قوم استقبل الزوار
قوس القزح ع جبينك ومفتوح باب الدار
الراية حملها بصدرو جعفر الطيار
والسيف سيف الاسد هالحيدر الكرار
مكتوب عالسيف بدنا نكمل المشوار
والدار دارك وانت الوعد يابشار
سامع صهيل الفرس القاها الشاعر في اربعين الشهيد باسل الاسد

zena.h

zena.h: جامعي فضي; عدد المساهمات : 1412
العمر : 36
المكان : الرّيف
الدراسة : اقتصاد
السنة الدراسية : متخرج
المستوى : 93
نقاط : 2141
تاريخ التسجيل : 28/01/2009

مساهمة رقم 3

رد: طلال حيدر

من طرف zena.h الجمعة أبريل 26, 2013 7:42 pm

انتي و طلال حيدر توليفة ياقوتية
مشكورة يا كحيلة العين ..
flower

Zeinab.A

Zeinab.A: جامعي فضي; عدد المساهمات : 1961
العمر : 34
المكان : ساحات العز
المزاج : مقاومــــــــة....
الدراسة : اقتصاد
السنة الدراسية : متخرج
المستوى : 247
نقاط : 2400
تاريخ التسجيل : 07/11/2010

مساهمة رقم 4

رد: طلال حيدر

من طرف Zeinab.A الجمعة أبريل 26, 2013 11:32 pm

غاليتي .. لكتبلك حجاب يحميكي ومعو سيفين
اسم النبي عالسيف و مدهب بيخزي العين ... نورتيني يا اغلى من الروح

منتدى فور جامعة 4jam3a - طلاب كلية اقتصاد طرطوس

طلال حيدر

طلال حيدر

رد: طلال حيدر

رد: طلال حيدر

رد: طلال حيدر